الشاعر : احمد لعكف
هو شاعر معروف عاش في البادية رحالا وصيادا يهوى الشعر والصيد والترحال ويقول الشعر ارتجالا في القرن الثامن عشر وفيه مات .من قصائده هاته :
يامن عولنو عالزياره للمقبول سي بلقاسم شيخكم عنو سالوا
يثبت اعلى الخطرا اللي حالو معدول والضعيف الرب داري باحوالوا
اقليل الطاقة كي اللي مثل المعقول يتمنى لو كان يتحل اعقالوا
كذلك نا القلب امعاكم طول نتمنى في خطرا انريح نغدالوا
سي بلقاسم نعت الفنار اللي مشعول يضوي على المنوي .ألحيلي يطفالوا
سي بلقاسم كي الواد اللي مجهول مولى النيا صارف السيل توالوا
سي بلقاسم فيه تلقا وش اتقول من سوقو جملا أهل النيا نالوا
متنزه خاطي اشهاوي فعل اوقول صوفي أعلى التحقيق مكانش قالوا
سيفو ماضي في العدو دايم مسلول والصلاح اذ كيرتو مضوهالوا
بوروبا ديما أعلى جنبو مسبول من يتعدى يفصلو ثم اقبالوا
سي بلقاسم راه بيك التوسل مولى الغيره راه ينعر قوالوا
قولولو ياك انت اتهد انهار الهول اتعدل في النطحا اسروج اللي مالوا
ينده بيك اللي غرق في بحر الغول واللي غرقت بيه سفينتو سلكوهالوا
البحر ذا شاف السحاب أيزيد أيصول وذاهب الريح يكثر تهوالوا
جبدو من قاع البحر ماشي مبلول ناشف قاع اسلعتو منعهالوا
اللي ندهك أضعيف في ناسو مخذول ضرك دارك سيف ونت دلالوا
بودالي عساس أعلى الباب المحلول مصرف في الكون والرب اعطالوا
جامعها علم وتقوى واسخي واقبول لامانع للي الملك اعطالوا
اصطفاه الرب والحاسد مدعول واللي يحسد غير أللعنه تضحالوا
مولى شفقه اعلى الضعافا والمهزول والحاير مثلي أيسلك تخبالوا
كي تمشيها كافا صحرا وتلول في قطرو مكانش اللي مثالوا
أمسلم للرجال مخفيا و أفحول عست ربي كل واحد واقدالوا
اللي فيه الخير كلهو مجهول الوقت مغطيه عنا باحيالوا
هوستوني والعقل فايت مسلول كي شفت الزيار دمعاتي سالوا
عبد الهادي كي أتروح نت والغول اذا ردتكم قدرة الرب اتوالو
قلو ذا الطعبي اعليك أيظل أيقول قلبواعلى الصلاح ثاقب مشعالو
راه الطاهر قال لك شاكي جلول الشيخ اللي في كل مقسم تلقالو
ألف وثمنميا تمينا ذا القول اثلاثه وسبعين هاذاك اكمالو
يوم أنثبت العيد وأتباح المأكول رمضان المعلوم مشيوع اهلالو
( تقرير عن مشاركة سيئة )، و الموجودة أسفل كل مشاركة .
2016-07-17, 11:18
الشاعر : احمد لعكف تابع للكتاب
العرض العادي
