|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
شربة فريك......بورااااك..... حميص.......رمضان لى الابواب
|
أدوات الموضوع | انواع عرض الموضوع |
2015-05-24, 16:02 | رقم المشاركة : 1 | ||||
|
شربة فريك......بورااااك..... حميص.......طاجين الحلو....رمضان على الابواب
السلام عليكم ورحمة الله وبركاته
بما انو رمضان على الابواب حبيت نشارك معاكم اليوم بهاذ الأطباق اللي أكيد و أكيد ما تخطيناش على مائدة الإفطار شربة فرييييييييك البورااااااااك الحميص وطاجين الحلو سبق وحطيتو كموضوع وهاذا الرابط https://www.djelfa.info/vb/showthread.php?t=1792847 على بركة الله أبدئ الشررررررررررربة كاين انواع وانواع من الشربات شربة فريك شربة فارميسال لسان العصفور شربة مرمز لحريرة شربتنا اليوم بالفريك وفي منطقتي ناكلوها بزاف وكل وحدة وطريقتها في التحضير نحتاج الى حبة بصل كبيرة سنات ثوم حبة كماطم كبيرة او زوج صغار مقطعين رقاق 2 م ك طماطم مصبرة 1 م ك هريسةملح فلفل اسود افاح شوية زيت دبشة لحم غنمي شوية من صدر الدجاج التحضير نحط كلش في برمة نتاع الفخار صراااااحة انا كون ما نطيبش الشربة في برمة نتاع فخار ما جينيش شربة هاذ القدرة عندها معايا شحال من عام وربي يبارك شربتها ما تتشبعش نعمل معاهم نصف كاس ماء ونغطي عليها ونحطها على نار ذليلة ومرة على مرة نحرك نقليها ملييييييييح وعلى مهلك قد ما تتقلى مليح جيك بنينة وهاذ سر من اسرار الطبخ من بعد نفرغ في رحاية يدوية نحي اللحم نرجعو للقدرة ونرحي كلش مليح مع اضافة شوية ماء باه ينزل كلش هكذا تتحصلي على مرق صافي ثم فرغي في البرمة نتاعك وامرقي بالماء وخليها تطيب على نار متوسطة لما تغلي مليح وتحسي بلي اللحم والجاج دخلو الطياب لوحي الفريك وممكن تلوحين بعد ما تغلي القدرة نتاعك من الغلبة الاولى وحركي هاذا الرابط نتاع صنع لفريك بالمرمز راااااائع https://www.djelfa.info/vb/showthread.php?t=1805269 ثم لوحي ديبولات نتاع اللحم المرحي تكوني محضرتهم من قبل مع عود كرافس وشوية فلفل حار مرة على مرة حركي وذوقي الا خاص ملح نحب نضيفلها مع الأخير شوية ثوم مرحي بودرة مخلط مع الكسبر انا نحب نطيبها على نار ذليلة ما نحبش نزربلها في الطياب لما تخثار لوحيلها شوية نعناع اخضر واغلقي وتمتعي بالذ شربة فريك قدميها مع شوية نعناع وليمون اممممممم روعة هاذاك ما نحب في رمضان البوراااااااااااك هاذي طريقتي في تحضير لبوراك اللي هو انواع وانواع الحشوة نتاعي فيه لحم مرحي وشوية دجاج مرحي طايبين في المقلا طرف فرماج شاف مقطع معدنوس شوية بصل مرابي شوية بطاطا مغلية ومهروسة ما شي بزاف نصف حبة طماطم مقطعة رقيق حبيبات زيتون اخضر مقطع حلقات ملح فلفل اسود 1 م ك هريسة 1 م ص موطارد نخلط غير بالشوية بلا ما يتعجن الخليط ثم نحط في اوراق الذيول مع قطعة فرماج ونلف كل مرة نعمل حشوة مختلفة للتغير فقط وحتى الشكل ممكن مثلثات او مربع او لفيهم عادي اقليهم وقدميهم سخونين مع عصرة قارص الحميص نشوي الفلفل الحلو والحار وحبة طماطم كبيرة نحطهم في كيس باه يجوني