الى ديسمبر 💪🔥

[karlita]

تجربتي مع اختبارات الفصل الاول كانت كارثية مجزرة حقا
نوفمبر كامل لا اعلم ماذا اصابني به و كان كتلة من الجليد وضعت على قلبي من ناحية القرايا يعني يقتلوني و منقراش و لا قريت منركزش لم اعلم السبب و هذا بالطبع صاحبه برود للاختبارات سوجي يتحط قدامي منخممش اصلا نجاوب سؤال ولا اثنين و نخرج نروح نرقد كنت نحب نبكي نشوف الغاشي كامل يحل و نا السيال منحركوش
حسيت تاع صح بلي انا مكان والو فااشلة لدرجة يسقسوني دارنا خدمتي ول نبدا نبكي ننفجر
الحمد لله على كل حال فاتو الاختبارات اليوم اخر يوم و انا كلي ارادة اريد التغيير و كان شعلة وضعت في صدري اريد تغيير كل شيء رح نحفظ كلش و نراجع كل النقائص قبل العطلة يعني فالاسبوعيين الاتين
ديسمبر وعدي لنفسي سيكون نقطة تغيير الضربة لي متقتلكش تقويك ياك رح نتحدى روحي و نثبت لروحي بلي انا منيش فاشلة
من سيكون معي في تحدي ديسمبر لي رح يكون نقطة تحول للجميع ان شاء الله للخير
ماشي انا لي يستهزء و يهان بها وعد الحر دين حتا ولو نفشل الف مرا منستسلمشش

[kimjia]

جميل جدا اصراركي موفقة باذن الله نصيحة الوحيدة هي التزمي بروتين دراسي لكي لا تملي

[karlita]

المشاركة الأصلية كتبت بواسطة kimjia

جميل جدا اصراركي موفقة باذن الله نصيحة الوحيدة هي التزمي بروتين دراسي لكي لا تملي

حسنا شكرا على النصيحة

[اللهم ارزقني عفةمريم]

سلام عليكم*
والله ياختي حسيتك تهدري عليا نفس المشكل بصح كيما قلتي نعوضوها في هذا لعطلة ان شاء الله وانا معي نبدا من صفر*
شعاري لدرتوو صامدون حتى نهاية 😎😎

[أمل أميرة]

والله ياختي دائما نشارك فالتحديات لكن سرعان ما يفشلو نغيب نهار ديجا مانلقاش الموضوع اصلا اي ان واحد مايشارك فيه لكن بما انك قلتي وعد مارحش تفشلي وتستسلمي ساكون منافستك

[karlita]

المشاركة الأصلية كتبت بواسطة أمل أميرة

والله ياختي دائما نشارك فالتحديات لكن سرعان ما يفشلو نغيب نهار ديجا مانلقاش الموضوع اصلا اي ان واحد مايشارك فيه لكن بما انك قلتي وعد مارحش تفشلي وتستسلمي ساكون منافستك

حسنا ماهي خطتك الاسبوعية يعني وليس اليومية لانه لا يساعدني ان اكون كل يوم في المنتدى ساتحداك و اضاعف المجهود:d:d

[karlita]

المشاركة الأصلية كتبت بواسطة اللهم ارزقني عفةمريم

سلام عليكم*
والله ياختي حسيتك تهدري عليا نفس المشكل بصح كيما قلتي نعوضوها في هذا لعطلة ان شاء الله وانا معي نبدا من صفر*
شعاري لدرتوو صامدون حتى نهاية 😎😎

ان شاء الله اختي انها شرارة عدم قبول الفشل

[أمل أميرة]

درت برنامج قلت الشهر هذا باذن الله لازم نكمل فهم كل داروس المواد العلمية ونحفظ كل مصطلحات وتواريح وشخصيات الاجتماعيات تاع الوحدة الاولى ونحفظ شريعة ودروس وحدة 1 في اجتماعيات ونحفظ بعض من قواعد الانجليزية ونراجع فرنسية ونفهم منهجيات الفلسفة جيدا باذن الله لكننننننن مابقيتش نتقيد بالوقت المهم الصباح ندير برنامج وملي نكملو هذيك هي مايهمش الوقت
مارايك كارليتا

[محٍبَة آلُِرٍحٍمآن]

