مراقبة الناس

[مشكلتي]

يا ناس متلومونيش راهي فوق طاقتي مقدرتش نحي من بالي عسان الناس، ديما نراقب و نعاند و نسيء الظن بيهم خطرش معنديش زهر معاهم نحس بلي كامل يكرهوني ... هذيك شرات انا ثاني نشري. هذيك زوجت ومقاتليش حسبتني غايرة منها .. مذابيا نهار كامل رافدة تلفون و نقرعج على فلانة و فلتانة!! حتى كي تخطبت ونقارن خطيبي مع خطيب البنات ،هوما رجالهم شابين وانا لالا هوما رجالهم لاباس بيهم وانا راجلي زوالي ... علاه ربي عطاهم وانا حرمني نكره حياتي ومنصليش يا رب اغفرلي.... معرفتش واش ندير نهار كامل نعس حتى راجلي كره مني قالي واحد مراهو سامع بيك كامل شايفين حياتهم وانت صغيرة فعقلك و متعرفيش صلاحك كبيرة و جايحة في عمري 27 بصح عقلي تع 5 سنين من كثرة نعاند بزاف.. واش ندير يا خاوتي و الله مذبيا نحي هذ العادة؛ جابلي ربي مرض نفسي حاسة ناس كل خير مني وانا نغير بزاف ومنحبش واحد فوقي...

[خالد عنابي2]

نعم عندك مرض نفسي وهو جنون الارتياب والاضطهاد

ما تتخلعيش من الاسم فقط مجرد اسم فهو مشكل نفسي وليس عقلي

[طيور الجنان]

ربي يفرج عليك اكثري من قراءة القرأن واشغلي نفسك بما يلهيك عن مراقبة الناس.

[إكليل]

ربي يفرج عليك اختي كيما يقولوا الناس أنا خير من مئة و مئة خير مني .

لا تقنطي من رحمة الله فهو عادل و أنظري إلى إيجابيات نفسك و إقنعي بما أعطاك الله لأنه لا يوجد أحد كامل و كل شيء عنده.

[aroua]

شوفي يا اختي انا منيش مزوجة واللي معايا في الخدمة كامل مزوجين وبالأطفال ,واللي منتفهمش معاهم كامل زوجي
مي صدقي بالربي جامي قلت علاه ولا كيفاه
مقتنع بحاجة وحدة انو الرزق بيد ربي هو ليعطي وهو لينحي وعدم الزواج او الفقر او اي حاجة اخرة مكتوب ربي سبحانو كل واحد واش قسملو ربي في هذ الدنيا ....
اما احساسك بان جميع الناس تكرهك فهذا امر عادي احيانا يحبوك واخرى يكرهوك واحدة بواحدة وحط حاجة في بالك بلي لواجتمع الانس والجن على ان ينفعوك بشيء لم ينفعوك الا بشيء كتبه الله لك والعكس تعرفيه
شهدي واستغفري وكلي امرك لله والدنيا دوارة يوم علي ويوم ليك حظ سعيد

[fafafa43]

ربي خلق الدنيا و كتب لكل واحد رزق و لا أحد يستطيع أن يقطع الرزق عن الناس إلاّ رب الناس لذا كوني قنوعة بما قسم الله لك و لا تحملي أوزار الناس عليك
أكثري من قراءة القرآن و الاستغفار و الدعاء الدعاء الدعاء
أحسني النية و ربي ينورلك قلبك و يبعد عليك وساوس الشيطان
و الله المستعان

[ام تقوى 34]

اشغلي نفسك الفراغ دارلك هكدا

[امال 2005]

السلام عليكم اول شئ اختي ادعي ربي اتكوني مقيمة الصلاة لانها عماد الدين وشفاء من الامراض وفيها تدعي ربي ان يبعد عنكي مراقبة الناس ثم اشغلي نفسك باي عمل لانه الفراغ يجعلكي تفكرين بالناس اتمنى ان تفكري في كلامي ان شاء الله ربي يهديك

[rose de sable s]

