مشكلتي البكالوريا

[مشكلتي]

السلام عليكم ورحمة الله خاوتي


خاوتي انا طالبة بكالوريا 2016
عمري 17 سنة
انا قبل ما تبدا السنة الدراسية 2015/2016 كنت دايرة في بالي بلي عام عادي كي لعوام و درت بزاف مخططات باش تسهالي الدراسة
جاز الفصل الاول نقدر نقول بلي مع نقص الدراسة تحصلت على اكبر معدل مع اني مدرستش مليح
كي وصلت عطلة الشتاء قلت هادي فرصة باش نعوض الدروس و نقرا مليح
لكن امنوني مقريت والو مع اني حابة نجيب الباك بمعدل جيد
وليت منحبش نقرا طول النهار وانا من التلفاز للانترنيت ومن القصاري منخرجش
عييت يا خوتي اعطوني حل
علاش وليت نشد كراساتي نحب نقرا و مبعد منقدرش مع اني نصلي وندعي ربي يرزقني سهولة الحفظ و الفهم
الاساتذة كامل يشهدولي بلي نحب نقرا و مجتهدة
الاساتذة عطاولنا واجبات لكن لا حياة لمن ينادي
هيهات هيهات و الله مينبا محاولت نحلهم

الفيسبوك بلوكيتو قلت نبعد عن النت لكن مقدرتش
خايفة لا تخلاص عليا كيما هاك و منجيبش الباك مع انو مزال مفاتش الوقت


انصحوني خاوتي واش ندير راني حايرة
اعطوني حلول تخليني نجتهد اكثر
حابة منكم تحفيز

[abdou aak]

السلام عليكم

عادي جدا بالنسبة للفيسبوك إستعملي برنامج fb limiter

لمنع دخولك للموقع طول المدة المختارة مع عدم إمكانية حذف البرنامج خلال هذه المدة

المفتاح هو تنظيم الوقت و تفكري بلي هذا العام هو مستقبلك

هو نتيجة لما درستي كل حياتك

+ راكي في أحسن حال مادامك الأولى

من درك الباك راو فالجيب و بمعدل جيد اديها من عندي


أنا فالباك تاعي بديت نقرا من الثلاثي الثاني فالثلاثي الأول عميتها خلاص

المات ديت فيها 6 فالإختبار الأول || خخخخ أتذكر أني في الوقت اللي جوزت فيه الإمتحان الأول أبسط دالة مانعرفش نحلها ,,


ووليت و قريت و عادي و تحصلت على الباك بمونسيون و الحمد لله



بالتوفيق

سلام

[toulay]

وعليكم السلام ورحمة الله تعالى وبركاته
دير في بالك النجاح فالباك وبمعدل مليح ان شاء الله
هي فالبداية صعيبة ومبعد او توالف خمم مين تنجح والفرحة لتحس بيها وتجيبها للدار علابالك انا نهار ديت الباك طرت بالفرحة
خمم بلي الباك راح يفوت في ايام برك ومبعد عندك صيف كامل راحة
يا اختي واش نقولك لقراية مليحة والنجاح اروع مالا اقرا مليح ومين تبدا تقرا دير القرآن هكذا باش تحس بالامان والراحة ومتكرهش وطيش عليك الكراس
مين تبدا مادة قول بلي لازم نكملها هكذا ترقد مرتاحة وتقول حمد الله تهنيت
courage برك او كل شيء يفوت
ربي يوفقك ان شاء الله وتجي تقولنا راني ديت الباك avec mention

[يسمينة الزهور]

إنشاء الله نجيبو الباك كامل يارب
أنا تاني راني كيما إنتي جازت العطلة وماقريت والو
بصح إنشاء الله في الفصل الثاني نجدو وربي يوفقنا إنشاء الله كامل

[AMINA.Z]

