تخلطت عليا / أرجوا المساعدة / مستعجل / تطوع

zizo92 · 2015-08-17, 19:20

رحت لمركز التجنيد قبل أيام باش نسوي الوضعية قالولي رانا رايحين نعاودوا نبعثولكم إستدعاءات في سبتمبر وإذا مالحقكش جيبلنا شاهدة ميلاد ونسخة من بطاقة التعريف والشهادة المدرسية باش نمدولك وحدة

المهم أنا راني حاب نروح في سبتمبر وأعتقد ان الإستدعاءات التي سيرسلونها في سبتمبر تاع جانفي فهل من حل

يعني إذا وصلني الإستدعاء هل أستطيع أن آخذه لهم وأطلب الذهاب في سبتمبر ويفريوها في الحال أو كيف
وإذا ماوصلنيش نقدر نديلهم الأوراق اللي طلبوها مني وأطلب الإلتحاق في هذه الدفعة؟
أو سيكون الوقت تأخر في سبتمبر وطفرت فيا

أتمنى أجد تفاعل

imad20 · 2015-08-17, 20:07

سيصلك إستدعاء خاص بدفعة سبتمر وإذا ما وصلكش فباب التطوّع مفتوح (يعني تديلهم الوثائق هذوك اللي قالك عليهم ويخدملك إستدعاء سوربلاص ) وعندك الوقت تطلب الإستدعاء (تطوّع في حال ما بعثولكش) حتى تاريخ إلتحاق دفعة سبتمبر يعني 15 أو 20 سبتمبر وهو تاريخ إغلاق باب التطوع لهذه الدفعة

الهدرة تاع جانفي نحيها من راسك مادامك حاب تروح في سبتمر تستنى الإستدعاء ولا تروح متطوع المهم ابدى تتحرك مع بداية الشهر وتسقسي على الإستدعاء عند الدرك ولا في مكتب التجنيد

نتمنى نكون أفدتك وبالتوفيق

zizo92 · 2015-08-17, 21:30

بارك الله فيك خويا
أنا لوكان لقيت نخدمها الآن مادامني قاعد بصح المشكل تاعي

أنا روشارشي من المفترض نروح في 2014 لكن ماروحتش. المهم رحتلهم قبل أيام قلتلهم جيت نسوي الوضعية أعطوني رسالة للمحكمة العسكرية خليوني نتحرك قالولي رانا نزيدوا نبعثولكم في سبتمبر إستدعاءات إلى مالحقلكش ومالقيتوش عند الدرك أرواح جيبلنا هاذوا الاوراق نخدمولك واحد، عليها راني نستنى في سبتمبر
بصح المهم تكون كاينة منها هاذي ويخدمولي ولايبعثولي إستدعاء. نتهنى. انا ماكنتش حاطها في بالي هاذي أصلا ووجدت روحي مليح للهبطات والطلعات. ربي يستر برك

أحمد زابانة · 2015-08-17, 23:57

على حسب علمي كي تكون روشارش لازم تفوت على المحكمة العسكرية و مكانش إستدعاء يزيد يخرجلك . يعني لازم تجيب البراءة من المحكمة العسكرية و تروح تفوت نورمال . و إذا ما ديتش البراءة يحملوك طول من تم تفوتها عاصي .

zizo92 · 2015-08-18, 03:07

أحمد زابانة
----
رحتلهم حتى لمركز التجنيد باش يعطوني الإستدعاء للمحكمة العسكرية وقلتلهم راني روشارشي والإستدعء الأخير لحقني العام اللي فات، قالولي روح تروح رانا في سبتمبر نعاودوا نبعثولكم إستدعاء من جديد وإذا مالحقكش أرواح نخدمولك واحد. واش راح نقوللهم؟
حتى أنا خايف من العفسة هاذي. خايف يكونوا مافهمونيش، زعما شرحتلهم الوضعية مليح وكلش باين، ديجا واش راح تزيدلهم من "راني روشارشي أعطوني إستدعاء للمحكمة العسكرية باش نسوي الوضعية"؟
ربي يجيب اللي فيه الخير

imad20 · 2015-08-18, 10:18

كون من الأول قلت راك روشارشي .. أهم حاجة في الحالة تاعك مذكرتهاش في الموضوع ... سبحان الله !!!
روشارشي تفوت على المحكمة ماظنيتش يلحقك استدعاء

mohamed 787 · 2015-08-18, 15:27

انا تاني راني في هاذي الحالة مافهمت والو انا خرجلي امر بالالتحاق 2009 نورمالمو راني عاصي ولا روشارشي مي كي روحت مرة الاخيرة في فيفري حتى ماي
قالولو بعتنالك في جانفي 2015

yacyne12 · 2015-08-18, 15:54

ZIZO 92 ana tani rani fé ness el wad3iya ta3ek
STP hada Numéro ta3i si tu veux on peux discuter au sujet 0558367888

الصديق قروف · 2015-08-18, 19:36

سبحان الله
يعني راهم يخلطو فرات
ربي يفرج عليكم