اشغلي نفسك بالصلاة و اذكار و قران حتي نعنادي امر و بالتالي تغير طبيعتك و اهتمي باشغال المنزل حتي لا يكون عندك وقت للمراقبة حاول مجاهدة نفسك
كيف تتركين صلاة و تراقبي تاس
تذكري ان الله يراقبك

[blanche rose]

الفراغ


الفراغ هو مشكلتك
هو مشكلة الرجال والنساء

املئيه بكل ما هو مفيد

سانصحك كما نصحت احدى الاخوات

قراءة او سماع..الكتب والمواضيع التي تتحدث عن السعادة الزوجية وطرق اسعاد الزوج.
ثقفي نفسك في شتى الميادين بالقراءة والسمع والرؤية

ابتعدي عن كل ما هو سلبي

ابتعدي عن النساء الموسوسااااات وخصوصا من فشلن في زواجهن..فلا تنتظري من فاشل أن ينصحك أو يفيدك!!
حتى وإن كانت نصيحتهن عن حسن نية فهي مدمرة..
كلما قرأت وسمعت أمورا ايجابية دماغك سيخزن ذلك..ومع الوقت
ستتحول الى افكار ايجابية وافعال..

هذه هي الطريقة التي تجعل تفكير الواحد منا جيد أو سيئ

التقرب الى الله عز وجل
الصلاة مهمة
حصني نفسك باذكار الصباح والمساء أو على الأقل
اقرئي
_ الفاتجة.. مرة
_ سورة الاخلاص+ المعوذتين..يعني قل اعوذ برب الفلق+قل اعوذ برب الناس..ثلاث مرات لكل واحدة.
_آية الكرسي

صباحا ومساءا قبل النوم

ولا تنسي
قولي الحمد لله.. كرريها كثيرا
الاستغفار
التسبيح
قراءة القرآن
الدعاء..الدعاء
وحاولي تغيير الجو ولو مرة في الاسبوع..

هذا العلاج نتيجته مضمووونة ان شاء الله لتحسين التفكير وغرس السعادة في قلوبنا..

تفاءلي ولا تخافي الامر سهل
والله عز وجل أحن علينا من والدينا..يستحيل أن تتقربي إليه ويخذلك
ربي يسعدك

[حنين فتـاة]

هدا نظن مرض نفسي حتى انا عندي وحدة قريبة عندها نفس المشكل
حاولي تروحي لطبيب نفسي وين ترتاحي اكثر وتقدري تحكيلو
ربي يفرج عليك حنونة

[~ دروب الخير ~]

اختي حاولي تشغلي نفسك باشياء اخرى ضعي لنفسك اولويات تسيري عليها شويا شويا رح تتخلصي من مشكلتك ان شاء الله

[غربة أهل السنّة]

السّلام عليكم ورحمة الله وبركاته
أختي ما تعانين منه هو مرض نفسي ناتج عن الفراغ الرّوحي
ما أنصحك به هو التّقرب من الله تعالى و المحافظة على الصلوات في وقتها
حاولي أن تشغلي نفسك بشيء معيّن كالخياطة مثلا أو أي هواية تحبّينها
وهكذا تستطيعين اكتشاف ذاتك الحقيقيّة،، أنت الآن لا تعرفين من تكونين
لكن بعد التقرب إلى الله و إشغال نفسك ستكتشفين ذاتك
حاولي أن تستمتعي بحياتك كما وهبها الله لكِ
ولا تقارني نفسكِ بالآخرين،، بل حاولي دائما شكر الله تعالى على ما قدّمه لكِ من نعم وابتلاءات
وفّقكِ الله

[ahlem 05]

اختي غيري طباعك وحياتك ابداي من صلاتك صلي وادعي ربي يهديك و يرزق بفرحة تغنيك عن اخبار الناس ادعي ربي بزااف وكل ما حاولتي ترجعي لعاداتك استغفري واستغفري تقربي من ربي واقراي قران وتثقفي وحاولي تجددي حياتك وتعدلي العلاقة مع خطيبك وربي يوفقك اختي

[sidali75]

مسكين راجلك ـ إبتسامة ـ يعني هو دوك ماشي شباب ومن قبل كان شباب ونص وخمسة وعشرين