ارجوكم الى كل من يعرف مدينة تلمسان

[mounir mounir]

السلام عليكم اخواني اريد الدهاب الى مدينة تلمسان انا وصديقي ولكننا لا نعرف شيئا عى هده المدينة ارجوكم ان تساعدوني بخصوص الاماكن السياحية الموجودة بها و الفنادق الرخيصة قاع او المراقد و ثمنها وكيفية التنقل بين الاماكن يعني مند وصولي الى موقف الحافلات (لاجونس) و بارك الله فيكم.

[charafo dz]

كي توصل لاجونص اولا سقسي على الفنادق لي فدرب سيدي حامد أكري تم شومبرى وحط صوالحك ثمن الكراء 1200 لشخصين شومبرى جيدة فيها تلفاز وخزانة ويوجد دوش فالخارج
وبعدها روح لقلعة المشور تلقاها قريبة وبعدها ساحة الجامع الكبير و المتحف تاني غير تم قريبة وبعدها المسبح الكبير تتمشى شوي ولكن سقسي المهم متحكم لا طاكسي لا كار هاد بلايص قراب لاجونص وأوتال ومن المسبح الكبير تركب فتليفيريك وتطلع لالة ستي
ويمطنك زيارة ضريح سيدي بومدين تاني مليح و شلالات الوريط لكنها بعيدة لازم تكرو طاكسي ومغارات بني عاد ثاني لازملها سيارة
اتمنى اني قد افدتك

[mounir mounir]

المشاركة الأصلية كتبت بواسطة charafo dz

كي توصل لاجونص اولا سقسي على الفنادق لي فدرب سيدي حامد أكري تم شومبرى وحط صوالحك ثمن الكراء 1200 لشخصين شومبرى جيدة فيها تلفاز وخزانة ويوجد دوش فالخارج
وبعدها روح لقلعة المشور تلقاها قريبة وبعدها ساحة الجامع الكبير و المتحف تاني غير تم قريبة وبعدها المسبح الكبير تتمشى شوي ولكن سقسي المهم متحكم لا طاكسي لا كار هاد بلايص قراب لاجونص وأوتال ومن المسبح الكبير تركب فتليفيريك وتطلع لالة ستي
ويمطنك زيارة ضريح سيدي بومدين تاني مليح و شلالات الوريط لكنها بعيدة لازم تكرو طاكسي ومغارات بني عاد ثاني لازملها سيارة
اتمنى اني قد افدتك

الله يحفظك خويا بارك الله فيك مي سمحلي قصدك المسجد الكبير ولا المسبح الكبير

[tlemcenforever]

للمبيت كاين مكان بثمن رخيص في حي قباصة

[منير265]

مانعرفش تلمسان مليح مليح و لكن شفيت على بيت الشباب ... اخدم كارطا و روح للكيفان بالطاكسي... بعدها سقسي عليها ... تبات غير بـ 100دج فقط لليوم عندك الحق باش تبات 3 أيام و الله أعلم ..........

[mounir mounir]

لقد زرت مدينة تلمسان بالفعل و قد اعجبتني كثيرا وبفضل منتديات الجلفة و اعضاءه الرائعون لم اته ابدا في هده المدينة وكانني قد زرتها من قبل و افضل ما اعجبني فيها اهلها الطيبون المتخلقون الدين يحسنون الضيافة و لن انساهم ابدا.