نصيحة من وحدة مجربة
اخطيك من التلفاز و الانترنيت ..انا في وقتي ماكانش الانترنيت في الدار هاكاك و ضيعت وقتي و ماجبتش في العام الاول المعدل اللي حبيت و تحتمت عليا و عاودت الباك احرار باه قدرت ندير واش حبيت
بالصح لحد الان مازلت نادمة على العام الاول اللي ضيعتو و كنت قادرة نقرا كتر
اتفكري الندامة اللي راح تحسي بيها
باه تفيقي و تولي تقراي
ما تقوليش نهز الكراس و ما نقدرش نقرا
حتمي على روحك
و ان شاء الله توالفي و تتوفقي في دراستك

[ايمان4]

عادي انا ف عامي مرضت الثلاثي الثاني و ما قرييتش خلاص بالصح الفصل الثاث حزمت الليالي البيضاء كل يووم تعبت صح باللاخير جبت انت بااقيلك الوقت اقراي ما تضيعيش الوقت لا انصحك بالليالي البيضاء انا كانت حلي الوحيد النت مكنتش نخرب كامل فيه منعته على روحي الصديقات كيف كيف و اخطيك من قصص الحب و غيره و الزواجات و ان شااء الله ربي يوفق

[~عابر سبيل~]

السّلام عليكمْ ~~
أوّلا أطمئنك وأقول أنّه لا يوجد دآع للقلق فيمَ قلت ، فلا تظنّي أنّك الوحيدة التي يمرّ بهذآ ، فأغلب التلاميذ يمر بهذا حاليا ،، حتى أنا العام الماضي مررت بمثل هذا الشعور وأن الوقت قد فات وأنا لم أدرس و و و،،
ما أنصحك به هو عدم تضييع الوقت في التفكير ،، فلو تلاحظين ، ستجدين أنك قضيت وقتا طويلا في توقع ما سيحدث ,, لو.. ولو.. ولو.. ستكون النتيجة كذا .. لكن لو ..ستكون كذا..
كلّ هذا لن ينفع ، وستتأكدين من ذلك بعد البكالوريا ، فهو مجرد امتحان لا إلا ،، فقط يختلف عن باقي الامتحانات أنه يضمّ جميع الدروس....
لا تستمعي لتلك الوساوس التي تأتي وتقول "مازال الوقت ويمكنك المراجعة في وقت قصير" فينتج عن ذلك تأجيل العمل إلى آخر دقيقة .. لكنه سيأتي عند آخر دقيقة ليقول "الوقت قصير ولن تستطيع إنجاز ما تريد.." إنه الكسل وهذآ ما يحدث معنا .. نؤجل المراجعة لآخر دقيقة ظنا منا أن الامور سهلة لكننا غالبا ما نتوتر آخر دقيقة لأن الحقيقة هي العكس .. لذلك عليك محاربة هذه الافكار والوساوس ، كيف ؟
كلما أتت هاته الأفكار انهضي مباشرة للمراجعة ،مرة واثنان ستتغلبين على الكسل ان شاء الله ، بالاضافة الى التركيز في المراجعة ،
مثلا تريدين مراجعة الرياضيات ، إذن الرياضيات وفقط ، انسي أن هناك شيئا اسمه تاريخ أو أنك لم تنته من مراجعة العلوم،،
وهذه تجربة مررت بها نكون نراجع في الرياضيات وأفكر في كيفية إنهاء حفظ التاريخ فيضيع الوقت ولا أراجع لا تاريخ لا رياضيات
أتمنى أن الفكرة وصلت ،
وأخيرا "البكالوريا حياة وليس ابتعادا عن الحياة" مقولتي ههعْ
آسف على الاطالة ،، لكن هي هفوات مررت بها ولا أريد أن يمر بها أحد بعدي ^^
وفقنا الله وإياكم ~

[~ دروب الخير ~]