ساهلين في التقشير نقشرو ثم نمسحو بالماء فقط منحبش نغسلو بالماء بزاف تروحلو البنة ثم نقطعو ونحطو في مقلات نضيفلو الملح فلفل اسود افاح ثوم مرحي زيت الطماطم بعد ما نقطعها رقيقة وفلفل احمر حلو صدقوني والله يعطيه لون رائع جربوه وردولي الخبر حطيه على نار ذليلة وغطيه ومرة على مرة حركيه كي طيبيه على نار ذليلة راح يطلق الماء نتاعو ويطيب فيه وكل ما تحركيه اضغطي عليه بالضهر نتاع المغرفة انا لقيت عجوزتي ديرلو هكذا وتقول باللي يجي بنين وصح عندها الحق كل مرة ديريلو هكذا حتى تشوفيه طاب ونشف وبالصحة والهنا على قلوبكم ورمضان مبارك ان شاء الله في امان الله فقط للأخوات اللي سألو على برمة الفخار كيفاش حتى ما تتكسرلكمش قدرة الفخار كي تشريها صبي فيها لحليب حتى يفوت الوسط وخليها على نار ذليلة وخليه يفيض كيما يحب حتى تشوفيه بدا ينشف فرغي هاذاك لحليب أرميه ثم حكيها بالثوم المرحي مليح من الداخل ومن برى وخليها يومين او ثلاثةاو حتى اسبوع ومن بعد اغسليهاعادي هاذ الطريقة مضمونة ومجرّبة قدرتي هاذي عندها اكثر من 10سنوات وهاذ النوع من القدرة يحب النار تكون ذليلة او متوسطة وبالاكي تخلي فيها الماء يبات راهي تتكسرلك من الاسفل دارتها بيا اول قدرة هههههههه
|
||||
2015-05-24, 16:09 | رقم المشاركة : 2 | |||
|
الله الله على الشاطرة اطباقك روعة تسلمي |
|||
2015-05-24, 16:28 | رقم المشاركة : 3 | |||
|
بارك الله فيك كلش بطبع |
|||
2015-05-24, 17:12 | رقم المشاركة : 4 | |||
|
شاااااااااااااااااااااااااااااااااااااااااااااااطر ة و ست بيت من الدرجة الاولى ربي يخاليك ويحفظ لك كل عزيز اااااااامين يارب |
|||
2015-05-24, 17:20 | رقم المشاركة : 5 | |||
|
يعطيك الصحة يا الفحلة |
|||
2015-05-24, 17:20 | رقم المشاركة : 6 | |||
|
ممتازة ربي يبارك ريحة الشربة لحقت عندي اممممممم بصحتكم |
|||
2015-05-24, 17:21 | رقم المشاركة : 7 | |||
|
ربي يحميك من عين كل حاسد |
|||
2015-05-24, 17:29 | رقم المشاركة : 8 | |||
|
امممممممممممممم على الشربة كانت غدايا اليوم ههههههههههه |
|||
2015-05-24, 17:29 | رقم المشاركة : 9 | |||
|
يعطيك الصحة كل حاجة من اديك تخرج هاييلة |
|||
2015-05-24, 17:34 | رقم المشاركة : 10 | |||
|
تبارك الرحمان و ماشاء الله عليك حبيبة ربي يحفظك و يهنيك |
|||
2015-05-24, 17:47 | رقم المشاركة : 11 | |||
|
Machaa Lah 3lik,RABBI yhafdek w ybarek fik |
|||
2015-05-24, 17:57 | رقم المشاركة : 12 | |||
|
ما شاء الله |
|||
2015-05-24, 18:09 | رقم المشاركة : 13 | |||
|
يعطيك الصحة اختى اسمهان ماشاء الله كلى من يديك روووووووووعة |
|||
2015-05-24, 18:14 | رقم المشاركة : 14 | |||
|
دمت لنا باطباقك المتميزة. مشكورة اخت اسمهان |
|||
2015-05-24, 18:14 | رقم المشاركة : 15 | |||
|
متالقة دائما بوصفاتك واخلاقك الراقية |
|||
الكلمات الدلالية (Tags) |
الابواب, حميص.......رمضان, شربت, فريك......بورااااك..... |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc