شرح كيف تحتار مجالك المناسب في البرمجة - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التقنية > منتدى البرمجة

منتدى البرمجة كل ما يتعلق بلغات البرمجة، فيجوال بيسيك , سي ++ , دلفي , أكسيس , جافا , هتمل...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

كيف تحتار مجالك المناسب في البرمجة

إضافة رد
 
أدوات الموضوع انواع عرض الموضوع
قديم 2020-09-13, 23:01   رقم المشاركة : 1
معلومات العضو
UltrasDzCoder
عضو مجتهـد
 
إحصائية العضو










B18 كيف تحتار مجالك المناسب في البرمجة

السلام عليكم ورحمة الله تعاالى وبركاته اما بعد : بسم الله الرحمان الرحيم موضوع تع اليوم هو كيفاش راح تخير مجال تع البرمجةلي ساعدك ، الموضوع راح يكون شوية طويل خصص وقت باش تشوفوو كامل اوكي . =====================

من اكبر الاسئل واكثرها شيوعا في عالم البرمجة هو اختيار مجال محدد في البرمجة ، واللغات البرمجية لي لازم تتعلمها ذاخل المسار هذاك تع البرمجة، لهنا لازم نقسيو روااحنا " واش هو المجال لي يخرج عليا في البرمجة " ، ويبانلي هو السؤال لي لازم تطرحو ما شي سؤال " واش من لغة نتعلمها " كيما تعرفو مليح كلما كان هدف ديالك قابل للقياس كلما كان تحقيقو ااكبر علاجال هذي لازم تطرح تساوؤل ذيالك ( شغل رانا في فلسفة ولا قرايا تع لافاك هههه) لي هو واش هوما مجالات البرمجة ، وواش راح نتعلم منها ، . بون ههذا السؤال راح يخليك تبحث في مجالات تع البرمجة وتشوف واش لازم يخرج عليك ولي تقدر تخطط باش تتعلمو (شوفو مليح واش قلت التخطيط يجي قبل التعلم ) ، و كيما العادة لازم اول حاجة تبدا بيها هي بسم الله الرحمان الرحيم ومباعد تتوكل على ربي وتشررع في التعرف على مجالات البرمجة . مجالات تع البرمجة كبيرة لدرجة تع منقدرش نحصرهاا لهنا وما يكفيش الفايسبوك باش نحكو عليها كامل ، وبهذا الخصوص راح نذكر اهم مجالات لا لازم دير فيها رجل (ههه نقصد يد ) ولي هي اكثرها شيوع واكثرها طلب دخل ثاني (هيه يعجبكم الحال كي نههدرو على اللفلوس ههه) اول مجال راح نتحدث عليه مجال :
تطوير الويب : يسموه ثاني برمجة المواقع :
كيما يرمز اسمو معناه تخدم سيت ولا موقع اليكتروني ، وعلابالكم بلي في وقتنا الحاضر كاين تزايد كبير في عملية انشاء المواقع لدرجة انو وليد عمي صغير لي عمرو 12 سنة عندو واحد ههههه ، بصح حنا يهمنا امر تع الخواص ولي يستعمل المواقع باش يعلن على روحو في عالم تع الشابكة ، -عالم تع الويب ديفلوبر (برمجة الويب ) ينقسم على 2 رئيسية و الثالث فرعي قسم الاول يسموه فرنت اند وهو يختص بششكل الازرار والمداخيل و اشاكل الكتابة وحجمها والتصميم (لهنا ما نيش نقصد تصميم الواجهات ) بل تكويد الواجهات وبرمجتها ولهنا لازن نتعلم ابسط فرونت انند لي متكون من :

