طريقة صنع الفواكه المجففة في البيت وبكميات كبيرة

[ام عبد المُعز]

السلام عليكم
اليوم حبيت نتشارك معاكم في طريقة رائعة واقتصادية لصنع الفواكه المجففة في البيت كنت قد خذيتها من النت وجربتها كانت النتيجة مذهلة تقدرو تجربوها بما اننا في موسم البرتقال وتخدمو كميات كبيرة تحتاجوها في الكيك و المادلين والموسكوتشو وغيرهم ...احسن ما تشرو هذيك العلبة الصغيرة بدون اطالة نروحو للمقادير
نحتاج والى
كمية من قشور البرتقال
سكر بحيث لكل كوب قشور كوب سكر
ولكل كوب قشور كوب ماء و ملعقة صغيرة عصير ليمون
طريقة التحضيير تحتاج الى مراحل
نقشرو البرتقال بحيث تكون القشور بهذه الطريقة


ثم نقطعوهم الى شرائط ثم الى مربعات صغيرة


نحطوهم في اناء عميق ونصب عليهم الماء و نحطو في الثلاجة ونخليهم ينقعو لمدة 8 الى 10ا ايام وكل يوم نغير الماء مرتين في اليوم حتى تروح منهم طعم المرارة
بعد انتهاء مدة النقع نصفيهم ونحطهم في طنجرة ونصب عليهم الماء ونخليهم يغلو لمدة 5 د ثم نصفيهم ونكرر العملية 4 مرات
نصفيهم ونقسمهم الى كميات متساوية ونحط كل كمية في كسرول ونحط عليهم الماء والسكر وعصير القارص والمقاييس راني كنت قد شرحتها سابقا
كما نضيف الملونات لكل كمية مثل الاحمر والاصفر والاخضر






ونخليهم يتغالاو حتى يصير قطر ثقيل نوعاما وقليل كيما تحبي تلونيها غير بعدما تغلي
نصفيهم ونقطرهم مليح ثم نحطوهم في بلارات تاع زجاج ونحتفظو بيهم لمدة طويلة ونجبدو منهم وقت الحاجة








نتمنى نكون قد افدتكم وتجربوها

[mojab]

الله يعطيك صحتك و ماتتمناي هاااااايل

[ibtihal18]

يعطيك الصحة فكرة هايلة

[حرة المسيلة]

شكرا فعلا تستحق التطبيق

[فايزة1207]

مشكورة اختي

[malake1967]

وعليكم السلام ورحمة الله وبركاته
بارك الله فيك أختي وجزاك الله كل خير

[شوق الليالي]

يعطيك الصحة 4444444444444444

[ام عبد المُعز]

شكرا اخواتي على مروركن الطيب ♥♥♥

[الاسلام حياتي]

44444444444

[kahlouch]

بارك الله فيك أختي

[أم أسماء وعبد الرحمن]

بارك الله فيك أختي

[ام ريتا]

رووووووعة

[celia16]

يعطيك الصحة ,جزاك الله خيرا

[rima1979]

هي فكرة شابة وإقتصادية مي حبيت نفهم أخدمتي بقشور البرتقال ولا أنا مانيش فاهمة أرجوا الرد

[ميمي2012]

بارك الله فيك وجزاك كل خير على هذه الطريقة الرائعة .