ظهرت الحقيقة و جاءت الفرحة ..............الله أكبر

[aekader]

الله أكبر


اللهم لك الحمد على ما رزقتنا


هذا المنتخب الجزايري , و ليصمت كل المتخاذلين ونتمنى أنكم ماتفرحوش بهذا الإنتصار يا متخاذلين

كيفاش تفرحو بالفريق يوم أم درمان و أقمتم الأفرا ح و الليالي و الملاح , و بمجرد الهزيمة أقولها بين قوسين بدأتم السب


و الشتم من المدرب إلى آخر لاعب ...............................................( هذا وقت الصح كلام سعدان صح x صح)


و البقية قادمة إن شاء الله.

[aekader]

اللهم لك الحمد اللهم لك الحمد اللهم لك الحمد

[إيمان1993]

[رملاك]

الحمد لله ان شاء الله التاكيد أمام أنغولا و التاهل
أمين يا رب

[aekader]

يا خوتي هذا درس لازم ناخذو منه عبرة


معاك يا الخضرا إلى نهاية المغامرة

[رفيق سلطاني]

123 فيفا للجيري123 فيفا للجيري

[منصور المختار]

و ليصمت كل المتخاذلين

[نورالدين17]

الحمد لله على هذا الفوز................

[أبو محمد الشرشالي]

قلناها و نزيدو نعاودوها

للجماعة اللي تتأثر بالعاطفة و يطيحلهم المورال بسرعة و خاصة للناس اللي مازلها تتفرج على إعلام التفاهة تاع مصر و الشكامين تاعو + جرائد النفاق و الشرور و الليل تاعنا صايي كانو غير في الأخبار التافهة تاع المشاكل أصبحو في ثواني يفهمو البالون و يمنشرو في الشيخ سعدان و يقولولو دير هاكا و ماشي هاكا و عندو سعدان مليون حق لما رفض الحديث للصحافة التافهة.

سي نورمال الفرق الأفريقية المتأهلة للمونديال تصرالها مشاكل في الدور الأول تاع الكان و السبب الرئيسي هو استحالة التحضير الجيد للمنافسة بعد المجهود الكبير في التصفيات و تبعو الكاميرون و نيجيريا و كوت ديفوار و الجمعة نشوفو ثان غانا مع كوت ديفوار.

لذلك فالمنتخبات الكبيرة تدرس الوضع مليح في الدور الأول و تقرر تكمل و لا لا و كله ذاخل في التحضير الجيد للمونديال و هي فرصة كبيرة للتألق و إبهار العالم بأسره و ليس افريقيا فقط ، و إذا بغات تكمل تظهر بقوة في الدور الثاني و هو ما نتمناه للجزائر بعد أن نربح ماتش أنغولا الإثنين الجاي إن شاء الله.

أما المنتخبات اللي ما طلعتشي للمونديال و اللي فارغة شغل فهي تجد دورة أنغولا فرصة مليحة و تجبد قلبها باش دير الماكسيموم و هذا يكفيها.

يا ولاد الخضرة بركونا من هدرة القهاوي و ديرو الكونفيونس في الشيخ سعدان اللي مهما يكون راهو حققنا بفضل الله حلم غالي كثير و هو المشاركة في مونديال جنوب افريقيا 2010 و خصوصا نحن الفريق العربي و المسلم الوحيد في أقوى منافسة كروية في الكون.

تحيا الجزائر

[aekader]

خويا - أبو محمد الشرشالي - أوافقك على مل ماقلت هذي واه هدرة

حاجة أخرى توقيعك يا خويا العزيز قمة

أن شاء الله الفوز قادم على أنغولا