ارجو من الاعضاء الكرام تشريفنا بادراج بعض الامثال الشعبية

[امل غليزاني]

قيمنا بالحمار ودرناله شهرة زعبط ولد الحرام و رجع لحلاسو معناه واضح حاشى االرقبة لي كلمتو رصاص

[nadouch]

اللي فايتك بليلة فايتك بحيلة
جا يحرثو الجمل دكو

[صاحبة الامتياز]

1الباب الي يجيك منو الريح سدوو ستريح
2الجنازة كبيرة والميت فار
3تاكل كي لمحلة وتصبح كي لمسلة

[yasmine alger]

الزين مع الزين يجيب الذهب الخالص و الزين مع الشين يجيبو فرخ الطاوس و الشين مع اشين يجيبو الخنافس
يتعلم لحفافة في روؤس ليتامة
الطالب اذا جاح يقدر يولي براح
اذا كان صاحبك عسل ما تلحسوش ويلا كان داب ما تركبوش
اللي درباتو يدو ما يبكيش
حجرة من عند لحبيب تفاحة
الشركة هلكة لوكان في طريق مكة
الفم قاصد و القلب فاسد
رضيت بالهم مرضاش عليا بيتو عند راسي صبح عند رجليا
عيطة شهود على ذبيحة القنفود

[أمـــ الجزائرـــــــــال]

لي حبنا نحبوه و نديروه على راسنا عمامة و لي غشنا نغشوه و نخلوه ليوم القيامة

[les intripides]

اللي يبغيك ما يبنيلك قصر و اللي يكرهك ما يحفر لك قبر

[alibenhalima]

ما يعرف قعو من بعو : قعو و بعو الله أعلم عصمتي الذراع و اليد (الكوع)

[alibenhalima]

من عام دقيوس : من عام دقيانيوس و هو الملك الذي فر أهل الكهف من بطشه فلما رأى التاجر عملة المتخفي منهم قال هذه من عام دقيانيوس (دقيوس) فصارت تقال في الأشياء القديمة و الله أعلم

[alibenhalima]

الجديد حبو و القديم لا تفرط فيه

[فتيحة الإسلام]

تغدى وتمدّ تعشّ وتمش

[فتيحة الإسلام]

اذا معندي ومعندك تنطبع واذا إمعندي تنقطع
معناة عون نعاونك تنكرن نبعدك

[houda-21]

جزاكم الله خيرا على هذا الموضوع

[*ام* عبد الرحمن]

السلام عليكم
انا عندي هاذو
ارواحي يا يما نوريلك دار جدة
النسا يا النسا و القربة يابسة
مول السبتة يطمع في العريان
مروح الابرة في التبن
تهنى الفرطاس من حكان الراس
وجه الخروف معروف
اللي قرصو حنش يخاف من الحبل
الطعام فتلاتو حفصة و الشيعة للنسا
اللي يحسب وحدو تشيطلو
.................................................. ......................الخ
صلى على النبي الكريم
صلى الله عليه و سلم

[نايل الهضاب]

اللي ماهو موالف بلبخور يحرق اكساتو
صنعة اليدين و لا مال الجدين
حبة في الحيط و لا حبة في الخيط
جا يكحلها اعماها

[hayet50]

سرك في بير
تبع الكذاب لباب دارو
لي ماوصلش للعنب قال قارص
كي طاب جنانو نايف جيرانو