|
قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الدرس السابع من مدرسة تعليم فنون الطبخ
|
أدوات الموضوع | انواع عرض الموضوع |
2016-05-16, 13:38 | رقم المشاركة : 1 | ||||
|
الدرس السابع من مدرسة تعليم فنون الطبخ
البسملة1
متابعي المدرسة ان شاء الله تكونوا في تمام الصحة والعافية اليوم درسنا خفيف وساهل وملائم للعرضات او للشهر الفضيل نبدى على بركة الله المقادير نحتاج كمية من اللحم المفروم وحبتين بطاطا طايبة ومن 4 الى 5 بيضلت ملح فلفل اسود وفلفل احمر حار ورماج طري بالنبسة للصوص قطع دجاج حسب المتوفر عندك بصل توم ونفس التوابل لي استعملناها قبل وورقدة رند نغلي البطاطا مع ماء وملح ولما تطيب نهرسها بشوكة ونضيفها للحم المفروم والملح والتوابل ونخلط ..نفقس البيض بالحبة ونخلط حتى نتحصل على خليط طري شوية من بعد نقسم الخليط الى 2 ونفرشو في بلا طبقة خليط الحم وطبقة فرماج طري ونغطي بطبقة اخرى من خليط اللحم ونحطو يطيب في فرن ساخت حوالي نصف ساعة وهذا شكلو لما يطيب نخليه يبرد ونحضر الصوص نجيب طراف دجاج اللي متوفر عندك انا درت بافخاذ نحط كمية من الزيت ونحمر اطراف الدجاج مليح من كل الجوانب من بعد نضيف بصل مقطع وتوم وورقة رند وملح والتوابل نفسها لي درناها في الخليط تع اللخم ونقلي مليح حتى يذبل البصل هنا البصل قطعوه باي طريقة مش شرط يكون رقيق لانو من بعد رح نصفي الصوص من بعد نمرق بماء ساخن قيس مايتغطى الدجاج ونغلق لاكوكوط حتى يطيب بعدما يطيب الجاج نصفي المرق ونحطو في طنجرة وحدو ونضيف له الفطر المعلب اللي كنت شوحتو في شوية زبدة وزيت وملح ونخليه يغلي هنا سر من اسرار المرق الابيض السر الاول : انو حمرنا الدجاج في الزيت اللي رح نقلي فيه البصل وبالتالي نتحصل على مرق مركز في النككهة والبنة السر التاني: باه يكون المرق خائر نضيف شوية فرينة نحلها في شوية مرق ونحرك مليح ونضيفها للصوص انا هنا ماحبيتش الصوص يكون ثقيل بزاف لذا اضفت نص مغرف فرينة برك ونخليه يغلي شوية حتى يخثار في هذا الوقت نجيب مغرف كبيرة ونحي كامل ليدام اللي يطفو فوق الصوص سواء لي حمرت في الدجاج والفطر او لي طلقوا الدجاج نتحصل على صوص خفيف ومش مزيت هذ الكمية لي نحيتها من المرق وتخلصت منها وفي هذا الوقت كنت حمرت اطراف الدجاج في الكوشة بلا اضافات التقديم كل وحدة وطريقتها كما تقدروا تضيفوا زيتون اخضر منزوع النوى الى الصوص أتمنى الدرس يكون نال رضاكم وتطبقوه ويعجبكم وتدعولي اي خطأ في الاسلوب او الكتابة اعذروا ظروفي ولكل من اعجبها الدرس دعوة بنجاح اولادي وربي ينجح اولاد المسلمين كافة
آخر تعديل *أم كوثر* 2016-05-16 في 13:43.
|
||||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc