ارجو من الاعضاء الكرام تشريفنا بادراج بعض الامثال الشعبية

[سامي ياحي]

ما تخرج الصدقة حتى يشبعو مالين الدار
معناه في قوله سبحانه و تعالى : " الأقربون أو لى بالمعروف "
أي لا نعين الأباعد و نحن أو الأقارب في أشد الحاجة إلى هذه المعونة .

[بنت الغزلان]

الطماع في كرشو قرنونة

[نور40]

أللي يدوا فالماء ماش كي ألليدو فالجمر خوك خوك لا يغرك صاحبك لا يعجبك نوار الدفلة فالواد داير ضلايل ولا يعجبك خدود الطفلة حتى تشوف لفعايلراحوا عينيا يا خص حواجبيكون ماجيتش نعرفك يا خروب بلادي نقول عليك بنانجبتك يا عبد المعين باه تعيني لقيتك يا عبد المعين تتعان

[نور1993]

العريس يتعرس والناس تتهرس
العود اللي تحقرو يعميك
اللي ما عندو الزهر فالكبدة يلقى العظم
بيع الشارف يا عارف واشريه يا مكسور السعد

[رفقا بالقوارير]

خود بنات الاصول مهمما الزمان يطول

[sousou sokar]

-اللي باعك بالفول بيعو بقشورو
-اللي مكتوب في الجبين لازم تشوفو العين
-ضربني وبكى سبقني وشكا
-العين ماتعلاش على الحاجب

[امل عطوي]

ما يعجبك نوار الدفلة في الواد عامل الضلايل و ما يعجبك زين طفلة حتى تشوف لفعايل

الكسرة والماء، و لا العسل و البلاء

البطنة تريح الفطنة

أنت تقول أبابا و أنا نقول أسيدي

[ناصرة]

خوك خوك لايغرك صاحبك
كل ماهو موالم غير حددة المبلع سالم :معناه أن كل الأمور تضايقه إلاشيءواحد و هو الأكل يجب أن يأكل حتى و لو كان مريضا.
تبع الراي لبكيك و متبعش الراي ليضحكك.:

[ليلى الجزائرية1]

قلبو على تمرة وقلب امو على جمرة.
الحر حر والخدمة ما تضر.
ما زين النقى يا لو كان يبقى.
اللي عزك عزو واللي دزك دزو.
الدنيا بالوجوه والآخرة بالفعايل.

[احلام07]

السبت سبوت والحد حدود والاثنين رايحة لاما والثلاثاء جاية من ثما والاربعاء مسربعة والخميس بعدو الجمعة والجمعة عيد المسلمين
قالتو امراة في قديم الزمان لزوجها كي قالها انسجيلي او اخدميلى برنوس ويقال الان للمراة الفنيانة لتخلق الاسباب غير باش ما تقضيش في الدار ولا علي اي انسان يخلق الاسباب من العدم لكي لا يقوم باعمل المطلوب منو

[سلاف26]

إذا تفاهمت العجوزة مع الكنة يدخل إبليس للجنة
لي ما جا مع العروسة ما يجي مع يماها
لوكان ما نعرفك يا قرنون بلادي نقول عليك أناناس
يا المشبح من البرا واش حالك من الداخل
الشيب و العيب
لي يحب الشباح ما يقول أح

[le chardon]

كون ما نعرفك يا حريق بلادي نحسبك نعناع تلمسان
والحريق هوو ذالك النبات الذي ينبت في الارض ويشبه النعناع ولكنه بمجرد ملامسته يحرقك

[normalak]

*الجرح يبرى يا صبرى و الجرح دواه ضميدة و كلمة السوء ما تبرى و كل يوم تصبح جديدة
معناه الجرح يشفى و دواءه ضمادة و لكن كلمة السوء لا تبرأ و كل يوم تصبح بمعنى جديد
* هوما في هموا و حنا في سموا
و يعني عندما يسقط الثلج أناسه في همه و نحن يأتينا البرد الشديد
* دير الخير و أنساه و دير الشر و أتفكرو
* مول النية يربح و لما ربح تخرج سلامات
* الضربة التي لاتقتلني تزيدني قوة
* من إتبع هواه باع دينه بدنياه
* دير الخير و أنساه لا ملقيتوا تلقاه لولادك ذخيرة

[أمين 259]

لي ما ينفع غير أدفع
الأحباب بلا فايدة كي مسامر المايدة
من زرع حصد و من نام رأى الأحلام
لي ظرباتو يدو ما توجعو
ما يحكلك كي ظفرك و ما يبكيلك كي شفرك
259

[rafika1988]

لالة عدوة وحاجنها حلوة
السن يضحك لي سن وقلوب حاقدة
لكان هو عظمة يابسة انا راني قط وفارغ الشغل
كي سحقيتك يا وجهي نذبوك لقطوط
اضحك يا فمي على همي
الحنة في ظفارها والناس جابت خبارها
من سعدك يا اليتيمة غاب الزفاف للمدينة
الزين حطة والعقلية فاسدة
يا المشبح من البرا واش حوالك منت الداخل
تلاقى السي مع السي ولاخر ما لقى ما يحسي
قدها قد الفولة و صوتها صوت الغولة
كل الخنفوس عند امه غزال
الي موالف بالحفاء ما يلبس السباط
الناس تكسب وانت تحسب
ياكل من الشجرة ويقطع عروقها
هو يطلب وزوجته تصدق
بوس الكلب من فمه حتى تقضي حاجتك منه
قيس قبل ما تغيس
الطمع يفسد الطبع
الي في يدو كل يوم عيدو
الي ما عندو قلب يموت سمين
ما قدرش على داب قدلا على البردعة
كي بقاتلو سبولة قطع صباعوا
سبع النساء والقدرة يابسة
الجوع يعلم السقاطة والعري يعلم الخياطة
دير الخير وانساه واعمل الشر واتفكروا