حياتي ضاعت

[مشكلتي]

السلام عليكم أنا طالب مسيرتي الدراسية كانت جد ممتازة حتى للثانوي 18 أقل معدل ...ضركا الحاضر ...الصدمة انو ديت باك 2019 بمعدل سمحلي ندخل غير للEns وماساعدتنيش اطلاقا قررت نابوندوني على أساس نحضر للباك 2020 المشكلة انو ندير روحي نقرا بصح أنا كنت غير نتمسخر من اليوتيوب لمواقع التواصل و خدعت روحييي ..بطبيعة الحال ديت معدل 12 بدون أي مجهود حرفيا وهاد العام ثاني قررت نعاود وتخليت على دراستي الجامعية ولقيت روحي نتمسخر كيما لعام ليفات نتمنى تعليقاتكم تكون قاسية وتفيقني وانصحوني شوية لانو منذ 3 سنين ونفسيتي فالحضيض من أسوء لأسوء

+ كنت نشوف منامات ونفسرهم نلقا تفسيرهم خير ونجاح وهكذا من لعام ليفات بصح الواقع كارثي

[اميرة الامواج]

بارك الله فيك

محسوب راك قاعد تلعب .الناس تقرى وتحوس وينتى تتخرج وتخدم وانت قاعد تلعب ....تلعب باعمرك وضيع في مستقبلك .
شوف أكثر حاجة تضر في الدنيا انك متصيبش واحد بوجهك للطريق الصحيح في الوقت المناسب ولهذا ....

لانك ضايع فايجب أن ننقذك من الضياع ، ولكن قولي انت واش راك تحوس .علاه راك غير تعاود ....

شباب مقراش بصح عرف كيفاه يبني مستقبله ، شباب رآه في 25 متزوجين وبولادهم .وآخرين 35 وضايعيين ....

لهذا من اليوم قرر أما أن تكون رجل وتتحمل مسؤوليتك وأما الا تكون ....

نوض راك كبير ماشي صغير . استغفر و دير ربي والنبي في قلبك ....
قرر أن تكون افضل من الجميع ....
قرر أن تكون بعد 4 سنوات شيىء مهم ...
قرر أن تحتهد وتتجح ...
انت ذكي بصح طريقك رآه تالف ...

شوف خوي اول حاجة خير حاجة راك تحوس عليها. ولا مصبتش روح لحاجة تع الربح السريع .روح تقرى شبه طبي راهم يقبلوك ، 3 سنين تخرج ووتخدم وتخلص مليح ....

حاب تخرج حاجة فور ، انسى كلش وأبدأ من جديد .لازم تقرى من قلبك وعلابالي توصل وتنجح وروح طبيب وكمل .....

بالله نوض خلينا من الرقاد .....

احلامك يجب تحقيقها في أرضية الميدان ....

ماشي نهار كامل وانت تفسر فيها وتنتظر النتيجة ....

احلامك قالولك نوض وحقق أهدافك

والله وما تقراش درك ، يجي نهار وتندم ندامة طول العمر
اللي مقريتش وكنت تتمسخر ....

هذا يقولولوا هبال ، لازم تفطن وتقرى ...

انا راني قتلك وانت دبر راسك

اخيرا لا تترك الصلاة واعن نفسك بالدعاء ثم بالدعاء

بالتوفيق

سلام من قلب يحب السلام

[chercheur eco]

من البداية مشكلتك واضحة وهي التي سببت لك عدم النجاح في البكالوريا بمعدّل جيد يساعدك على تحقيق طموحك
لا تقل كنت أتحصل على 18 لأن الدراسة الثانوية في هذه الأيام ليست كما في السابق الحصول على معدّل 18 أمر سهل بوجود نقطة التقييم ونقطة الأعمال التطبيقية
ينقصك شيئين اثنين وعدم وجودهما يسبب لك هذا الاهمال
الارادة والاصرار
إذا لم تكن لديك ارادة قوية في تحقيق حلمك فلن تستطيع الوصول اليه
وان لم تكن مصرّا على النجاح فلن تنجح في أي شيء
هاتان الميزتان هما اللتان تفرّق بين المجتهد والمستهتر
ابتعد عن كل شيء يلهيك وركز على هدفك ركّز فقط على الدراسة
فحتى وان بدا الأمر صعبا في البداية عندما تتعود عليها ستصبح مدمنا عليها
تذكر هذا القول
ألم الدّراسة يدوم ساعة وينتهي أما الم عدم الدّراسة يدوم مدى الحياة
لا تضيع وقتك وبدأ من هاته اللحظة فالوقت كالسيف فإن لم تقطعه قطعك

[الأيمان]

احمد ربي الكثير راهم يتمنو في بلاصتك ....
تأكد أن الشيء لختارو ربي خير لك فلا تحزن ...و مادامك عاودت الباك ولم يحدث فارق فاختر تخصصا و استخر الله فيه وابحث فيه ....ولاتضيع وقتك في التحضير للباك ...السنوات تذهب من عمرك ..أنصحك أن تتخصص شيئا تكون عندك قدرة على استعاب دروسه و هناك رغبة فيه حتى لو متوسطة و أن يكون مطلوب في السوق العمل ز نزيدك الشهادات لاتعني شيء فالكثير عندما اتخروا عملوا خارج تخصصهم و لربما بحرفة ..المهم تكون فاهم في هذذا الزمن ونزيدك تعلم اللغات بدل التفكير و التحسر على معدل ..فاللغة تتيح لك آثاق للعمل حتى في الخارج و لربما عندما تسكن في الخارج راهم يقبلو معدل بسيط طب ...توكل على الله ماتعرفش المستقبل واش راح يكون فيه و بالتوفيق.

