اجمل بوقلات اعقد ونوي

أاسماء يبدة · 2011-10-01, 13:46

انا اليوم جمعتلكم مجموعة من البوقالات وكل ما عليكم فعله هو عقد النية على شخص معين او حدث منتظر بعدها

ا

اختاروا من 1 الــــــى 27

اختاروا قبل النزوووووول

/
/
/
/
/
/
/
/
/
/
/
/
/
/
/
/
/
/
/
/
مزال شويا

/
/
/
/
/
/
/
/
/
/
/
/
/
/
/
خلاص خطارتوا رقم ايا شوفوا بوقالتكم واش تقول

/
/
/
/

بسم الله بديت...... و على النبي صليت ..... يا ربي كملي واش نويت

1-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني

2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

3-مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو

ما في مين يعلى عليا

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

5-قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي

لي تسيل؟؟؟

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى

بلا بيك... لوجه ربي... راضينا وراضى علينا

7- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة

....تروح وين تروح... بصح تعيا ترجع ليا ونرد لقلبك الحريقة

8-ما ناكلش من جنان الجنة لو يشهيني ....وما ناخذش الشيخ ولو يغنيني...ناخذ الشباب

بيض ولا سمر ...المهم هولي يملالي عيني

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب

نشرب لا نروى... وكلامو من عسل ...غير نذوق نشفى

10-انت سبيبط.... وانا خويط فيك.... انت سنيسلة.... وانا خمسة تحميك... انت خويتم

وانا حجرة تبهيك ...وين تروح تلقاني وغير انا لي نديك

11ـ هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

12 لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى. ـ

13ـ رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

14ـ مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلي استشفى في

15 يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

16ـ ديديويا..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

17ـ الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوبـ.

18ـ خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة

19ـ ـحوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

20 يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

21 ـ محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

22 ـ جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .

23 ـ جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاهي و سلطاني.

24 ـ امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ .

25 ـ نبعث لكم دموعى في مشوار ازرق ، و نبعث كلامي في برية تحرق ، ما ننساك يا ناسى بحق مكة و بلاطها لزرق.

26ـ سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعيا و يحن ، وتتعمّر النافورة ، ونعودوا لزمانا
كيما كنا

27ـ خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ،
قالى : روحى لدارك تصيبيها قدّامك .

كل واحد يقول لي فاله
(منقول)

maram46 · 2011-10-01, 16:55

شكرا على هده المجموعة تاع البوقالات الجميلة. أن فالي كان 8.
ما ناكلش من جنان الجنة لو يشهيني ....وما ناخذش الشيخ ولو يغنيني...ناخذ الشباب

بيض ولا سمر ...المهم هولي يملالي عيني

novateen · 2011-10-01, 18:24

شكرا على البوقالات الرائعة

أاسماء يبدة · 2011-10-02, 11:24

اقتباس:

المشاركة الأصلية كتبت بواسطة maram46

شكرا على هده المجموعة تاع البوقالات الجميلة. أن فالي كان 8.
ما ناكلش من جنان الجنة لو يشهيني ....وما ناخذش الشيخ ولو يغنيني...ناخذ الشباب

بيض ولا سمر ...المهم هولي يملالي عيني

أاسماء يبدة · 2011-10-02, 11:25

اقتباس:

المشاركة الأصلية كتبت بواسطة novateen

شكرا على البوقالات الرائعة

المهذبة · 2011-10-02, 11:56

15 يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

شكرا على البوقالات

أاسماء يبدة · 2011-10-02, 13:04

اقتباس:

المشاركة الأصلية كتبت بواسطة المهذبة

15 يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

شكرا على البوقالات

fatma88 · 2011-10-02, 15:34

ـ مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلي استشفى في

أاسماء يبدة · 2011-10-02, 15:46

اقتباس:

المشاركة الأصلية كتبت بواسطة fatma88

ـ مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلي استشفى في

ANWAR 11 · 2011-10-02, 18:26

مشكورة على البوقالات الرائعة..............تفضلوا بعضا منها

1- سمرة و مسرارة و الله غير نديها يا لوكان تقول لالا
2- جاني حب الملوك ملفوف في وراقو و قالي حبيب قلبي نموت و لا نتفارقو
3- لسمر يا لسمر يا اللي عايروني بيك اذا انت سلسلة انا كتيب فيك و اذا انت خاتم انا فصيص فيك ندابزوا عليك و اللي تغلب تديك
4- قالوا ما قالوا قولهم راه وصلني و الله ما فيا حتى شي دوني غير على زهو الدنيا الناس حسدوني
5-انت وردة في الكاس و انا عليها عساس انا نديك واش راحلي في الناس
6- حبوا يبكوك و يستشفاو فيك حسدوا الضحكة اللي في عينيك نساو بلي حتى و انت حزينة شابة خموس و جبريل عليك
7- عينيك توت و احواجبك ياقوت انا نديك و اللي يحب يموت يموت

نسرين 16 · 2011-10-02, 19:50

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب

شكرااااااااااااااااااا

ANWAR 11 · 2011-10-02, 20:20

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

اللهم صلي و سلم على سيدنا و حبيبنا محمد عليه افضل الصلاة و السلام
رااااااااااااااائعة..........شكرا أختي

gana · 2011-10-04, 14:02

19ـ ـحوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

2011-10-04, 17:49

3-مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو

ما في مين يعلى عليا