الى كل من سافر الى اسطنبول

magni · 2014-03-27, 14:50

مساء الخير للجميع
اريد ان اذهب الى اسطنبول انا وزوجي في شهر اوت لقضاء شهر العسل لمدة 7 ايام واردت ان استفسر عن كل التكاليف اللازمة لهذه الرحلة ( خاصة اسعار النقل والاكل والتأشيرة ) وعن افضل المطاعم من حيث السعر وشكرا للجميع
ارجوا ان تفيدوني

magni · 2014-03-28, 12:35

هل من مجيب، ارجوا الرد

مريم الصابرة · 2014-03-28, 14:32

السلام عليكم اختي
انا سافرت وعدت وسأخبرك لك ما تريدين
نبدأ بالفيزا هي بملبلغ 7000 دج بمعنى 700 ألف
تأخذين معك شهادة ميلاد وصورة شمسية وجواز السفر طبعا انا اخبرك تكاليف شخص واحد وأنت اعرفني كيفية الحساب
الطائرة 46000 دج أي ربع ملاين و600 على الخطوط التركية و42000 على الخطوط الجزائرية ذهاب ورجوع
الفندق انا إستأجرت في فندق لمدة 7 ايام في منطقة بعيدة بحوالي 3500 لكل الأسبوع بكن بعدها وجدت شقق فيها كل شي في منطقة تقسييم رائعة جدا سوف ابعث لك رابطها ملائمة جدا لكما كعرسان ويمكنك الطبخ وتوفير ثمن الاكل فالمطبخ مجهز بكل شي وبها تلفاز وجهاز كمبيوتر وكل شي سوف ابعث لك الرابط حتى ترينها رائعة كنت انا قد حجزت وإنتهى الامر
ناتي الآن للمصاريف
اولا انصحك أن لا تشتري شريحة هاتف بالنسبة لي كانت غالية جدا وندمت لأانني إشتريتها خاصة الفندق فيه الأنترنت يعني هي ب 50 ليرا يمعنى 180 الف بدارهمنا والوحدات أي ليزونيتي غاليين بزاف يعني تهدري كلمة راحو كامل نقصو عليكم المصروف ما تشروهاش
ناتي الآن للتنقل شوفي هي احسن حل بطاقة الشحن تركبي بها فالميترو والترمواي والحافلة لو قريبة مني نبعثهالك راهي عندي وما تشروهاش لكن رغم هذت ما راهيش غالية دير 7 ليرا وتشحنوها مثلا 40 ليرا او 50 وتتنقلو بها في كل مناطق إلا العبارات تخلصو دراهم
والبطاقة لما تشحنوها يمر مثلا زوجك يتم حذف المبلغ وبعدها يمدهالك وتفوتيها فالمشينة تحذف المبلغ الخاص بك وهو ليرا ونصف لكل مرور
وبلاكي تركبو الطاكسيات راهم غاليين بزاف كل شي كاين الميترو والترامواي والحافلة تروحو وين تحبو ونوريلك الاماكن اللي تحبي تروحيلهم هايلين
الأكل شوفي المطاعم يمدولك المينو او الفهرس وقدامو الاسعار يعني ما تجي تاكلي اكل مليح طيحلك حوالي 300 الف لليلة بدارهمنا وبزاف
إمالا كاين فاست فود او اكل خفيف كيما عندنا رخيص انا كليت فيهم 2 ليرا او 3 ليرا مليح لسندويش وملاح بزاف واين اكل رخيص يباع على الطريق فالمطاعم الصغيرة مش غالي
المهم ديري حسابك 1 ليرا هي 35 دينار بدراهمنا ومناك ديري حسابك مثلا اكلة ب 40 ليرا معناها تقريبا 150 الف بدراهمنا شفت شعال غالي مقارنة بالسندويش يطيحلك 7 الاف بدراهمنا او 10 لاف لما تاكلي طبق واحد
شوفي الأورو راه 15000 دج ويجيبلك ثم 300 ليرا مرات حتى 310 ليرا تركية
يعني انا سفري طاح 20 مليون وكنت وحدي وإقتصدت بزاف لكن انا باقي المبلغ راحلي فالسبيطار ويعني لو فرضا المبلغ اللي راحلي انا تعوضوه إنتوما في امور اخرى معناها نفس الشي
يعني اختي أنت زوجك وشهر عسل وكاش ما تشرو يعني في زوج 40 حتى 45 مليون هذا بالتفصيل لاني رحت وكنت ثم وعندي مدة 15 يوم من جيت وعرفت كل الأسعار
راني هنا في اي إستفسار نخبرك
شكرا وربي يهنيكم يا رب