HTML ,CSS ,JAVASSCRIPT
علبالي بلي الفاهمين منكم راح يقول وجي كويري وفيو ورياكت وبوتستراب و ساس وغيررها ، ياخويا حنا رانا نهدرو مع المبتدئين ارحمهوم شوية . و القسم الثاني الباك اند لي يثمثل في عمل السيرفر ، او الخادم لي يثمثل في وصول مثلا فيي نشر هذا المنشور ، لي لازم تسال روحكا كيفاش قدرت نتا تشوف هذا المنشور وانا اصلا راني كاتبو في بلاصة بعيد عليك ، تسما خدمة وراء الكواليس ، واهم اللغات لي تقدر تتعلمهم في الباك اند :

PHP,PYTHON,RUBY,JAVAsCRPT(node) ,C,JAVA,

القسم الثالث ولي هو قواعد البيانات : لي نتا كي تنشر اي منشور راح يترونجيسترا في بلاصة معينة تقددر تولي للمنشور حتى على 10 سنين ماذام ماتفاساش المنشور ، لهنا البيانات هديك دخلت لقواعد البيانات و يتم استعائها من قبل باك اند لي يتولي تحويلها الى الفرونت اند او الواجهة واهم الغات لي لازم تتعلمها :


MYSQL, SQLlITE,MONgODB,POSTSQL,ORACLEDB

وهذا هو الفايد والحاصول في برمجة الويب وتبقى تتعمق نتا خطاش راني حكيتلك عليه قيس 1% برك . 2. تطوير التطبيقاات :
موبيل ديفلوب ههو انك تخدم تطبيقات للهواتف ، في وقتنا الحالي ماكاش لي ماعندوش تيليفون تاكتيل وسمارت ، حتى وليد عمي هذاك وعندو ههههه ، على جال هذي انتشرت التطبيقات في كل مكان ومجال ، على جال هذي اشتعل سوق تطوير التطبيقات ولات ساعات التطبيقات تخلف مححل البرامج ، مهم كيما تعرفو كاين منصات كثيرة في تطبيقات الهوواتف الذكية ، واشهرهم الاندرويد والايواس والويندوز فون ، ولازم كل منصة تختص في لغات دياالها ولي نفسروها هكا : تطبيقات الاندوريد :

java , kotlin
تطبيقات الايفون ios :
swift , objictive-c
تطبيقات الويندوز فون :
c# , javascript,Visual Basic
وتقنيات فيهوم كامل المنصات لي دكرناهم لفوق كيما :
fluttter , reactnative,ionic,phonegap,xamarin


بحيث تقدر تعمل بكود واحد كامل المنصات
وبيان سور تدخل فيهوم الداتابيز ز ، كيما فاير بايس وغيرها
3. تطوير الالعاب : مجال برمجة الالعاب هو مجال يسحق زوج امور ولي هي ، محرك العاب كيما : unity,unreal,blander يعني هدوما الاشهر وعلبالي كاين بزاف اذكروهوم في التعليق والحاجة الثانية لي زوج لغات تخدم بيهم مع الاكثرية من مجركات الالعاب :
python , c#
ومجال العاب مجال كبير بزاف ويحتاج ثاني شوية مهارات في التصميم الجرافيكي ، بصح فيه مستقبل واعد لدرجوة ان المجال فيه اعلى الاجور سرتوو في المريكان ( واش حسبتلكوم راح نقول الجزائر واقيل ) 4. تطوير البرامج المكتبية : هو اصل البرمجة (برمجة = برنامج)، وكاين لي يقولك بلي المجال بدا يروح فيها على جال ويب ديفلوبر والاب ديفلوبر ، بصح حبيت نقولكم اتقو الله يا قوم ، لوكان من نستخدمش vscode راح نولي نبرمج في الهاتف مثلا ولا كل مرة لازملي نستنا السيرفور والانترنت باش نروجيستري حاجة ، والله لوكان تدربو طلة على اسعار برامج المبيعات والصيدلة والادراة راح تقولو خن بب لهذا المجال مهم واش تحتاج باش تولي ديسكتوب ديفلوبر ولا انيير (انجينيور) هوما :
python ,java,c++,javascript,c#

