المتربصون الجدد 2015

[rachidsystem34]

احنا تاني قالونا جيبوا المئزر

[samar14]

هل بقيتوا عام حتى كملتوا التربص و من بعد ثبتوكم و لا كيفاش فهمونا الان نمضوا محضر التنصيب ام كيف الاجراءات من فضلكم و شكرا

[Adnou Eclypse]

تكوين لمدة 15 يوم ، من 8 حتى 14 . المئزر اجباري و قالوا في نهاية التربص كاين امتحان ، لازم تنجح و لا يفصلوك
مهم، انا نشوف فيها تمسخيرة برك ، كيفاه حنا اختصاص فرنسية لكن التكوين بالعربية

[adel sport]

السلام عليكم ا
نجحت في العليم مي شهادة الاقامة معنديش وراني حاير واش ندير

[Mima Imene]

السلام عليكم و صح فطوركم حبيت نسقسيكم انا نجحت في المسابقة و لم ادهب اليوم للتربص و انا لا اريد اصلا العمل فقط شاركت في المسابفة على خاطر الوالدين و معرفتش كيفاش ندير باش نبطل و مانروحش نخدم مع العلم انا متزوجة و متفاهمة مع راجلي بلي ما نخدمش و شكرا

[شافعية]

الله يهديك ياختي نسال الله لكي الخير وان لا تندمي بعدما جائتك فرصة ذهبية الكل يريدها استخيري ياهداك الله

[rachidsystem34]

المشاركة الأصلية كتبت بواسطة mima imene

السلام عليكم و صح فطوركم حبيت نسقسيكم انا نجحت في المسابقة و لم ادهب اليوم للتربص و انا لا اريد اصلا العمل فقط شاركت في المسابفة على خاطر الوالدين و معرفتش كيفاش ندير باش نبطل و مانروحش نخدم مع العلم انا متزوجة و متفاهمة مع راجلي بلي ما نخدمش و شكرا

ربي يمد لحم لي معندوش سنين
لكن من ناحيه اخري زهر الاول في الاحتياط

[issra]

المشاركة الأصلية كتبت بواسطة samar14

هل بقيتوا عام حتى كملتوا التربص و من بعد ثبتوكم و لا كيفاش فهمونا الان نمضوا محضر التنصيب ام كيف الاجراءات من فضلكم و شكرا

على حساب الشهادة نتاعك، اذا كنت ليسانس او ماستر
اولا راح تبداو التكوين في الصيف من بعدو يمدولكن شهادة التكوين الصيفي، في نهاية التكوين راح يمدولكم اوامر بالالتحاق كل واحد للمؤسسة لي راح يتعين فيها وبنسبة كبيرة راح يبعثوكم للبلديات والدوائر مايش في السونتر فيل
بعد مدة قصيرة راح تستلمو التعيينات باسكو التعيينات يخدموهم بعد نهاية التكوين باش يقصيو الناس لي ما التحقتش
راح تتسلمو تعيينات بصفة متربص هذا لحاملي شهادة الماستر اما شهادة الكلاسيك راح يستلموها كمستخلف على منصب شاغر لمدة سنة.
في العام الثاني يبدأ الترسيم بالنسبة للمتربصين على حساب المفتش كان لي يجي في بداية العام وكان مع الوسط وكان في نهاية العام، اما حاملي شهادة الليسانس راح يجريو امتحان في ماي ( العام الاول) وفي العام الثاني راح يستلمو تعييناتهم كمتربصين حتى العام الثالث باش يبدا ترسيمهم
جماعة الليسانس راح يخدمو عام كمتعاقدين لانهم قراو باك +4 والعام هذاك راح يكملوه الخامس لأن الوظيف العمومي يشترط باك + 5 لاساتذة الثانوي، اما أساتذة الابتدائي والمتوسط راح سيتلمو تعيينات كمتربصين في العام الاول مباشرة

[issra]

المشاركة الأصلية كتبت بواسطة زوجة الغول

حنا تاع العام لي فات في خنشلة لا مذكرة لا والووووووو
قرينا صح العطل الثلاثة ومن بعد بعثولنا وراقي بلي كملنا التكويييييييين فقط

معناها انت أستاذة في المتوسط او معلمة ابتدائي، لانو الثانوي هو لي يشترط المذكرة والامتحان لاصحاب الليسانس

[issra]

المشاركة الأصلية كتبت بواسطة mima imene

السلام عليكم و صح فطوركم حبيت نسقسيكم انا نجحت في المسابقة و لم ادهب اليوم للتربص و انا لا اريد اصلا العمل فقط شاركت في المسابفة على خاطر الوالدين و معرفتش كيفاش ندير باش نبطل و مانروحش نخدم مع العلم انا متزوجة و متفاهمة مع راجلي بلي ما نخدمش و شكرا

روحي للاكاديمي وديري تنازل عن المنصب، هكذا باش الاول للي في الاحتياط يعيطولو يشارك في التكوين، لانو لوكان ميعيطولوش بكري راح يتعطل في الملفات ويتعطل في تعييناته وحتى اجرته لا يستلمها مع البقية.
وفقك الله

[issra]

المشاركة الأصلية كتبت بواسطة adnou eclypse

تكوين لمدة 15 يوم ، من 8 حتى 14 . المئزر اجباري و قالوا في نهاية التربص كاين امتحان ، لازم تنجح و لا يفصلوك
مهم، انا نشوف فيها تمسخيرة برك ، كيفاه حنا اختصاص فرنسية لكن التكوين بالعربية

كاين 6 مواد راح تتكونو فيها،
كيما التشريع المدرسي وعلم النفس والاعلام الآلي والمناهج كلها مشتركة بين كل التخصصات راح تقراوها في أفواج مع بعض
لكن تعليمية المادة كل تخصص راح يقراها وحدو وراح يقريك مفتش المادة وأساتذة مكونين وراح تدرسها باللغة الفرنسية
.وفقكم الله

[riadbou]

حنا تاني ماكاين لا مدكرات لا والو

[mohamed 787]

نا نجحت في المسابقة لكني في مشكل عويص الا هو بطاقة تجنيد لان ليس لدي تاجيل من لديه فكرة لحل اكبر مشكلة في حياتي واجره على الله وشكرا اريد اجابة مقنعة

[issra]

المشاركة الأصلية كتبت بواسطة riadbou

حنا تاني ماكاين لا مدكرات لا والو

المذكرات والامتحان معني بيها الأساتذة الناجحون في الثانوي فقط والحاملي لشهادة الليسانس، أما أساتذة المتوسط والابتدائي ليسوا معنيين بهذا الأمر

[issra]

المشاركة الأصلية كتبت بواسطة mohamed 787

نا نجحت في المسابقة لكني في مشكل عويص الا هو بطاقة تجنيد لان ليس لدي تاجيل من لديه فكرة لحل اكبر مشكلة في حياتي واجره على الله وشكرا اريد اجابة مقنعة

أخي هناك تأجيل لمدة ستة أشهر يسمى بالتأجيل بسبب التوظيف، اتصل بمديرية التربية لولايتك واشرح لهم حالتك راح يمدولك وصل نجاح أو وثيقة تثبت نجاحك في المسابقة خذه لمكتب الخدمة الوطنية وهوما راح يمدولك تأجيل لمدة ستة أشهر بشرط أن لا تكون من العصاة.
التحق بالمؤسسة وامضي محضر التنصيب وأضمن المنصب نتاعك وكمل الملفات المطلوبة، بعد ستة أشهر هز كونجي بسبب الخدمة الوطنية بعد انقضائها ( عام) راح ترجع للمنصب تاعك، وربي يوفقك