[بـــيِسَة]

السلام عليكم .

هل تفضل أن تكون أب فاشل في المستقبل و متهاون كمآ أنك الآن ؟
هل تريد أن تعيش كل حياتك وراء باكالوريا مستحيلة ؟
نصيحة أخي ابدأ من الآن أنت رجل ماشاء الله و تستطيع تحقيق ما تريد بمآ أنك تملك الطاقة لفعل ذلك
ها السنة الدراسية تكاد تنتهي و الباك قريب
لذا ابدا من الآن بالتحضير الجيد و لا تنسى الدعاء والصلاة
موفق

[samixp02]

نصيحة مني اذا كنت تريد احد التخصصات التالية medecine,pharmacie,petrochimie فلا تتعب نفسك لانه يوجد تشبع في هذه التخصصات وبلدنا يحتاج مهندسين في جميع المجالات لسنا بحاجة محامين او اطباء او اساتذة

[وسيمツ]

المشكلة أبعد من ذلك.
انت لست معتادا على الدراسة الذاتية بل على نظام الثانوية. بمعنى أن هذا سيخلق لديك وقت فراغ كبير جدا.
و بهاته المعطيات و بوجود الانترنيت ستنحرف. ان لم تكن قد انحرفت فهي مسألة وقت.
المعدل عموما يغذيه الآخرون.
بمعنى ان احدى الدوافع أنك تتفوق على الآخرين.
لكن الآخرين الآن غير موجودين.
و هو ما يجعل أمر احرازك لمعدل كبير لا داع له.
و بالتالي فلن تبذل جهدا قويا للتحصل عليه.
anyway

في هاته المرحلة المعدل ما عندو حتى معنى.
المعنى الحقيقي هو أنك تدخل حاجة تحبها.
تحبها و في نفس الوقت فيها مدخول.
كما قال احد الأثرياء، اختر التقاطع بين الدوائر الـ 3 :
الشغف (= ما تحبه بشدة) تقاطع
المهارات ذات الدخل المرتفع تقاطع
الكسب الحلال.
انسى المنافسة.
الناس لي حاب تجيب معدل مليح و تتجاوزهم و تثبت أنك الأقوى
ما عادوش موجودين و كل واحد في طريقو و راح تنساو بعضاكم.
أنت الآن أمام مهمة مختلفة.
هي أنك تكون نفسك و تصنع مستقبل باهر.
لأنو لي يجيب 18 نابغة.
سواء باعتراف الآخرين أو لا.
و أي مجال راح تدخلو راح تسحقو.
و في الجامعة أهم شيئ هو التميز. أي انك تكون ممتاز جدا في التخصص هذاك.
راح تفتح لك كل الأبواب.
المنافس تاعك اليوم هو أنت البارح.

تذكر جيدا انك لازم ترجع لطريق ربي.
لا أريد أن افترض أمورا ، لكن صدقني يا صديقي.
نمط التراجع في المستوى يوحي بأسباب تدهور أنت تعلمها.
و هي القاسم المشترك في كل الحالات لي مرت عليا و لي لاحظتها.
و لي يجي يطلب المساعدة نروح مباشرة لمسألة الأخلاق و الانحراف.
الناس كامل تتجاهل هاته النقطة لكنها السبب المباشر
و في معضم الحالات، هي السبب الوحيد.
أكبر مشكلة راهي تواجهك ولا أنت تواجهها هي الانحراف
مانيش حاب ندخل في التفاصيل.
لكن طريق ربي هو الحل رقم واحد و الأوحد لكل شيئ.
هو بمثابة رقم إما 0 أو إما 1.
إذا كــــــــان درت كلش بشكل سليم لكن ماكش في طريق ربي اضرب كلش في 0 تتحصل على 0 كشغل ماك دير في والو.
و العكس صحيح.

بالمناسبة.
بركاك من الدراما و حياتي ضاعت و منعرف وشيه.
ماضاعت ما والو.
نقولك علاه ؟
أنت الآن مرت عليك تجربة تعلمت منها و مش راح تزيد تغلط غلطة كيما هي.
لأنو في الجامعة كاين أمور تشبه لهاذي.
مازال الخير القدام.
أيضًا، في المستقبل أولادك راح تراقبهم جيدا في هاته النقطة و ماهمش راح يغلطو الغلطة هاذي.
أحيانا الدروس و المعلومات تكون مجانية.
و أحيانا تكون بثمن.
انت ثمن المعلومات لي عندك هو عامين من حياتك.
ماعليش صاي خلصتهم، بركاك من الدراما و نوض تخدم على روحك.
حتى ربي لو تكون في طريقو و تتريقل مليح.
تقدر تدعيه يعوضلك العاملين هذو.
قادر يكون العوض أي شيئ.
و ربما حتى يضيف لك سنتين فوق الأجل تاعك
فالدعاء يغير الآجل.
على كل ، أهم شيئ أنك تكون على طريق ربي + تبركا من الدراما و تنوظ تخدم على روحك.

+ كنت نشوف منامات ونفسرهم نلقا تفسيرهم خير ونجاح وهكذا من لعام ليفات بصح الواقع كارثي

ماقدرتش نحبس روحي ما نقولكش هاذي:
الناس تخدم على الأهداف تاعها ليل مع النهار و انت ابقى تبع في المنامات.
peace.

[الركن الذهبي]

ياه لوكان تفيق لروحك ماتقراش وتجيب ١٢ القدرة الي اعطاهلك ربي مافقتلهاش حل عينك لاتضيعلك وازرب استغلها اتشوف لعجب وتفرح بروحك

[DINE1994]

يلزمك الاجتهاد وعدم التسويف