الى المهندسين المعماريين: بدي تصميم منزلي لمنزل طوله 15 متر وعرضة 9 امتار

faty203 · 2013-07-26, 04:26

السلام عليكم
من فضلكم بدي تصميم منزلي لمنزل طوله 15 متر وعرضة 9 امتار
بدي فيه قراج للسيارة ودروج للسطح بدي الدرج يكون داخل البيت يا اما في الهول ويا اما في مدخل البيت وكوزينة تكون مفتوحة على الحوش وتكون كبيرة وواسعة و 4 غرف غرفة للضيافة الخاصة بدي ياها تكون في مدخل البيت ومقابلها طوالات صغيرة من شان الضيوف وبدي غرفة عامة وغرفة للاطفال وغرفة للزوجين وحمام كبير يسع لوضع الحوض
مع العلم انو قطعة الارض محصورة من الثلاث جوانب بمنازل اخرى الا الواجهة الامامية فقط مما صعب عليا وضع تصميم حسب رغبتي اتمنى تساعدوني بلييييييييييييييز
وجزاكم الله خير

رجل الاحلام الحزين · 2013-07-26, 10:34

ان شاء الله ، راح نحاول
قليل من الصبر فقط

رجل الاحلام الحزين · 2013-07-26, 10:43

الواجهة الحرة 15 و لا 9 ؟

faty203 · 2013-07-27, 23:32

مرسي رجل الاحلام الحزين
العرض بتاع الارض 9 متر هي الواجهة التي تكون فيها الباب يعني قطعة الارض جاية على الطول
والله غلبتني هههههه اتمنى انك تساعدني مرسي كثير لانك بتحاول

رجل الاحلام الحزين · 2013-07-28, 01:42

ان شاء الله في اقرب وقت نتعاودو ،، ^^

رجل الاحلام الحزين · 2013-07-28, 09:34

صحا اختي ، ماسقسيتكش ،، هادو كامل تحبيهم في الطابق الارضي فقط ؟ ؟
تقريبا مستحيل الطابق الارضي يضم هادو كامل ،،

faty203 · 2013-07-28, 23:39

معليش خويا الى الطابق العلوي معليش نشوفو كيفاش

رجل الاحلام الحزين · 2013-07-29, 00:11

في الحالة هادي الطابق العلوي ضروري جدا ،، هكا نقدرو نقسمو الوظائف الى 2
طابق ارضي و يكون استعاله نهاري اكثر منه ليلي ، تجمع العائلة ،، الضياااف ،، الحركة ،
و الطابق الاول نقدرو نقولو هو مكان خاص بالعائلة فقط ، و مكان مخصص للراحة فقط

faty203 · 2013-07-29, 00:42

مرسي ليك انا في انتظارك ربي يحفظك خويا بزااااااااااااااااف ويعطيك ما تتمنى

رجل الاحلام الحزين · 2013-07-30, 10:16

السلام عليكم ،،
اختي تيليشارجي لفيشي هادا
https://www.mediafire.com/?odaowssobaq94gu
.+.-.
و ان شاء الله نكون فدتك ، حتى انا راني مازلت طالب ، زيدي شوفي مع مهندس معماري يفيدك اكثر

faty203 · 2013-07-30, 11:37

مرسي ليك كثير اخي انت طالب صح بصح والله عجبني التصميم مي فيه غلطة نورمالمو 9 امتار هي الي حرة الي يكون فيها مدخل البيت والقراج بس من خلال التصميم حسيت انك عملت العكس
على العموم جزاك الله كل خير والله فرحتني بالتصميم كثير وجاني على القوسطو فيما يخص اخطاء الاطوال راح نحاول نتداركها وحدي
ربي يوفقك خويا في قرايتك ويعطيك ما تتمنى انت من الان بامكانك العمل ماشاء الله تبارك عليك ربي يحفظك
لوكان نبق لغدوة نشكر مش راح نوفي ربي يعطيك ما تتمنى مرسي كثير

رجل الاحلام الحزين · 2013-07-30, 12:04

9 متر هي الواجهة الحرة :/
اسمحيلي بزاااف >_<
اممممم ، راح يتبدل التصميم كامل ،،

رجل الاحلام الحزين · 2013-07-30, 12:15

نورمال الاخت ، غلطة و صرات p:
ماعليش ، راح نعاود ، و اذا كان عندك اي افكار و لا حوايج حابة ديريها قوليلي

faty203 · 2013-07-30, 12:26

معليش خويا ربي يخليك
حسبتها ساهلة قلت نبدل وحدي من قبيل نبدل والله مالقيت روحي
المشكلة في القراج كان حطيتو ما تلقاش الطوالات وين تكون معليش ومانقدرش نحي القراج بويسك الطوموبيل وين نحطوها ؟؟ وكان دخلت الطوالات الداخل مش حابة البراني يدخل حتى الداخل عاوني بافكارك الى عندك فكرة تعيش
المهم ديرليا التحتة قراج وصالون وطوالات وكوزينة وشمبرة نتاع نوم والباقي هول مايكونش فيه البيبان بزاف باش تكون فيه القعدة العامة والدرج والطابق العلوي ربي يسهل مش مشكل من بعد يبقاو غير شنابر وين جاو يجو نقدر نعمل حتى ليبالكون من بعد
اسمحلي راني نتعب فيك معايا

رجل الاحلام الحزين · 2013-07-30, 12:32

لا لا طوالات الضياف مش مشكل ، عندها بلاصتها ،
و الغرف يكون افضل لو تديريهم لفوق ،،
لانو المشكل تاعنا دوكا التهوية و الاضاءة الطبيعية ، و احسن حل للمشكل هو نديرو الغرف لفوق
و لتحت نديرو الصالون و كوزينة و هول يكون هاداك مكان تجمع العائلة