اخذت 17 في الانجليزية في الباك.....كيفاش

الظلام الساطع · 2014-08-17, 00:49

السلام عليكم اصدقائي الذين ستجتازون البكالوريا هذا العام وان شاء الله تنجحوا كامل. اردت في موضوعي هذا ان اعطيكم اخوتي بعض النصائح باش تقراو الانجليزية هذا العام وذلك بحكم انني اخذت 17 في هاته المادة في الباك لي فات 2014 - علوم تجريبية -رغم انني لست من التلاميذ الممتازين.....ههههه. فاولا وقبل ان ابدا في النصائح يجب ان تقتنعوا بان هاته المادة سهلة كثيرا وخاصة في الباك وان اضعف تلميذ قادر ياخذ فوق العشرة فالدروس والافكار والمصطلحات محدودة فهاته فرصة يجب ان لاتضيعوها ولا تقولوا نخدموا في المواد الاساسية فقط لانه مكاش لي يضمن لكم بانكم راح تخدموا فيها .
- وساقدم لكم طريقتي في دراسة الانجليزية العام لي فات =
+ قبل الدخول المدرسي اخذت طلة على واش راح نقراو العام القادم وعلى بعض قواعد الانجليزية باش نحضر نفسي للدراسة .
+ اكبر شيئ ركزت عليه هو ترجمة الكلمات المتداولة في الدروس وفي المواضيع ( bribery . crime... ) . وكتبت الصعيبة في كراس صغير . واستفدت من ذلك كثيرا لدرجة انني صرت عندما اقرا نصا افهم اكثر من ثمانين بالمئة من كلماته . وقد اعتمدت في الترجمة على قاموس في تلفوني و قوقل تراديكسيو .
+ كان عندي كراس صغير 32 صفحة كنت نكتب فيه القواعد والمصطلحات الصعيبة والافكار لي نقراوهم . ونفعني ذلك كثيرا .
+ لم اخصص للانجليزية وقتا كبيرا فكنت اراجع بعضا منها مرة او مرتين في الاسبوع وكذلك قبل الامتحانات والفروض
+ لم يخلعني بعض التلاميذ الذين كانو ياخذون اكبر مني في الاختبارات وحاسبين رواحهم .ولم اغتر مثلهم ففي الاخير اخذت اكثر منهم جميعا . فانا كنت متواضعا وكنت اعلم زملائي وافرح عندما يطلبوا مني ذلك .
+ كانو عندي ملخصات هايلين نتاع دايركت و اندايركت شبيتش ونتاع اكتيف وباسيف فويس وجاو في الباك وخدمتهم والحمد لله .....هههه .
+ كنت نتبع مليح مع الاستاذة ونسالها وعندما مانفهمش حاجة مانتقلقش والحل اني نخليها و نعقب .
+ بالنسبة للفقرة مانعرفش نكتبها بصح الكلمات والعبارات لي نعرفهم نلصقهم مع بعضاهم بطريقة مليحة و كنت نعرف عبارات هايلة نديرها في الفقرة حتى يظن المصحح ان هذا التلميذ يعرف يقرا .
+ ورقة الاجابة في الباك نظمتها كيما فندق الاوراسي....ههههه. حتى يفرح المصحح ويظن ان هذا التلميذ ممتاز .
+ حذار تتقلقوا وتتركوا الفقرة فارغة فذلك لن ينفغكم شيئا فمحاولتكم ولو ببعض الكلمات احسن من تركها فارغة .
+ كي رحت نعقب الباك في هاته المادة رحت وكانني في فرض او واجب منزلي رحت في هدوء وطمانينة لاتوصف . فلم اخف او اتوتر مثل باقي التلاميذ ..والحمد لله .
+ واهم اهم اهم شيئ مازلت ماقلتلكمش عليه وهو......التوكل على الله وعدم الخوف لان الله هو المعين في كل شيئ فلم اخف او ارتبك للحظة لانني اعلم ان الله لن يخيبني ان توكلت عليه .
++ وفي الاخير اتمنى ان اكون قد نفعتكم ولو بشيئ يسير واتمنى ان تتوكلوا على ربي حق التوكل وان تنجحوا كامل في الباك العام المقبل و اتمنى ان ننفع بعلمنا مجتمعنا وامتنا الاسلامية . واتمنى ان ينصر الله اخوتنا في غزة على الصهاينة المجرمين .والسلام عليكم ورحمة الله وبركاته

