موضوع مميز كل وحدة تدخل و تحط سر من اسرار الطبخ ولها جزيل الشكر - الصفحة 13

سندريلا16 · 2014-01-15, 13:03

بالنسبة للدجاج قبل ما تغسليه حكيه مليح بالملح مخلط بشوية فرينة و مبعد اغسليه و رايحا تشوفي الجاجة تاعك تولي تبرق

ibissam · 2014-01-16, 11:44

شكر على النصائح

ابنة الحضنة · 2014-01-16, 19:55

اذا حبيتو يجي الدجاج نتاعكم بنين لدرجة متصورهاش اغسلو الدجاجة مليح وبعد ادهنوها بالقارص ومن الاحسن تبيتوها فيه والله بنة ولا اروع كاينة حاجة اخرى

ابنة الحضنة · 2014-01-16, 19:57

اذا حبيتو تستحفظو بالثوم ويبقى هو هو كل متشري كمية كبيرة حطيي زوج ريسان او الشيء لي حبيتيه في الكونجيلاتور مع قشورو وهذا انا حبيت نجرب كل الطرق هاذي الطريقة لي صلحت هايلة نهار لي تحتاجي اجبديه قبل بساعة باش يذوب واستعمليه

shaydiaa · 2014-01-17, 15:54

الكسكس من النوع الرقيق باه ميتعجنش لما تفوريه لما تشريه حطي في الجفنة الكمية الي رايحة تستعمليها تدهنيها بالزيت مليح ممكن تستعملي 3 ملاعق زيت وتفوريه هكذا وهو يابس بدون ما، فقط مدهون بالزيت لما يفور و هو في الكسكاس يعني الطعام نرمي عليه ماء مغلي كمية مليحة تاع ماء ثم نحط الكسكس في الجفنة ونحلو بملعقة نملحو نخليه يرتاح شوي ثم نعاود نفورو وندهنو بالزبدة

zakia dj · 2014-01-18, 12:18

لما تذوقي اكلك وتلقايه زايد ملح قطعي حبة بطاطا واضيفيها وغلي مع الاكل ربع ساعة ونحي
راح ينقص الملح باذن الله

شكرااا موضع هايل

ريان 7 · 2014-01-30, 07:26

شكراااااااااااااااااااااااااا

ام عبد الرزاق · 2014-01-30, 19:57

والصدشكرا لكن عزييزاتى على هده النصائح الحليب لما يفيض على الكويزينيار وما بعودش عندك الوقت ضعي عليه الملح رانى مجربتها

mayouchfifi · 2014-01-31, 00:12

كي ترمي حريييرة وتطيب لخضار زيدي عليهم التشيشة قبل ماتطحني وكي نطحني اطحني الكل مع بعض
تجي مليحة

Nesrine Cherifi · 2014-02-05, 09:03

الروز لازم يتشلل مليح قبل ما يطيب و كي نحطوه في الماء او لاصوص لازم نخلطه على الاقل 3 دقلئق حتى ما يلصقش

Babinaall · 2014-02-06, 09:06

السلام عليكم ياريت اختي تفهمينا اكثر يعني كم ملعقة غبرة شانتي في كم فرينة مثلا؟

Babinaall · 2014-02-06, 09:11

اقتباس:

المشاركة الأصلية كتبت بواسطة oum amjed et anes

bache el pizza jik meliha kima tah bera zidileha mogherafe kebira koka kola we khaliha teretahe fe el ferijidare kima ana nedireha sebahe la ajina dialli we fe lile nedireha lewelade

ياريت تعطيلنا لا غوسات ديالك يا اختي و بارك الله فيك

مليديا 08 · 2014-02-08, 17:59

مرحبا

كي طيبي خبز أو مطلوع في الكوشة، بعد ما تنحيه من الفرن مباشرة ديريه في قطعة قماش وغطيه مليح ثم ديريه في كيس حتى يبرد شوية
هكذا قشرة الخبز طرية وماشي يابسة وفي الأيام الجاية إذا كنا من الحيين نحطلكم الوصفة

*رتاج الكعبة* · 2014-02-10, 20:04

حتى انا نفيدكم بحاجة ساهلة ..كاين بزاف نسا ينحو الصفارة تاع الكوكوت وييستناوها حتى تخرج النفس ووتطلق ريحة ماشي مليحة فالكوزينة وتوسخ الحيوط بليدام ..حنا نحطوها بها بالصفارة تحت الحنفية في ثواني ولما يزول الحس تاع الصفارة نحلوها .

ريان 7 · 2014-02-25, 20:30

ربي يحفظكم