حبيت برك نوه انو برامج المكتبية تختلف من نظاكم تشغيل لاخر (مثل ويندوز، لينوكس، ماكينتوش ...الخ) 5.الذكاء الاصطناعي : هو مجال بحذ ذاتو ، وداخل في علوم الحاسوب it ، ولي بيه تقدر تخدم روبو يمم وحدو ، يقدر يتعرف على الوجوه ، ويقدر يخدم صورة لرجل او امراء او طفل ما يكززتيش اصلا ، وهو دمج تقنية الالية مع ذكاء البشر ، و يدومندي اي لغة برمجة بصح افضل لغات البرمجة ليه والمعروفة بزاف :
python , c++

وهدوما جل المجالات لي تقدر تدخل فيهوم وكاين مجالات كيما الحماية والاختراق الخالاقي ، تحليل البينات وهيكلتها ، الاحصاء واوات القياس وغيرها ماراش نتكلم عليها غير في حالة كونت فارغ شغل هههه . ودوكا كيفاش مازلك ماخيرت والو ، لازم تشوف تاني واش عندك موارد مع متطلبات المجال يكفيك برك تكتب متطلبات مجال xxx في جووجل وراح يتولى الامر عني ويرحني كاين حاجة لازم تشوفها ثاني لي هي متطلبات السوق ، العرض والطلب ، تطورات المجال ، الاقبال عليه ، قوة الدوكومنتيشن ، حاجتك الى هذا المجال ، وتوفير متطلبات المجال وغيرها . تحبو نعاونكم شوية في مسءلة اختيار اللغة وراح نكون متحيز شوية ن لاحظو برك المجالات وشوفو لغات البرمجة لي تتكرر بزاف راح تلقاو

python ,javasript, java
ومام تقدرو تروحو جووجل وتشوف احصائيات البرمجة اكتبها وشوف الاحصائيات وعينك ميزانك . ======================================

كاين فيديوات يقدرو يساعدوك شوية باش تخير المجال منها اولا لي درتو انا طبعا وان شاء الله يفيدكوم خصص ساعة باش تتفرجو
اختيار التخصص في البرمجة
https://youtu.be/IuRlCcTRHno

ومباعد ايلا خيرتت مجال لازم تتعلم اسس تع البرمجة ولي هيا جاية في جع لغات البرمجة

دورة تعلم البرمجة من الصفر - الدليل الشامل للبرمجة https://youtu.be/b-EXeKFxwdM

وكاين كتب ننصحك تقراهم كتاب مختصر لغا البرمجة

https://drive.google.com/file/d/0Bzb...RoTFNwc1E/view كتاب البحر الشاسع لدخول الخوارزميات https://www.noor-book.com/%D9%83%D8%...8%B3%D8%B9-pdf

قنوات تعلم البرمجة : بالدارجة الجزائرية https://www.youtube.com/c/UltrasDzCo...confirmation=1
https://www.youtube.com/channel/UC2G...AKh1fU32832Vlg

https://www.youtube.com/channel/UCdm...Mftlo7DZlx9YWg

قنوات عربية

https://www.youtube.com/user/OsamaElzero https://www.youtube.com/user/alxs1aa https://www.youtube.com/user/muhammedgalaxy

قنوات اجنبية :

https://www.youtube.com/user/TechGuyWeb https://www.youtube.com/channel/UC8b...T-Wl7EV0hUK0BQ https://www.youtube.com/user/programmingwithmosh

ودوكا واش راك تستنا باش تبدا ، البرمجة للاقواياء والاذكياء فقط 👊💪🔥








 


رد مع اقتباس
قديم 2020-09-13, 23:18   رقم المشاركة : 2
معلومات العضو
UltrasDzCoder
عضو مجتهـد
 
إحصائية العضو










افتراضي

وانت واشنو هو مجالك ولا واش خيرت










رد مع اقتباس
إضافة رد

الكلمات الدلالية (Tags)
مجال،برمجة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 00:35

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc