|
|
|
|||||||
| قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2013-10-23, 15:33
|
رقم المشاركة : 183 | |||
|
طرق تخزين المواد الغذائية
 اولا الاخت الي طلبت من السماح انا الي راني نطلب منها السماح على سوء الفهم اللي صرا ما بيناتنا  وانتوما يا لقرعاجات لاه تحوسوتعرفوا شكون هي ؟ ههههههههه  نقصر برك اولا حبيت نفيدكم بطريقتي المتواضعة في تخزين المواد الغذائية مستعينة بصور من النت طبعا لانو مكانش عندي الوقت باش نصورلكم من الدار اولا المواد الغذائية تنقسم الى ثلاث اقسام 1- القسم الاول هو الخضر والفواكه 2- اللحوم والاجبان والاسماك 3-البقوليات والعجائن اولا عندما يجيب الراجل القفة راح تكون مخلطة سافلها عاليها انا او ما يدخل بابا القفة للدار نوجد فوطة مشمخة شويا بالماء ونمسح جميع الخضر كالفلفل الاخضر والطماطم والباذنجان والقرعة والجزر ونديرهم في اسفل الادراج تاع الثلاجة  بعدها اقوم بغسل حبات البطاطا وتنشيفها جيدا ووضعا مع البصل والثوم المنقي من القشور الزائدة في صناديق مثل هذه اما الحشاوش مثل المعدنوس والدبشة والكرافس نغسلها ونقطعلها الاطراف تاعها ونديرها في علبة زجاجية ومغلقة في الثلاجة في الرف اللي فوق تاع الخضرة ونحط معاها علب الحمص الذرة والفطر وعلب المخلالات والمربى اذا وجدو  اما الوبيا الخضراء والخشرف مثلا انا نخبي اللوبيا الخضراء داخل ورقة جرائد ثم داخل ساشي باش تبقى خضراء وطريا اما الخرشف نقيه من الاوراق ونقطع كل وحدة على ثلاثة ونديرو في ساشي والى الثلاجة هكذا تكون خلاصة القفة ""كشما نسيت حاجة فكروني جل من لا ينسى"" ثانيا الحبوب الجافة مثل الارز الحمص و اللوبيا البيضا والعدس والبرغل والفريك ...الخ انا نفرغ كل وحدة في علبة زجاجية شفافة او بلاستيكية واذا ما كانتش شفافة نديرلها سكوتش ونكتب اسم المنتوج فوقو باش ما تتلفليش والى البوتاجي او المكان الجاف الي موالفة حطي فيه  والعجائن نفس الشيء نفرع كل ساشي مثلا تاع السباقيتي ولا التورتيلوني ولا معكرونة بانواعها ولا كسكس ولا محمصة ولا في علبت بلاستيكية خاصة  الان نجيو اللخبز انا نغلفو في بلاستيك ومباشرة الى الكونجيلاتور حتى لوقت اللي نحتاجو هكذا باش ما يتعفنش  واللحم والدجاج انا الجاجة نغسلها ونقيها مليح ونقعها الى قطع ونديرها داخل اكياس التجميد والى المجمد نقس الشيء بالنسبة للحوم لكن انا منغسلها نمسحها بقليل من الزيت العادي والى المجمد هكذا تحافظ على كل منافعها ميكلهاش الفريجيدار كيما يقولو اما الاجبان والباتي والكاشير نحطهم في اقرب رف الى الكونجيلاتور في علب بلاستيكية واذا ما كانش داخل اكياس التجميد  حطي كل حاجة في بورت مونجي خاصة واحكمي اغلاقها بلاك راكي تقولي وعلا نسكرو مليح على الاغية تاعنا ؟ وانا نقولك باش تبقى محافضة على جودتها ورائحتها وطعمها وبلاش متبقايش تغسلي في الفريجيدار وكل ما تحليه تهربي من الريحة هههههه ايضا لا تخلطي ابدا المواد الطايبة مع اللي مش طايبة وحاولي دايما تشري الفيلم المونتار باش تغطي بيه الخضر والفواكه وكذلك الصحون او اي اكل بايت وخصصي درج خاص فقط بالاكل البايت يعني كل حاجة طايبة حطيها مع بعض وتكون مغطية جيدا باش متنتقلش الجراثيم من مكان الى آخر حافضي دائما على نضافة الثلاجة انا نغسلها كل اسبوع وندير دائما قطعة فحم او نصف ليمونة او اسفنجة عادية داخلها كل خطرة كيفاش لامتصاص الروائح من الثلاجة ملاحظة كاين انواع من اللحوم متحبش تطول داخل الثلاجة مثلا الحوت يستحسن استهلاكه فور شرائه واللحم المفروم ايضا لا يتعدي الثلاث ايام داخل الكونجيلاتور والدجاج ايضا ايضا حطي كمية من الملح الخشن في اواني تخزين الحبوب الجافة لتفادي السوس وايضا اجبديها بين الفترة والاخرى وعرضيها للشمس في سينية كبيرة اما الكسكس او الطعام والعيش او البركوكس او كي نفتلوهم او نشروهم نديرو في الشكارة حبوب الفلفل الاسود او كيما نسموه حنا راس الحانوت باش ما يسوسش اما الفرينة خلها ديما في علب بلاستيك جافة وفي مكان جاف ومضلم ومتشريش بكميات كبيرة باش ما تفسدش البهارات او العقاقير تاع البرمة ههههه خليها اذا شريتي كميات كبيرة في علب زجاجية مغلقة جيدا في الثلاجة باش تبقى محافضة على نكهتها هي والفلفل العكري والثوم الغبرة والكسبر المرحي وخلي كميات صغيرة منهم في علبة البهارات اليومية اللي عندك وحطيها ديما بعيدة على لكويزينيار حتى متقيسهاش الرطوبة اللي تجي من البخار اثناء الطبخ وتفقد نكهتها  حافضي دائما على نضافة خزائن ورفوف الاطعمة وحطي فيها ديما بعض اوراق الرند او الغار كيما يسموه مليح بزاف وكل مرة طيشيهم وبدليهم وفي باب الثلاجة انا نحط العصائر والبيض والدواء هههه والماء والهريسة والمايوناز والحليب .... واش نسيت؟ كملوه راسي ضرك راهو حابس كاشما تفكرتو سقسو راني هنا |
|||
|
|
2013-10-24, 08:57
|
رقم المشاركة : 184 | ||||
|
اقتباس:
لا شكر على واجب حبيبتي رانا كامل نتعاونو من اجل الاحسن
ياخي؟ في انتضار اظافاتك حبيبتي |
||||
|
|
|
2013-10-24, 09:03
|
رقم المشاركة : 185 | |||
|
صباح الخير يا عرايسنا الحلوين واش راكم غايبات على هاد الفضاء الثري والخاص بكن وبكن فقط لماذا؟   وانا نتصفح في صفحات منتدانا الغالي وجدت هاد الموضوع والي هو عبارة عن نصائح مطبخية اذا لا قدر الله درتو كوارث طبيعية هههههههههه ملح اكثر من الازم او حموضة بسبب الطماطم او خشونة بعض الاطعمة وصعوبة طهيها او.... هاهو تصفح ممتع https://www.djelfa.info/vb/showthread.php?t=1173230 |
|||
|
|
|
2013-10-24, 09:39
|
رقم المشاركة : 186 | ||||
|
اقتباس:
|
||||
|
|
|
2013-10-26, 22:00
|
رقم المشاركة : 188 | |||
|
شكرا جزيلا يا اختي |
|||
|
|
|
2013-10-29, 13:45
|
رقم المشاركة : 192 | |||
|
 كيف الحال عروساتنا الحلوين؟ اولا لا شكر على واجب حبيباتي رانا كامل خواتات هنا ثانيا ارجو الدعاء لي بالزوج الصالح عاجلا غير آجل لانني اعاني من مشكل مع واحد يخدم معايا ربي يهديه مالا تعيشو ادعولي باش نتخطب بلاك يبعد عليا ما ني حابة العلاقات الحرام بعيد الشر |
|||
|
|
|
2013-10-29, 13:48
|
رقم المشاركة : 193 | ||||
|
اقتباس:
|
||||
|
|
|
2013-10-29, 16:41
|
رقم المشاركة : 195 | |||
|
تنضيف المطبخ
البسملة1
حبيباتي لازم تعرفو بلي المطبخ هو عالم المراة المصغر لانها تقضي فيه معضم وقتها لهاذا لازم تسعى كل وحدة فينا لتنضيف وتجميل عالمها الخاص حبيت هاد المرة نفيدكم في طرق تنضيف وتريتيب المطبخ عساها تكون مفيدة لكن من منا لا تريد مطبخا بهاذا الترتيب والبريق؟؟؟ انا طريقتي ساهلة ماهلة نقسم التنضيف الى اقسام التنضيف اليومي: التنظيف اليومي للمطبخ يكون في اغلب الأحيان بعد طبخ وجبة الغداء اقوم بغسل جميع الصحون والأدوات التي قمت باستخدامها للطبخ وغسل المغاسل ثم اقوم بتنظيف الفرن ومسح علب البهارات ومسح أدراج الخزائن الخارجية وأبواب الثلاجة والرخام ولاانسى أطراف السيراميك تحت الكويزينيار حيث تتجمع الدهون نتيجة للطبخ وتنظيف الطاولة وبممسحة خاصة فيها مادة معقمة وماء امسح الأرضية . تنضيف الكويزينيار أول عفريت ممكن يقابلك وأنت تنضفي أدوات المطبخ هو الكويزينيار هو صح عفريت كبير شوية بصح تنظفيه سهل جدا لو عملتي الخطوات التالية: شوفي يا عروس اذا راكي حابة تتخلصي من أي آثار للدهون اللي موجودة فوق الكويزينيار نتيجة القلي والتحمير لازم تحاولي تمسحي كل بقايا طعام بمجرد سقوطها او قطرات مرق او اي شيء انسكب فوقها تاني ممكن تغلفيها بالالمنيوم اللي ينباع خصيصا لها اوتجيبي ايبونج اي إسفنجة فيها مسحوق غسيل وامسحي الكوزينيار بيها ومن بعد امسحيه بإسفنجة مبللة بالماء وهكذا يبقى الكويزينيار نظيف واذا حبيتي زيادة في اللمعان امسحيه بورق جرائد مبلل بالماء هاذي كانت طريقة، كاينة طريقة اخرى ممكن تلجئي إليها لو كان الكويزينيار اللي عندك فيه دهون ناشفة وماهيش حابة تتنح مالا لازمك تحطي على الدهون هادي خليط مكون من نص كوب ماء + نص كوب أي مسحوق تنظيف عندك وخليه عليه لمدة ساعة وبعدها ابدئي في تنظيف الكويزينيار بنفس الطريقة السابقة وكاين تاني مواد التنضيف الخاصة بالكويزينيار ولا الفرن الكهربائي. تنضيف زجاج باب الفرن: تقدري تنضفيه وتنحيلو الاسوداد عليه حطي عليه طبقة رقيقة من بيكاربونات الصودا المرطبة بالماء وخليها لمدة من الزمن قبل فرك الزجاج جيدا. تنضيف الفرن من الداخل: رشي بعض الكلور المنضف وامسحيه باسفنجة من الجهة الناعمة وخلي باب الفرن مفتوح شويا من بعد شعليه مدة 20 دقيقة يسخن مليح ثم حطي داخله ماء مع شويا خل ابيض وخليه حتى يغلي ليمتص رائحة حرق الطعام وغيرها ثانيا: تنضيف الاجهزة الكهروبائية:  استخدمي لتنضيفها فرشاة الاسنان مع سائل غسيل الصحون وماء جافيل  اغمسي الفراة فيه ودوري على الجهاز من فوق ومن تحت ومن الجوانب خاصة الاماكن الصعبة مثل مكان التقاء جسم الجهاز مع قاعدته  رايح يخرج منها واش متتصوريش من دهون وغبار وبعدها امسحيه بمنشفة مبللة ثم جافة وخليها تنشف  من بعد رجعي كل واحد للغلاف البلاستيكي تاعو والى الخزانة: اما فيما يخص الادواة الحاة في المطبخ مثلا محكة البصل او مطحنة الخضار اليدوية الخ يستحسن ازالة ما عليها من بقايا طعام تحت