المشاركة الأصلية كتبت بواسطة ~عابر سبيل~

السّلام عليكمْ ~~
أوّلا أطمئنك وأقول أنّه لا يوجد دآع للقلق فيمَ قلت ، فلا تظنّي أنّك الوحيدة التي يمرّ بهذآ ، فأغلب التلاميذ يمر بهذا حاليا ،، حتى أنا العام الماضي مررت بمثل هذا الشعور وأن الوقت قد فات وأنا لم أدرس و و و،،
ما أنصحك به هو عدم تضييع الوقت في التفكير ،، فلو تلاحظين ، ستجدين أنك قضيت وقتا طويلا في توقع ما سيحدث ,, لو.. ولو.. ولو.. ستكون النتيجة كذا .. لكن لو ..ستكون كذا..
كلّ هذا لن ينفع ، وستتأكدين من ذلك بعد البكالوريا ، فهو مجرد امتحان لا إلا ،، فقط يختلف عن باقي الامتحانات أنه يضمّ جميع الدروس....
لا تستمعي لتلك الوساوس التي تأتي وتقول "مازال الوقت ويمكنك المراجعة في وقت قصير" فينتج عن ذلك تأجيل العمل إلى آخر دقيقة .. لكنه سيأتي عند آخر دقيقة ليقول "الوقت قصير ولن تستطيع إنجاز ما تريد.." إنه الكسل وهذآ ما يحدث معنا .. نؤجل المراجعة لآخر دقيقة ظنا منا أن الامور سهلة لكننا غالبا ما نتوتر آخر دقيقة لأن الحقيقة هي العكس .. لذلك عليك محاربة هذه الافكار والوساوس ، كيف ؟
كلما أتت هاته الأفكار انهضي مباشرة للمراجعة ،مرة واثنان ستتغلبين على الكسل ان شاء الله ، بالاضافة الى التركيز في المراجعة ،
مثلا تريدين مراجعة الرياضيات ، إذن الرياضيات وفقط ، انسي أن هناك شيئا اسمه تاريخ أو أنك لم تنته من مراجعة العلوم،،
وهذه تجربة مررت بها نكون نراجع في الرياضيات وأفكر في كيفية إنهاء حفظ التاريخ فيضيع الوقت ولا أراجع لا تاريخ لا رياضيات
أتمنى أن الفكرة وصلت ،
وأخيرا "البكالوريا حياة وليس ابتعادا عن الحياة" مقولتي ههعْ
آسف على الاطالة ،، لكن هي هفوات مررت بها ولا أريد أن يمر بها أحد بعدي ^^
وفقنا الله وإياكم ~

و اخييييرا وجدت الحل لمشكلتي
بارك الله فيك

[أم سلوى]

انا نقولك...رفهي على نفسك..راك جبتي. معدل الله يبارك...خذي نفس....
هل يوجد سباح يغطس ولا يتنفس...
راك اغطستي...وجبتي معدل..ارفعي رأسك قبل ااغطسة الاخرى في الباك...اجبدي نفس جديد....تجيبي معدل ممتاز...
هذه هي الدنيا...راك....هايلة.....

[سيف الدين الطيار]

ساعطيك نصائح من تجربتي
انا متحصل على باك 2015 ب 15.92
اه و جرالي اكثر منك
السهرات كرة القدم...الخ
و كنت موسوس ههه
لكن قدرت نتغلب على نفسي و زيرت على روحي ما نكدبش عليك في العطلة قريت
لكن في العطلة الثانية ما قريتش
و بديت نقرا في افريل على قاعدة صحيحة
و نزيد نخبرك حاجة اوخرى
التي او الذي سيتحصل على على اعلى معدل في الباك على مستوى الوطن موسوس مثلك
و نصيحة كوني فعالة
تقبلي مروري

[Vigito]

عليكي بالخشوع في الصلاة و ليس الصلاة جسد بلا روح و الاستماع للقران

[لجين امنيتي]

اخطيك من الانترنت والتفراج والوقت راه مازال ومتفكريش فلي فات وفكري فلي جاي