اين انتم يا مهندسين

[sehamralin]

جوزت الباك انتاعي وراني حابة اندير هندسة معمارية في الحراش
بصح معرفتش اذا الخدمة مضمونة
وشكون خير نخدم عند الدولة ولا وحدي
اسكو الشهرية مليحة ولا لا لا
رجاءا ساعدوني مستقبلي راه بين ايديكم

[فوستر بيزيه]

بلا متعيط خويا ضرك نجوك


اولا : بما انو راك حاب التخصص فهذا يعني انك رايح تنجح فيه

ثانيا : حاب المعهد هذا يعني انو عندك امتيازات ...منها انو يقروكم الدكاترة وثاني حاجة الكتب والوسائل متوفرة

ثالثا: الله هو مقسم الأرزاق وهو الضامن

رابعا : نظن انو المهندس مكاش عندو بزاف خدمات عند الدولة لكن هي متوفرة ، انك تخدم عند روحك او عند مكتب دراسات

بالصح بما انك حاب المعهد فهذا بفتحلك فرص اوفر للعمل ..

خامسا : تابع للنقطة الثالثة ، اذا كنت تخدم عند الدولة معلاباليش شحال يخلصوا ، اذا كنت تخدم عند روحك نتا وقفازتك ولي بروجي اللي تخدمهم.

سادسا : مستقبلك بين يدي الله مش بين يدينا


سابعا : صحا فطورك سلام

[lalib40]

في الهندسة المعمارية ليماخدمش عند روحو ماهوش مهندس معماري

[lalib40]

عند الدولة تخدم في الادارة

[وسام910]

je vous souhaite un bon courage

[Sun girl]

اقرا وممباعد خمم في الخدمة

[اريسطوا]

والله شئ غريب ...........السيستام تبدل يلزم 7 سنوات باش تدي مهندس معماري 2سنوات تحضيري الله يعيشك 2020 ثم اهدري على الخدمة ولا سلمتي عوامك نورمال....اقراي بعدها يفرج ربي..كل وقت وقتو كي كنا نقراو في الجامعة كان المهندس المعماري عند الدولة يخلص 9000دج واليوم راه يخلص35000 وفي 2020يولي يخلص 180000دج

[المبدع17]

نصيحتي اخطيك منها هندسة مدنية خير ...