الله يحفظكم بقداه تستقاملي الدالة

[omar-fadel]

الله يحفظكم دالة نتاع 220 متر بقداه تستقاملي وهل 50 مليون تكفي أو لا
... علما أنني مداير البوطوات

[أحبك ربّي]

انتظر أصحاب الميدان

[مومي23]

حسب علمي من اصحاب المهنة الدالة المتر مربع من 100 الف و طلع حسب الطابق الارخص الطابق الاسفل يعني اذا اعتبرنا الدالة نتاعك الطابق الااسفل تكون 100*220 يعني 22 مليون خدمة برك و مع السلعة و امور اخرى قادر توصلك 60 70 مليون و هنا انت وزهرك في سومة السلعة لكان تطيح في وقت لتخدم فيه

[الواثقْ بالله]

50 مليون يستحيل تكفي
انا غير كما درتها *سقامتلي الدالة مع البوطوات و الدروج فوق ال 90 مليون و تقريبا نفس المساحة مع العلم الماصو خدملي المتر ب 125 الف

[الواثقْ بالله]

نديرو حساب بسيط باعتماد 125 الف للمتر
يعني 27 مليون و نص حق الماصو و اذا ماكش خادم الدروج زيدلهم 7 ملاين راهي ولات 34 مليون و نص
الاسمنت لازمك 220 شكارة يعني 9 ملايين باعتماد سعر 40 الف للشكارة*
راهي ولات 43 مليون و نص
مضخة الاسمنت و الماء نديروها 3 ملايين*
الصابل و الڨرافي 4 ملايين*
راهي وصلت 50 مليون و نص
زيدلها ثمن الوردي مع التوصيل راك تحتاج سيمي *راهي تسقاملك تقريبا 7 ملايين*
المجموع 57 مليون و نص
اشغال الكهرباء في الضالة غالبا تسقام حوالي 300 الف احنا نديروها 500 الف باش يجينا لحساب مليح
الحديد بجميع انواعو *تقريبا فوق ال 20 مليون*
المجموع 78 مليون*

ربي يكون في عونك