الطفل الاكبر من 5سنوات

[afnan samir]

*الطفل الاكبر من 5 سنوات*

ـ ┛━━━🍃☯♏🍃━━┗

⭕️ لكل أم عندها ولد أكبر من خمس سنين

⭕️ الموضوع ده جالى في الرسايل أكتر من مرة

أمهات بتشتكي من سلوك أولادها العنيف في البيت,

⭕️ ومع الحوار مع الأم بكتشف إن
🔸الولد محبوس في البيت
🔸ومبيخرجش تقريبا

❇ والحجة مفيش وقت وضغط المذاكرة والدروس والمجاميع ولكل أم عندها ولد

✴ أمي دايما كانت تقولى مفيش صبيان بيتربوا في البيوت
القعدة في البيت وحشة للولد

❇ولد يعنى لازم يخرج من البيت
🔸أنشطة رياضية
🔸أنشطة حركية,
🔸أنشطة اجتماعية

ومحدش يقول مهو بيروح المدرسة❌
🔸كلنا عارفين المدارس فيها إيه
حصص الالعاب مبقتش موجوده تقريبا
⭕والاولاد محبوسين في الفصول ومربوطين في الكراسي عشان يلحقوا يخلصوا المناهج المتكدسة واللي فوق طاقتهم

❇ في أيام المدارس المفروض الولد يخرج من البيت يومين في الاسبوع
⭕️ خميس وجمعة او جمعه وسبت

ولو زنقت أوى يبقى أقل حاجة يوم في الاسبوع

⭕لو مخرجش بقى يبقى فيه مشكلة فعلا

❇ وفي الاجازة أقل عدد خروج المفروض تلات أيام في الأسبوع
(دا أقل شيء)
👌🏼والأفضل طبعا انه يخرج كل يوم

❌ومحدش يقولى مهو بيخرج عشان يروح الدرس
لأن الدروس والمجاميع خنقة وعبء نفسي مش خروج ممتع

*طيب إيه الأنشطة اللي يشترك فيها الطفل❓*

❤حلو جدا جدا ان الولد يلعب رياضة
اى رياضة يحبها ويمارسها وهو مبسوط

🔸الهدف من الرياضة مش أنه يتفوق فيها ولا ياخد حزام بنفسجي ولا يتنافس على ميداليات ولا ياخد مراكز في اي حاجة
لا خالص , وبلاش نركز في موضوع الميداليات والجوايز ده خالص عشان لو الطفل محبش الرياضة ومتفوقش فيها منحبطش ومنحبطهوش

⭕️ اللي بيتفوق في رياضة وبيتميز فيها بيبقى من نفسه وعشان بيحب الرياضة دي
واحنا دورنا نساعده ونشجعه

⭕️ احنا بنخلى ولادنا يمارسو الرياضة عشان نموهم وصحة أجسامهم وعشان توازنهم النفسي

❇الرياضة ضرورية جدا في تكوين الجسم والعقل ومهمة للصحة النفسية للطفل

👌🏼خليه يلعب الرياضة اللي يحبها واذا اتنقل ما بين اكتر من رياضة وغير نوع الرياضة اللي بيمارسها يبقى زي ميحب خليه يجرب كل حاجة المهم ميسبش الرياضة عشان لياقته

✴ الكشافة
يبقى حظه حلو جدا لو الولد لقى فريق كشافة يشترك فيه
الكشافة نشاط رائع جداجدا للاولاد وبيغرس فيهم قيم تربوية رائعة

⭕️ وكمان ممتعة جدا ومسلية
⭕️ وبتعلم الطفل الاعتماد على النفس

الكشافة كمان تنفع اوى للبنات كمان

فرق الكشافة بتبقى في مراكز الشباب او المدارس او بعض النوادي

⭕️ وممكن لو عاوزين تعرفوا مكان اقرب فريق كشافة دوروا على موقع او رقم تليفون الاتحاد العام للكشافة والمرشدات واستفسروا منهم ازاى تعرفوا مكان اقرب فريق كشافة من منطقتكم

⭕️ لان كل فرق الكشافة لازم تكون مسجلة في الاتحاد
و مكانه في ميدان رمسيس شارع الجلاء جنب مستشفى السكة الحديد
لو مغيروش مكانه يعنى ان شاء الله

✴ المكتبة العامة
دوروا على أقرب مكتبة عامة ليكوا وخلوا الولد يشترك فيها
فيها انشطة واماكن للقراءة وكمان استعارة

على حسب معلوماتى القديمة شوية
المكتبات كانت بتبقى في مراكز الشباب وقصور الثقافة

✴ المسجد
مهم جدا الولاد يتعودوا عالمسجد من عمر ست سنين

بابا ياخدهم في الصلاه مره مرتين في الاسبوع ويزيدوا كل ما الطفل نضج وبقى فاهم
لحد ما يتعود يروح لوحدة لما يكبر

⭕️ وياريت الناس اللي في المسجد ميزعقوش للاطفال ويبقوا حنينيين ويفهموا اننا بنحبب ولادنا ونعودهم عالمسجد
وان كل حد يبزعق للاطفال ويخضهم ويكررهم في بيت ربنا
حسابه عند ربنا

✴ اللعب بحرية
فيه أمهات بيخافوا جدا من اختلاط أولادهم بالاطفال التانيين عشان بيكتسبوا منهم الفاظ او سلوكيات غلط

⭕️ الموضوع محتاج توازن, يعنى مينفعش نحرمه من حاجة ضرورية ومهمه في تكوين شخصيته عشان هيجيله بعض الاضرار منها

⭕️ الطفل وهو صغير بسيبه يلعب في الرمل عالبحر او في الحديقة وانا عارفه انه ممكن يحط ايده في بقه وممكن يجيله جراثيم منها وممكن يحط الرمل في عينه
وممكن وممكن وممكن

⭕️ لكن لازم اسيبه يعيش حياته عشان يتربى طفل سوي منطلق مستكشف
⭕️ اى حاجة في الدنيا ليها جوانب ايجابيه وجوانب سلبيه
فانا بوازن الامور وبقوم السلبيات وبستفيد من الايجابيات

👌🏼لكن مبحرمش الطفل من حاجات ضرورية لنموه وتكوين شخصيته عشان خايفة عليه بزيادة
🔸لا جمدي قلبك ومتحرميهوش وربي والله هو الحافظ

❇ الولاد بداية من سن سبع تمن سنوات محتاجين يبقى لهم أصحاب وشله يلعبوا معاهم
دا سن اللعب الجماعي

⭕️ الطفل مبتتكونش شخصيته الاجتماعية صح الا لما يندمج في شلة ويبقى عضو فعال فيها

❌ومفيش أي تعليم في الدنيا ممكن يقدمهوله الاب والام هيعوضه عن الحاجات اللي هيكتسبها بالاختلاط والتفاعل مع الاقران والشلة

⭕️ نمو ونضج عقلي واجتماعي مش هيوصله الطفل الا بالصداقة واللعب مع الاولاد والتفاعل
والتنافس والخناق والتصالح بعيدا عن تدخلات الكبار
من الاخر كده
العيال بيربوا بعض

⭕️ دا غير ان الطفل لازم يختبر التربية اللي اترباها في البيت واللى علمهوله ابوه وامه مع اصحابه

وهنا بتظهر فعلا اخطاءنا في التربيه مع اولادنا

هل الطفل هيعمل الصح اللي اتربى عليه ولا الغلط لو صحابه قالوله يعمله❓

👌🏼لازم تربيتنا تختبر
ومش ممكن هتختبر الا بعيدا عن الأوامر الصارمة وفي وسط الاقران (الاصحاب- الشلة)

❇ في وسط الشلة والاصحاب بيظهر الطفل المتميز القائد
وبدون شله مش هتظهر مواهبه ولا هنعرفه

⭕️ وكمان بتظهر شخصية الطفل المخترع اللي بيخترع العاب

⭕️ وكمان بتظهر عيوب الشخصية
الطفل المنقاد ,
الطفل الأنانى,
الطفل المتنمر (البلطجي) ,
الطفل اللي بيفسد كل لعبة يدخل فيها

❇ الكلام ده كله مينفعش يتعمل في المدرسة , لأن مجتمع المدرسة بقى مجتمع ضاغط وفيه قيود صارمة مبتسمحش للاولاد يعبروا بحرية ولا يلعبوا بتلقائية

👌🏼أهم حاجة في اللعب الجماعي مع الاصدقاء هو احساس الاطفال انهم عندهم حرية

⭕️ محدش بيفرض عليهم يلعبوا ايه ولا ازاى

⭕️ محدش بيتدخل كل شوية وسطيهم ويرشدهم ويقومهم

🔸حتى لو اتخانقوا لازم نسيبههم يتصالحوا ويحلوا مشاكلهم لوحدهم
.

✅ نعم للرقابة من بعيد
❎ لا للتدخل المباشر


✴ يخرج الطفل فين❓
- فين دي اللي تحددها كل اسره
لان كل اسره ليها ظروفها الخاصة, واللي ينفع لحد مينفعش للتانى

❇ الخيارات المتاحة إيه؟؟
دورى في حدود منطقتكم
➖نادي
➖مركز شباب
➖حديقة مفتوحة
➖ساحة آمنة بعيد عن السيارات الولاد بيلعبوا فيها كورة
➖المهم مكان مفتوح يلعبوا فيه

⭕️ بعض الناس ممكن تنزل ولادها الشارع أو الحارة
تمام جدا لو تحت عنيكي وواخدة بالك وبتراقبيهم من الشباك.

✴ ملحوظة مهمة جدا جدا
ابنك ميلعبش مع أولاد أكبر منه خالص❌
يلعب بس مع القريبين منه في السن✔
👌🏼آخره بس أكبر منه بسنة بسنتين مش أكتر
.
#سامية_أحمد
#سيبوهم_يلعبوا
.
- - - - - - - - - - - - - - - - - - -
كتبته/ أ.سامية أحمد

💞 🍃♏🍃💞

━━━━━━━━