انا قررت في هاذ الاسبوع نحل تمارين في الفيزياء تع المغني في 3وحدات الاولى ومن كتاب المراجعة النهائية والمات ايضا نحلها من كتاب المراجعة وزيد في الايام تع الفوط نحفظ المصطلحات والشخصيات والتواريخ تع الوحدة الاولى ونتعلم كيفاش نعين على الخرائط ونقول لكاش واحد يشدلي من العائلة ونحل علوم من كتاب الخارجي احمد خليفة ونحل تمارين تع الكتاب المدرسي

ايا هاكم تحدي من عندي لازم كامل نطبقوه مدة نهاية التحدي يوم الاحد الجاي

1-حفظ شخصيات وتواريخ ومصطلحات التاريخ والجغرافيا والخرائط لدرجة نحفظوها حفيظة
2-مراجعة مادة الرياضيات والفيزياء العلوم وحل اكبر عدد من التمارين
3-حفظ دروس الاسلامية والاجتماعيات ولازم واحد يشدلك من العائلة واحد يشدلك من العائلة اجبارية
4-حفظ الادلة واقوال الفلاسفة والفلاسفة والتدرب على مقالات في الفلسفة
5-مراجعة القواعد في مادة والانجليزية وحفظ اكبر قدر من الكلمات وشرحها بالعربية وبالانجليزية ونفس الشيء في مادة الفرنسية والتدرب على كتابة فقرة
6-حل تمارين الكتاب المدرسي في الرياضيات والفيزياء والعلوم
7-مراجعة مادة العربية من قواعد وحفظ بعض التعريفات فيها مثل الرابطة القلمية الشعر التعليمي ..الخ والتدرب على منهجية تلخيص النص

[karlita]

المشاركة الأصلية كتبت بواسطة أمل أميرة

درت برنامج قلت الشهر هذا باذن الله لازم نكمل فهم كل داروس المواد العلمية ونحفظ كل مصطلحات وتواريح وشخصيات الاجتماعيات تاع الوحدة الاولى ونحفظ شريعة ودروس وحدة 1 في اجتماعيات ونحفظ بعض من قواعد الانجليزية ونراجع فرنسية ونفهم منهجيات الفلسفة جيدا باذن الله لكننننننن مابقيتش نتقيد بالوقت المهم الصباح ندير برنامج وملي نكملو هذيك هي مايهمش الوقت
مارايك كارليتا

ساشاركك ببرنامج وضعته بمساعدة اختي المتحصلة على 15 في باكها
سابدئه هذا الاسبوع تحضيرا اما الاسبوع الاتي لاني رح نتغيب قبل العطلة باسبوع نتدارك وش نقائصي
نهارين لكل مادة حتا يبدا الفصل الاول يعني مام المواد الادبية النهار لول نحفظ و نفهم والثاني نحل و هكذا
ساجعل يومين لكل مادة يعني يووم كااامل من 8 حتا 7 مساءا نفهم دروس و نكتب بيدي علوم نعاود نشاطات الكتاب و ندير على شكل اوراق منزظمة تساعدني على المراجعة في جانفي و افريل و اليوم الثاني تماارين نحل تمرين بكل مام التحليل كلش و نقارن مع التصحيح النموذجي من حيث الاجابة
نهارين فيزياء نهار مراجعة شاملة و نهار تمارين و نهارين رياضيات كيف كيف
امواد الادبية نلحق بيهم في العطلة كل يومين مادة صباح ملخص بيدي شاامل في الgايلة نشوف يوتيوب نفهم و فالليل نحفظ هكا مع كل مادة النهار الثاني نحل سوجيات هاك حتا نكمل كلش بنظام و تركيز
لعدتي احرار

[karlita]

المشاركة الأصلية كتبت بواسطة محٍبَة آلُِرٍحٍمآن

انا قررت في هاذ الاسبوع نحل تمارين في الفيزياء تع المغني في 3وحدات الاولى ومن كتاب المراجعة النهائية والمات ايضا نحلها من كتاب المراجعة وزيد في الايام تع الفوط نحفظ المصطلحات والشخصيات والتواريخ تع الوحدة الاولى ونتعلم كيفاش نعين على الخرائط ونقول لكاش واحد يشدلي من العائلة ونحل علوم من كتاب الخارجي احمد خليفة ونحل تمارين تع الكتاب المدرسي

ايا هاكم تحدي من عندي لازم كامل نطبقوه مدة نهاية التحدي يوم الاحد الجاي

1-حفظ شخصيات وتواريخ ومصطلحات التاريخ والجغرافيا والخرائط لدرجة نحفظوها حفيظة
2-مراجعة مادة الرياضيات والفيزياء العلوم وحل اكبر عدد من التمارين لازم عدد التمارين ما يكونش اقل من 20تمرين
3-حفظ دروس الاسلامية والاجتماعيات ولازم واحد يشدلك من العائلة واحد يشدلك من العائلة اجبارية
4-حفظ الادلة واقوال الفلاسفة والفلاسفة والتدرب على مقالات في الفلسفة
5-مراجعة القواعد في مادة والانجليزية وحفظ اكبر قدر من الكلمات وشرحها بالعربية وبالانجليزية ونفس الشيء في مادة الفرنسية والتدرب على كتابة فقرة
6-حل تمارين الكتاب المدرسي في الرياضيات والفيزياء والعلوم
7-مراجعة مادة العربية من قواعد وحفظ بعض التعريفات فيها مثل الرابطة القلمية الشعر التعليمي ..الخ والتدرب على منهجية تلخيص النص

تحدي جميل
انا تحدي تاعي لروحي نكمل ملخص الفرونسي لي بديتو و نحل 2 سوجي با
نفهم المناعة و نحل 2 تمارين مع حل ملخص للوحدة الثالثة
رياضيات نفهم النقائص لي عندي و نكمل سلسة مصطفاي للاسية
فيزياء نكمل الوحدة 2 و نبدا في 3
اجتماعيات تكملة مصطلحات الوحدة الاولى تاريخ و جغرافيا مع ملخص للدروس جغرافيا
ميهمش الكمية قد الافادة قليل و فيه الفايدة مينذاك
و انا نظامية اختي لعدتي احرار فاعتقد توقيت لازم يعود شارجي نص نهار على الاقل تديري بزاف صوالح يعني لازم اغتنام للفرص ديسمبر لازم نقفلو فيه كلش فات

[〆 بٰٰاولو 乄]

ربي يوفقكم خاوتي

[أمل أميرة]

صباح الخير اما بعد : " ان سقطت سبعا فانهض ثمانية "
برنامجي اليوم
مراجعة المتتاليات من الالف الى الياء + حل تمارين عليها ( رجعت للدوال مالصباح وانا معاها لقيت روحي ناقصة بزاف قالاستمرارية والعدد المشتق والرتوشات هذوك لي قليل واين يجو فالباك )
فهم درس فرنسية او حل موضوع او مراجعة من كتاب المراجعة النهائية
مراجعة فلسفة لا اعلم ماذا لاني لم اعرف لحد الان مالجديد فيها
+ ساشتري السلسلة الارجولنية + الخضراء للاستاذة بوسعادي ربما اراجع منها
نحن لها فاحلامنا بانتضارنا

[نـــورسين]

بالتووووووووووفيق نحن لها
برنامجي شبيه لبرامجكم ، بماني حرة قررت لما يلحق جاني يلقاني مكملة البرنامج كامل دروس المواد الاساسية علوم وفيزياء ورياضيات
ونمشي بالمواد الادبية بلي قدرت عليه ، على الاقل الفترة المقبلة تكون غير تمارين وسوجيات بالنسبة للمواد العلمية
الحفظ مازل مابديتيش راني نعاني معا الرقاااااد نرقد روطار ومنقدرش نوض بكري وزيد ريتم تاع القعدة تاع الدار مرات يفشل
حابة نبدا نحفظ باش نتنهى ومانكونش مضغوطة في اخر العام

[أمل أميرة]

المشاركة الأصلية كتبت بواسطة نـــورسين

بالتووووووووووفيق نحن لها
برنامجي شبيه لبرامجكم ، بماني حرة قررت لما يلحق جاني يلقاني مكملة البرنامج كامل دروس المواد الاساسية علوم وفيزياء ورياضيات
ونمشي بالمواد الادبية بلي قدرت عليه ، على الاقل الفترة المقبلة تكون غير تمارين وسوجيات بالنسبة للمواد العلمية
الحفظ مازل مابديتيش راني نعاني معا الرقاااااد نرقد روطار ومنقدرش نوض بكري وزيد ريتم تاع القعدة تاع الدار مرات يفشل
حابة نبدا نحفظ باش نتنهى ومانكونش مضغوطة في اخر العام

مام انا كيفك حرة وقاعدة فالدار بلوكيت الجامعة ومينداك نفشل ونتقلق وسرعان ما نرجع لنشاطي كي نتفكر نهار النتائج