ودَاعــــًا أمنــيتِي :(

[أمنية تنتظر التحقق]

السلام عليكم

على بالي مش من عادتي..بصح حبيت نفضفض ونفرغ قلبي
انا اليوم خلاااص قلت للباك باي باااي العقوبة لللعام الجاي
حالتي راهي كيما واحد يجي رح ينحي الفاكهة من الشجرة مبعد يقول خليها العام الجاي نول يليها
سي بون باك 2018 ودعتو ...بقاولنا 4 ايام ههههه ..والله شغل ماشي انا تع وحد الوقت
اليوم العائلة كامي جاو ااففف...هبطولي المورال ل00000...لي ما يحوسش عليا كامل يستنا في 16
بصح خلاص تيقنت بلي مارايحاش نجيب
النوم هلكني يا جماعة ماعرفتش كياش ندير معاه ..من لي بدا رمضان وانا على نفس الحالة
مجرد نحط كراسي خلاااااااااااص ندخل في غيبوبة وما نعرفش كيفاش رقدت ...في اليوم نرقد 3 مرات بلا تع الليل
كامل راهم مصدومين من هذي الحالة لي راني فيعها...حتى ونرقد 30 ساعة نبقى نعسااااانة
صدقوا او لا والله ما كملت مادة ونحيتها من الطريق
سبحان الله
+ فرنسية وانجليزية تخليت عليهم من بكري رح نطل عليهم وكفى...عربية وشريعة نخليهم لاخر يوم ونطل عليهم
الفلسفة حفظت نصف المقترحين ونهار الجمعة تع الباك نكمل الباقي
المواد العلمية قلت ندير لكل نهارمادة نراجع فيها..اصلا وش م المراجعة اففف...في النهار نحل تمرين ونحفظ كلمة
كرهت روحي وملييييييييت
ياما قريت كتب تنمية بشرية ..اصلا قريب حفظتهم من كثرة ما عاودتهم وعاودتهم..نهار نقارن روحي ب-أنا -تع وسط العام ولا اوله نحس ماشي انا تع الصح
كي نشوف الاهل يطيح مني النص+الاساتذة من اول المشوار كامل يترقبوا..يستناو فيا كااااااامل وانا ضاربتها برقدة الى متى؟ ..الله اعلم
ما قدرتش نقرااا خلاااص ..ما خايفاش المشكل ....ع الاقل كان جيت خايفة كاش ما يتحرك فيا
مي اانا والووووو..كأنو مش باك على الاطلاق..نفس الحالة صراتلي فالبيام..لكن الحمد لله ديت 17 بدون جهد خخخ
المهم هذا واش كاين في بالي
وانتهت قصتي مع بكالوريا 2018
ورح نعاااود العام الجاي ادعولي من ضرك ما تنساونيش
bac 2019 ..yes I can

[fr 33 dz]

استغفري و قراي شويا قران
و ارقي شويا ما
ورروحي ارقي روحك
كاين ليفيدو في الوتوب هكذا كاش ما ينحيلك
موفقة ان شاء الله

[djoumana rayen]

..نفس الحالة صراتلي فالبيام..لكن الحمد لله ديت 17 بدون جهد
عاودي اقراي وش كتبتي ها زيدي عاوديها وكمان مرة ههه :d
شبيكي ياك في عقلك نتي تخسري عامك في اخر 4 ايام ديجا اقري وش كتبتي ديتي 17 الله يبارك بدون جهد هيا حبسي علينا اللعب السامط هذا ووحي تقراي الاهتزازات راهي تستنى فيك والحفاضة يامامي ايا روحي تقراي وانشاء يصرالك واش صرا فالبيام وتجيبي 17 وتنساي كامل هاد الفشلة والقنطة بيبي رانا كامل كيف كيف وهداك الي عاود 3 مرات ومازال عندو امل يديه كي يشوف هدرتك شاغادي يقول بالاك شي ناس يشوفوك نتي قدوتهم شاغادي يصرالهم ووالديك لي يستناو فال 17 والامتياز شاغادي يصرالهم ايا روحي تقراي وبركاي مالشكاوي غي 4 ايام ويفوت كلشي
ربي يوفقك ختي انشاء الله

[اخلاق راقية]

اختي دعي عنك الياس ولم يتبقى الكثير لتحقيق حلمك
5 ايام كافيو ووافية حاولي تدارك ما فاتك واهم شيء توكلي على الله
ما هذا الى قلق وتوتر للامتحان صدقيني ان القلق لا يفيد
ردديي مع نفسك انك تستطعين فعلها فبارادتك تقضي على كلمة مستحيل
موفقة اختي

[أيمن الدزيري]

لا ادري لم انهارت معنويات الجميع في الايام الاخيرة
طوبى لمن شد الهمة في أحرج اللحظات وعوض تعب السنين