magni · 2014-03-28, 15:16

شكرا اختي افدتيني كثيررررررا لكن 45 مليون بزاف اذا امكن اعطيني روابط الشقق بالاك تعجبنا الاسعار، وهل 200 اورو( يعني 20 الف ) تكفينا 7 ايام ام لا (خارج مصاريف الشقة والفيزا والتذكرة يعني 200 اورو للاكل والنقل فقط )هل تكفي؟ ونحب نسقسيك على اللغة اي لغة يفهمونها ؟ شكرا
ربي يشفيك انشاء الله

مريم الصابرة · 2014-03-28, 15:29

اقتباس:

المشاركة الأصلية كتبت بواسطة magni

شكرا اختي افدتيني كثيررررررا لكن 45 مليون بزاف اذا امكن اعطيني روابط الشقق بالاك تعجبنا الاسعار، وهل 200 اورو( يعني 20 الف ) تكفينا 7 ايام ام لا (خارج مصاريف الشقة والفيزا والتذكرة يعني 200 اورو للاكل والنقل فقط )هل تكفي؟ ونحب نسقسيك على اللغة اي لغة يفهمونها ؟ شكرا
ربي يشفيك انشاء الله

السلام عليكم اختي
والله بزاف لانو راحيين زوج
ضرك نبعثلك الروابط الشقق هايلين روعة وسمانة كاينة وحدة ب 32000 دج
شوفي 200 اورو تجيبلك 600 ليرا تكيفيكم ماكلة وتنقل لسمانة
يعني كي ديرو الفيزا والطيارة والشقق تدو معاكم 200 اورو قيس التنقل والأكل تكفيكم مليح
وإذا تجيبو هدايا رمزية زيدو 200 اورو يعني كل شي ممكن يكفيكم 400 اورو لانو 100 اورو تجيبلك 300 ليرا
اللغة يهدرو الإنجليزي شوي ما يفهموهاش بزاف
لكن ما تخميش انا كنت خايفة من اللغة لكن معمرة عرب وزيدي اختي تحكو إشارات برك يفهموكم المهم سلكوها شوي انجليزي هذا ماكان انا تصرفت فيها عادي لا مشكل معمرة عرب ما تخميش
ضرك نبعثلك الشقق وخبريني أي امر راني هنا نقولك التنقل ساهل الميترو الترمواي ونوريلك وين تروحو الاماكن الشابين والأسواق الشعبية وين رخيص الاسعار انا في نهار عرفت نتنقل ويويمن حوست فيهم مليح كاين مناطق ما رحتلهاش خلاصولي الدراهم لكن الحمد لله تحوسي خير من والو وتمتعي خاصة شهر عسل فيها اماكن روعة
ضرك نشوفلك الروابط
آمين شكرا وربي يهنيكم

هذي هي الروابط
https://www.booking.com/hotel/tr/thre...ability_target
وهذي

https://www.booking.com/hotel/tr/thre...zidans.ar.html

هذي
https://www.booking.com/hotel/tr/kent...fe69928;dcid=1

magni · 2014-03-28, 17:52

شكرا حنونة راني شفتهم لكن نحب نسقسيك علبالي مرضتك معايا اسمحيلي
هل تتوفر في هذه الشقق المكواة، مجفف الشعر، كل لوازم الحمام( السرابت" المناشف"، الصابون، المشط، معجون الاسنان) او ندي معايا؟ خاطر الفندق فيه الحوايج هاذوا كامل، وهل فيهم المكيف ؟ وكيف يكون الحجز انا ماعنديش البطاقات؟ وهل كي نطيب وحدي ونشري المواد الغذائية غاللين عندهم ام لا؟ او نشري الاكل واجد خير؟ وفي راييك هل نروحوا مع وكالة سياحية ولا نروحوا وحدنا خير؟ وهل يبيعون الاكل قريب من هذه الشقق؟ وهل هذه الشقق بعيدة عن اماكن السياحة ام لا؟
اسمحيلي بزاااف طولت عليك

