استشارة من اجل ارض مستعجلة

[Ibtissem Bessouma]

السلام عليكم
احتاج محام في قضية مستعجلة زوجي اشترى قطعة ارض العام الماضي بعقد جماعي ولبارح كي راح يشوف الارض باش يبيعها لاننا لم نتمكن من بناءها شريناها بدين و مقدرناش نرجعوه و الكارثة الكبرى و الصدمة كي راح صاب واحد يبني فيها باعهالو نفس الشخص اللي باعلنا يعني هاذ الشخص باعلنا الارض لينا و عاود باعها لشخص ثاني وراه هارب راحلو زوجي حتى لدارو و مالقاهش المشكلة اننا ما عرفناش كيفاش نديرو و هل ممكن حقنا يرجعلنا ولا خلاص طفرت فينا و حتى هادا اللي راه يبني فيها ما حبش يسمح فيها قال لزوجي ندبرولك ارض اخرى و نمدوهالك و بيعها و رجع دراهمك لكن كيفاش نقدرو نضمنو بلي الارض اللي يمدوهالنا ماشي مبيوعة هيا تاني و نسمحو فلي شريناها و نديو اخرى ولا ما نسمحوش فيها مهما كان.
من فضلكم اريد محامي يرايي علينا واش نديرو والله رانا في ضيق يعلم بيه غير ربي

[شكيب خان]

السلام عليكم
اريد ان افهم ما معنى العقد الجماعي وكيف عقده ؟ حتى نستطيع تقديم المساعدة والسلام

[Ibtissem Bessouma]

المشاركة الأصلية كتبت بواسطة شكيب خان

السلام عليكم
اريد ان افهم ما معنى العقد الجماعي وكيف عقده ؟ حتى نستطيع تقديم المساعدة والسلام

والله يا اخي معنديش معلومات كافية و منفهممش فهاد المجال
نحاول نفهمك انا واش راني فاهمة هئي ارض كبيرة و اصحابها احوة على ما اظن وكلو واخد يبيعلهم الارض بعذما قسموها الى عذة اراضي هو يبيع و يربح معاهم و حنا كي باعلنا كتبلنا عند كاتب فقط و عقذ عرفي هدا واش علابالي
نتمنى نكون وضحتلك شويا

[شكيب خان]

السلام عليكم
اذا كان ركن الشكلية الذي هو ركن جوهري في البيع العقاري غير متوفر فهو باطل
وهذا ما نصت عليه المادة 12 من الامر 91 ــ 70 المؤرخ في 15 / 12 / 1970
يجب تحرير العقود التي تتضمن نقل العقار في الشكل الرسمي مع دفع الثمن الى الموثق
بمعنى اخر ـــ جميع التصرفات التي ترد على العقار يجب توثيقها والا كانت باطلة
نرجع الى الاستشارة :
تقولي ان قطعة الارض بيعت مرتين بطريقة عرفية معناه ان الشخص نصاب ومحتال هنا على الضحية الى ان يتوجه الى المحكمة لرفع دعوى النصب والاحتيال ضد البائع المحتال
واصدقك القول اذا كان فعلا نصاب مخترف فالأموال التي استلمها من الضحية يصعب استردادها لان لا توجد اداة الاكراه التي يمكن بواسطتها اجبار النصاب على استرجاع المال الذي اخذه بغير حق
فالخطأ يتحمله زوجك لأنه لم يستشر اهل القانون قبل ان يباشر في عملية البيع الباطلة من جذورها اصلا
اقترح على الزوج قبل ان يلجأ الى اروقة المحاكم ان يتصل بالبائع ويحاول بالطرق الودية ان يطلب منه استرجاع ثمن المبيع الذي اخذه منه بغير حق فإن انكر ورفض حاول ان تتصل بباقي الورثة واعلمهم بأنك اشتريت منه قطعة الارض وانك دفعت له ثمن المبيع لكنه رفض تسليم الارض بل اعاد بيعها لشخص اخر وقلهم انني اضعه امام خيارين اما ان يسلم الارض المشترات مع توثيقها واما ان يرد ثمن المبيع والا رفعت ضده دعوى النصب والاحتيال ،وادخل الورثة في هذا النزاع
بانهم كانوا على علم بما كان بقوم به ولم يمنعوه ـــ حتى تدفعهم لإيجاد حل قبل ان يتورطوا هم ايضا ــــ المهم كل شيء متوقف على الورثة اذا حاصروه يمكن ان تسترجعوا اموالكم اما اذا كان من النصبين المحترفين لا اكمل والسلام

[Ibtissem Bessouma]

بارك الله فيك اخي على الاجابة
المشكلة زوجي يعرف الشخص اللي شرى عليه و يعرف اصحاب الارض هذا هو السبب اللي خلاه يدير الثقة فيه.
سنعمل بالنصيحة و ان شاء الله يكون الخير

[nabil ofc]

المشاركة الأصلية كتبت بواسطة ibtissem bessouma

بارك الله فيك اخي على الاجابة
المشكلة زوجي يعرف الشخص اللي شرى عليه و يعرف اصحاب الارض هذا هو السبب اللي خلاه يدير الثقة فيه.
سنعمل بالنصيحة و ان شاء الله يكون الخير

الشخص الثاني لي شرا الارض بعدكم شراها بعقد موثق ولا عند كاتب عمومي ؟
على كل حال مثلما قال الاخ شكيب عقدكم باطل ليس فيه اي حجية ...الخ ما قاله اخ شكيب

[Ibtissem Bessouma]

المشاركة الأصلية كتبت بواسطة nabil ofc

الشخص الثاني لي شرا الارض بعدكم شراها بعقد موثق ولا عند كاتب عمومي ؟
على كل حال مثلما قال الاخ شكيب عقدكم باطل ليس فيه اي حجية ...الخ ما قاله اخ شكيب

الشخص اللي شراها ما مدلناش العقد نشوفوه فقط قال بلي شريتها و على نفس الشخص اللي باعلنا ورانا شاكين بلي ماشراش محبش يوريلنا العقد و ماحبش يسمح فالارض وراه كاين ناس واقفين معاه المهم الحالة تبان جد.معقدة و كأننا في مسلسل و اذا حتى يكون هذا الشخص شراها مستحيل يكون بعقد موثق

[Ibtissem Bessouma]

من فضلكم حبيت نستشيركم هل من الممكن ان نرفع دعوى ضده كاين بزااف ناس قالولنا ماترفعوش دعوى عليه علاخاطر ضيعو وقتكم فقط ما يديرولو والو و كاين تاني ناس قالولنا بىي نتوما ترجعو الخاسرين.
زوجي شاف محامي وقالو نحكملك القضية لكنها مطولة و نوقف البنيان لهذا اللي شراها و راه يبني فيها و زيد اللي باعلنا يدخل الحبس و من بعد كي سقسينا قالولو غير يكدب كا يقدر يدير والو والله رانا في حيرة كبيرة نشكيو بيه ولا لا واش هوما الاحتمالات اللي ممكن تصرا اذا شكينا بيه
وشكرا

[amine1962]

كما قال الاخ حاولوا حل المشكل بالطريقة الودية قبل مباشرة اي دعوة قضائية لانّ موقفكم ضعيف ، و لا تنسوا الله الخبير العليم القدير