كيكة الحلام .......بنة تاخذك لعالم الخيال

[اسمهان79]

السلام عليكم ورحمة الله وبركاته
حبيت نقولكم هاذ الكيكة راهي بنينة بزاف الوصفة شفتها في منتدى فرنسي وتالمو عجبتني حبيت نفيدكم بيها على خاطر تستحق التجريب
ملاحظة
حبيت نوضح ان الوصفة بالسكر البني لكن اذا حبيتي تستعملي السكر العادي ما فيش مشكل لاني جربتها بيهم في زوج فيه اختلاف في الذوق لكن ماشي بزاف
وبالنسبة للكريمة هي بجبنت الماسكاربون لكن انا للاسف ما توفرتش عندي فاستعملت بدلها جبن كيري بصح جاء روعة في البنة







المقادير



260غ فرينة
1 خميرة كميائية
1 م ك فاني من الاحسن نتاع الميزان
270 غ زبدة ذايبة وباردة
250غ سكر بني
4 بيضات بحرارة الغرفة
ملون اخضر سائل
الكريمة



6 حبات فرماج كيري مربعات اذا توفر عندك جبن الماسكاربون افظل
200ملل كرام فراش سائلة
110 غ سكر رطب 1 م ك فاني
التزين
سكر عادي ضيفيلو شوية ملون اخضر وحكيه مليح ما بين صباعك
شائح القارص ومرري الحواشي في الكريمة ثم في السكر الاخضر اللي حضرتيه
وريقات نعناع
التحضير
نحضر اولا الكريمة وهي مزج الجبن مع شوية كرام فراش سائلة ونخلط مليح بالملعقة حتى ما يقعدوش في حبيبات



ثم نطلع الكرام فراش مليح بالباتور ونضيفلها السكر الرطب ونزيد نطلع ثم نضيف الجبن ونخلط مليح مليح نحطها في الثلاجة حتى موعد الاستعمال
تحضير الكيكة
نخلط الفرينة والخميرة والفاني
ثم من جهة اخرى نخلط الزبدة الذائبة والسكر البني



ونخلط بالباتور



رايحة تلاحضي انو السكر ما ذابش عادي ثم نضيف البيض بالواحدة



وكل مرة نخلط ونزيد نلوح الثانية ونخلط راح تشوفي بلي السكر بدا يذوب وحتى اللون بدى يتغير



لما ننتهي من البيض نلوح الفرينة غير بالشوية ونخلط بملعقة خشبية اذا شفتي الخليط نتاعك يابس بزاف زيدي شوية كرام فراش سائلة
نقسم الخليط عل زوج نحط في واحد منو ملون اخضر سائل
ثم نقسم الخليط الابيض على زوج والخليط الاخضر على زوج
ونطيب كل جزء وحدو في مول دائري ومدهون



انتبهي راه ما يطولش في الطياب نتاعو
كل قرصة نحطها وحدها





نطبع في وسط كل قرصة بكاس



ثم نحي الكاس وزيدي اطبعي بحجم اكبر انا هنا ما توفروش عندي القاطعات اللازمة على هاذيك استعملت غطاء نتاع باطة لابال نتا 500 غ ومشيت الموس على الحاشية



نبدى بعمليت التركيب بمخالفة الالوان يعني نتحصل على قرص بلونين مختلفين



اسفت ما صورتش المراحل كلهم
نحط دائرة خضراء ثم بيضاء ثم خضراء
نطليها كلها بالكريمة اللي حضرناها من قبل ونحاول انو ندخل الكريمة ما بين الشقق



ثم نكرر العملية وهاذ المرة بالعكس يعني نحط اول دائرة اللي في الوسط بيضاء ثم خضراء ثم بيضاء
وكل مرة نعكس ونطلي بالكريمة كيما اول مرة
نغطيها كلها بالكريمة


ثم نحاول نهزها ونغير الصحن
نزينها على الجوانب بالسكر الاخضر



ومن فوق بشرائح القارص اللي استعملنالهم السكر الاخضر



ونكمل التزين بوريقات نعناع



شكل راااااااائع وبنة هباااااال



جربوها ومش رايحين تندمو
وممكن باه نسهلوها على الاخوات ممكن تعمليها طبقة فوق طبقة
ما تكسري راسك ما والو
المهم البنة
وممكن بهاذ الشكل











اول مرة عملتها هكذا وقطعت الحواف رجعتها مربع والحواشي عملت بيهم تحلية
راح نحطها في قسم التحليات ان شاء الله




في امان الله
دعوة بالشفاء برك يا خواتاتي هاذاك ما راني نستنى ونتمنى

[sandibal]

raaaaaaaaw3a baraka elaho fiki
rabi yrzekak wache tatmanay

[oum islem]

تالمون انغمست في عالم الخيال حتى تخيلت روحي كملتها وما خليت والو
فعلا تبان تهبل
انتظري تطبيقي كي نرتاح
ربي يشفيك عاجلا يا اسمهان
وشكرا كثيرا

[fadila34]

رررررروعة رررروعة ربي يخليك ويعطلك صحتك

هذي منكلهاش نتفرج فيه برك ربي يعطلك ما تتمناي

[ام سهام 02]

هاااااااااايلة حنونة ربي يشافيك ويعافيك اااااااامين يارب

[chahinez chanez]

هايلة و تبان لذيذة يعطيك الصحة

[سامية بالولي]

44444444444444444444444444444444444444444444444444 4444444444444

[almazalina22]

مممممممممم ربي يشفيك ويعافيك ويبعد كل بلا ء عليك ويجازيك كل الخير

شكرااااا على الوصفة هااااااايلة

[anaris]

هايلة يعطيك الصحة والله غير سخفتينا

[lyzzabel]

رووووووعة حبيبتي اسمهاااان الكييكة تشبه لكيكة الشطرنج طبعاا في التركيييب ،، اما البنة فراهي تباان فيييييييلم ،، تسلمي و ربي يشفيك شفااءاا عاجلاا لا يغادر سقماا يا الغاالية ،، اللهم اميييين

[yasmalak]

امممممممممم هااااااايلة يعطيييك الصححححححححة
وبالشفاااااا عليييك يارب

[ام احمدي]

والله توووووووووووووووب يسلمووووووووووووو

[ام محمد معاد]

مشكووورة اختي تبان خفيفة وتشهي.
الله يشافيك ويعافيك

[فريال88]

ررررررررررررررررررررررررررررررروعة رررررررررروعة ياراقية

[hano.jimi]

روعة تحفة يهبلو يعطيك الصحة ربي يشفيك وماتحرمناش من جديدك