مريم الصابرة · 2014-03-29, 00:12

اقتباس:

المشاركة الأصلية كتبت بواسطة magni

شكرا حنونة راني شفتهم لكن نحب نسقسيك علبالي مرضتك معايا اسمحيلي
هل تتوفر في هذه الشقق المكواة، مجفف الشعر، كل لوازم الحمام( السرابت" المناشف"، الصابون، المشط، معجون الاسنان) او ندي معايا؟ خاطر الفندق فيه الحوايج هاذوا كامل، وهل فيهم المكيف ؟ وكيف يكون الحجز انا ماعنديش البطاقات؟ وهل كي نطيب وحدي ونشري المواد الغذائية غاللين عندهم ام لا؟ او نشري الاكل واجد خير؟ وفي راييك هل نروحوا مع وكالة سياحية ولا نروحوا وحدنا خير؟ وهل يبيعون الاكل قريب من هذه الشقق؟ وهل هذه الشقق بعيدة عن اماكن السياحة ام لا؟
اسمحيلي بزاااف طولت عليك

السلام عليكم اختي
هي وين كنت انا كان كاين مجفف ولكن الشمبوا والمور هذي كاين لكن ما يكفيش بزاف من رأي خذي حقيبتك معاك احسن
المناشف توجد لا تأخذيها لانها وزن زائد وتغير يوميا
نعم المكيف يوجد والتلفاز وهناك من بها كمبيوتر
للا مش بطاقات حجز مباشر من النت او عن طريق وكالة تدي معاك رابط الشقة وهوما يقومو باللازم
انا نظن وكالة افضل هكذا انا فعلت
هي لمواد الغذائية فالمحلات مثل محلاتنا عادية اما تشري من محلات كبرى غالية بزاف
ومن رأي اكل جاهز أفضل
والله الدهاب عبر وكالة افضل وكانو يقولولن الغلاء عبر الكلات لا الجمد لله انا عادي فارق بسيط جدا ويقدمون خدمات وتسهيلا ويشرحون كل شي
الشقق امامك كل ما تحتاجي والتنقل رائع للأماكن السياحية فلا تقلقي كل شي متوفر
انا بالخدمة عزيزتي في اي وقت

Dj BoBo · 2014-03-29, 00:30

عروض فنادق إسطمبول

إليك الاسعار في الفنادق لمدة 7 أيام

و كل فندق موضوعة معلوماته و رقم هاتف و كل شيء

https://www.tripadvisor.fr/SmartDeals...tel-Deals.html

معالم إسطمبول

https://www.ceetiz.fr/istanbul?gclid=...FcuWtAodTDwAFw

ツღعـصُـ♥ـوِݦۑツღ · 2014-03-30, 10:29

سلام عليكم
اختي مريم الرابط الأول لفندق Three Apples Taksim Suites يقولك لليلة 15 أورو يعني 45 ليرة لـليلة و 7أيام يكون مبلغ 315 ليرة بالعملة الوطنية تكون 11025 دج
هكا ولالالا اختي مريم ؟

مريم الصابرة · 2014-03-30, 10:53

اقتباس:

المشاركة الأصلية كتبت بواسطة ayadday17200

سلام عليكم
اختي مريم الرابط الأول لفندق three apples taksim suites يقولك لليلة 15 أورو يعني 45 ليرة لـليلة و 7أيام يكون مبلغ 315 ليرة بالعملة الوطنية تكون 11025 دج
هكا ولالالا اختي مريم ؟

السلام عليكم اخي
هي هذي شقق فندقية فيها عدة غرف وتسكنا وحدك
اكيد السعر ثم لما تحدد تاريخ الوصول والمغادرة هذاك هو ثمن السعر للأسبوع كلو
انا فندقي اسبوع ب 35000 يعني محال تكون الشقق ب مليون وميةهي 32000 دج كل الأسبوع واحسن بزاف من الفندق اللي كنت فيه
شكرا