العين ثم تنضيفها بفرشاة لها مقبض تفاديا لجرح الايدي ههههههه  وحطيها فوق فوطا وخليها تنشف من بعد يجي تنضيف الثلاجة انا نمسحها برك من برة يوميا ومرتين في الاسبوع نغسلها من الداخل باش متبقا فيها الريحة وايضا نعاود ترتيبها وكي نعجز لازم مرة برك في الاسبوع من بعد المغاسل:  ساعات البلاعة الخاصة بالحوض ممكن تنسد نتيجة كمية كبيرة من بقايا الاكل عليها او كمية من الدهون وباش تتخلصي من هاد المشكلة جيبي كاس كلور وكاس ماء ضيفيهالها وحلي حنفية العين من الجهة الحامية مدة 15 د وكل حاجة رايحة تولي كيما كانت ملاحظة : يفضل غسل المطبخ في الأسبوع مرة او مرتان حسب الحاجة وتنشيف الارضية مباشرة بعد التنظيف وبالاخص إن كانت الخزائن من الخشب . التنضيف الاسبوعي للمطبخ إخراج جميع محتويات الثلاجة وتنظيفها وتعقيمها وإعادة ترتيب الأغراض ومسح الثلاجة من الخارج وعلى السقف وتنظيف أسقف الخزائن ثم تنشيفها وتنظيف الفرن من الخارج والداخل والأطراف وتنظيف علب البهارات والميكرو اوند والكماليات الأخرى والنوافذ وغسل خزانة الخبز وتعريضها للشمس وغسل سلة المهملات وتعريضها للشمس لمدة نصف ساعة تقريبا ومسح أبواب الخزائن وأسطحها بالماء والصابون ثم مسحها بنشافة مبللة (بالديتول ) والان دور الأرضية حيث إني اصب على الأطراف وأماكن الدهون منظف وافرك المناطق المتسخة واتركه لمدة 15 دقيقة وفي هذه الأثناء اقوم بتنظيف جهاز التكييف "hotte de cuisine" بماء و ثم تنظيف المغاسل ثم التسياق وتنشاف الأرضية جيدا وتنشيف المغسل وتلميع الحنفيات. ملاحظة : أبدا لاتخلطي محلول ( المنضف ) مع مادة ( الكلور ) أو المبيض حيث ان تفاعلهما يكون خطر على الجلد والعين . واخيرا التنضيف الشهري: إن المطبخ من أكثر الأماكن المعرضة لتجمع الدهون فتنظيفها يوميا ثم أسبوعيا يسهل عملية تنظيفها شهريا حتى ان بعض المهام تنتهي من انجازها ببساطة وبالإضافة إلى ذلك جرد الخزائن من جميع الأدوات وتنظيفها بالماء والصابون وتعقيمها بـــ ( الديتول ) وإعادة ترتيبها ومسح سقف المطبخ والجدران وإطفاء الكهرباء عن الثلاجة وطريقة التنظيف تكون بجرد الثلاجة وغسلها جيدا بالماء والصابون وتنظيف الثنايا والاطراف وغسلها وتنشيفها ثم تعقيمها وإعادة تشغيلها وبعدة ساعة من تشغيلها أضع الأطعمة فيها وكذلك الفرن أشعله لمدة 10 دقائق وأقوم بتنظيفه بسائل تنظيف الفرن وأحركه من مكانه وأنظف الثنايا والأطراف بفرشاة خشنة صغيره لأضمن تنظيفها وبالمثل باب المطبخ . اخرج جميع الحاجيات من المخزن واقوم بغسل الارفف والخزائن والأرضية بالماء والصابون وتنشيفها ثم تعقيمها بــ ( الديتول ) وتنظيف جميع الحاجيات سواء الأطعمة او غيرها وإعادة ترتيبها. اذا كان هاد الموضوع مهم بالنسبة ليكم رايحة نكمل نحطلكم طرق تنضيف باقي لوازم المطبخ مثل القدور المحروقة والاكل الملتصق وطاولة الطعام والبوتاجي ..الخ |
|||
|
|
|
| الكلمات الدلالية (Tags) |
| عروستنا |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
بعض الروابط اللي ممكن تفيدك *ــــ*
العرض العادي