واللي عجبوا موضوعي واستفاد منه يضغط على شكرا ...وشكرا

بلال123 · 2014-08-17, 09:35

شكرااااا اخي

آلم̝̚عﭠم̝̚ﮃ علے آلله · 2014-08-17, 09:57

شكرآ لــكَ أخـــيْ ، ممكن تشــآركنآ قــوآعد الإنـجليــزية اللـــي رآيحيـن ندرسوهــآ العــآمْ القــآدِم ؟؟

orama · 2014-08-17, 09:59

شكرا جزيلا لو تحطلنا الملخصات الرائع الي حكيت عليها

عبدول · 2014-08-17, 10:00

نعــم من فضــلك أخي ++ شكرآ جزيلآ لك..

الاء 04 · 2014-08-17, 10:11

شكراااا اخي

ASMA PINK · 2014-08-17, 10:17

جزاك الله كل خير ..ششششكرا جزيلا

~~يسرى~~ · 2014-08-17, 10:30

بارك الله فيك اخانا

tina simo · 2014-08-17, 10:47

اخي ممكن تحطلنا الملخص تاعك وبارك الله فيك

Rayhana Rose · 2014-08-17, 10:58

بارك الله فيك على هاذي النصائح حبيت نسقسيك وحدات على واه تتكلم وموضوع الباك واش كان يحكي النص وبارك الله فيك

~~نهال~~ · 2014-08-17, 11:36

اعجلتني كلمة لم يخلعني ههههههه ''كيما انا كي نخلط الفصحى مع الدارجة ''
افكار جيدة جدا و مفيدة
جزاك الله خيرا على الدعم و الف مبروك النجاح و لو كان متأخرا اني نباركلك

الظلام الساطع · 2014-08-17, 13:03

الى كل من طلب مني الملخصات والدروس وغيرها. اسمحولي في الوقت الراهن الظروف لاتسمح لي بذلك لانه عندنا العرس نتاع خويا بالاضافة انني لااعرف كيف ادرج وثائق الوورد والبي دي اف مع الردود . الا انني ساحاول مساعدتكم في الايام القادمة ان شاء الله . وكاينة حاجة اخرى = ماتتقلقوش مازال العام كامل ويكفيكم باش تقراو واذا عندكم كتاب الانجليزية نتاع الباك ترجموا منه الكلمات المتداولة . وشكرا
+ بالنسبة للعلوم التجريبية تقراو 3 مجالات =
1 - corruption وتقراو فيه الفساد في التجارة والاخلاق في المعاملات التجارية والرشوة وتبييض الاموال . وضرورة مكافحة هاته الظواهر بانشاء جمعيات و مؤسسات.
2 - safety food وتقراو فيه حول الاغذية والاطعمة السامة والاغذية المعدلة وراثيا وتاثيرها على الانسان والبيئة .وكذلك الفضائح الغذائية في العالم .
3 - astronomy يعني علم الفلك وتقراو فيه حول الكواكب والكون والاكتشافات و التلسكوب والاقمار الصناعية وغيرها ..

+ وفي الباك الموضوع مايخرجش من هاته المجالات الثلاثة لذلك حلوا مواضيع الباك الفائتة واشرحوا مصطلحات المجالات الثلاث خاصة المجال الاول . والعام لي فات الموضوع جانا على تزوير الاموال في العالم والطرق التي يستخدمها المزورون في لذلك وكيفاش الحكومات حاربت هاته الظاهرة.... والموضوع كان سهلا جدا مثل سابقيه .
+++ والسلام عليكم ورحمة الله وبركاته .

~_~جميـــلة~_~ · 2014-08-17, 13:19

شكـــــــــــــرا لك أخي على نصائحك القيمة ،،
الكثير من التلاميذ يهملون مواد اللغات ويتساهلون فيها ظنا منهم أنها لن تفيدهم لأن معاملها منخفض ،لكن في الحقيقة هي من تحسم المعدل ،صدقوني

~~نهال~~ · 2014-08-17, 13:25

الملفات تدرجها باستعمال موقع
www.gulfup.com
تفتحو يقولك رفع
ترفع الملفات و تضغط تحميل
كي يتحمل ينقلك تلقائيا للصفحة تضغط عليها
تتفتحلك و التحت مكتوب اضغط هنا للتحميل
اذن هاذيك هي الصفحة كوبيها هنا

tina simo · 2014-08-17, 13:55

شكرا لك اخي وبارك الله فيك ممكن لي عندوا باكالوريات سابقة يحطهالنا