وصفة لقطايف، بطريقة سهلة وبسيطة وناجحة

[ام صفصف]

حبيباتي اليوم حبيت نحطلكم طريقة في تحضير قطايف
نبداو باسم الله، وان شاء الله تعجبكم

[IMG][/IMG]

نبداو بالحشو، هو نفس تاع الباقلاوة، يعني تاخذي كيلو مكسرات(جوز، لوز،كاوكاو)حسب الذوق والمتوفر، لكن احسن شيء تكون فيها الجوز،تكون بنينة وخفيفة
نديرو ثلاث كيلات مكسرات مع كيلة سكر،ومغرف صغيرة قرفة،وبلو بشوي ماء الزهر،نخلط الحشو مليح، الخليط يكون ناشف ،ونصيحة خليوه يبات احسن،باش يذوب السكر ويحكم مع بعض .
نروحو القطايف تاعنا نحطوهم في اناء،نحلوهم بشوي سمن ذايب وما زهر،
نجيب سنيوة مدهونة بالزبدة(انا نستعمل مول زجاجي)،نحط الطبقة الاولى تاع لقطايف، نعدلوها مليح ونضغط عليها،ثم نحط الحشو نعدلوه حى هو ونضغط عليه بشوي،ثم الطبقة الثانية تاع لقطايف نغطيو كامل الحشو ونفس الطريق نعد لو ونضغطو على الطبقة الاخيرة، نحاول نستعملو ظهر الملعقة نديروها فالسمن ذايب ونفوتوها على السطح، ثم نثرو فوقهاسمن الى الفرن يكون ساخن مسبقا، لما يحمارو الحواف نحمروها من فوق،ولما نخرجوها سخونة نسقوها بعسل بارد، لما تبرد وتكون شربت،نقطعوها ونديرو ها في الصحون الورقية
وبالصحة والهناء
اي استفسار، انا في الخدمة، ودعوة خير منكم اذا عجبتكم

[ام رقية74]

ما شاء الله يعطيك الصحة

[meryem rose]

الله يبارك اعطيك الصحة انا تاني حابة ندير القطايف هاذ العيد مي اختي حبيت نسقسبك المول نتاعك قداش الطول والعرض نتاعو وقداش استعملتي لقطايف من فضلك و المكسرات مرحيين رقاق ولا خشان وشكرا

[omelbanin]

الله الله على حبيبتي الحلواجية
يعطيك الصحة انا جامي لا درتهم بصح نسييهم ان شاء الله بطريقتك

[&ام ايوب&]

الله الله قطايف يهبلو ولونهم رااااائع والبنة اكيد اروع
يعطيك الصحة

[ام صفصف]

المشاركة الأصلية كتبت بواسطة رضاك يا الله

ما شاء الله يعطيك الصحة

يسلمك اختي،وشكرا على المرور

[ام صفصف]

المشاركة الأصلية كتبت بواسطة meryem rose

الله يبارك اعطيك الصحة انا تاني حابة ندير القطايف هاذ العيد مي اختي حبيت نسقسبك المول نتاعك قداش الطول والعرض نتاعو وقداش استعملتي لقطايف من فضلك و المكسرات مرحيين رقاق ولا خشان وشكرا

يسلمك اختي، بالنسبة للمول، انا نستعمل مول زجاجي 27سم/37سم،او سنيوة قطرها حوالي 37سم، القطايف،علبة تاع 450غ، و كيلو مكسرات.
بالنسبة للمكسرات يكونو متوسطين ،كيما تاع البقلاوة، ان شاء الله نكون جاوبتك،واي استفسار اخر تفضلي اختي

[ام صفصف]

المشاركة الأصلية كتبت بواسطة omelbanin

الله الله على حبيبتي الحلواجية
يعطيك الصحة انا جامي لا درتهم بصح نسييهم ان شاء الله بطريقتك

اهلا والف مرحبا، والله فرحت كي لقيت ردك، والقطايف قولي باسم الله وسييهم،رام روعة،وصحتين مسبقا

[ام صفصف]

المشاركة الأصلية كتبت بواسطة &ام ايوب&

الله الله قطايف يهبلو ولونهم رااااائع والبنة اكيد اروع
يعطيك الصحة

يسلمك اختي وربي يخليك

[meryem rose]

شكرا اختي ام صفصف كان ردك شافي و وافي ان شاء الله نجربهم في العيد ونردلك بالخبر

[meryem rose]

سامحيني اختي راح نزيد نقلقك مي برك قوليلي القطايف تقسميهم قبل ما يطيبو كي لبقلاوة ولا بعد

[ام صفصف]

المشاركة الأصلية كتبت بواسطة meryem rose

سامحيني اختي راح نزيد نقلقك مي برك قوليلي القطايف تقسميهم قبل ما يطيبو كي لبقلاوة ولا بعد

براحتك اختي، يتقسم بعد مايطيبو ويتعسلو ويبرد

[روجين]

شكرا ليك اختي

[meryem rose]

بارك الله فيكي اختي

[أثيلة]

يعطيك الصحةاختي.... نفس طريقتي بالضبط لكن في حالات نحب نديرها كريات افضل و نطيبها فليكيسات