الحمد لله خرجت فائض وجبت اعفاء

mar111207 · 2013-10-08, 14:12

الحمد لله حمدا كثيرا طيبا مباركا فيه لقد خرجت من المدرسة التطبيقية لمدفعية الميدان بوسعادة بملف طبي فمن يريد ان يسال عن اي شيء انا هنا لافيد بخبرتي المتواضعة

عصـــام · 2013-10-08, 14:18

ماهو ملفك الطبي أخي الكريم ، إذا تقدم لنا كل المعلومات وملفك الطبي ،،،وكيف كانت أسئلة الطبيب ....إلـخ . وكم مكثت من يوم هناك ....

abdelaziz mcalger · 2013-10-08, 14:19

السلام عليكم
الحمد لله رب العالمين تم اخلاء سبيلي من المدرسة العليا للعتاد بالحراش يوم امس
و هذا بسبب طبي ( نقص النظر) و لا يزال هناك حوالي 1000 مترشح مدني اغلبهم مؤهلون طبيا
لمن يريد اي استفسار عن المدرسة انا هنا

mar111207 · 2013-10-08, 14:20

نقص في النظر
g5 d 4
مكثت 12 يوم ماهو ملفك الطبي و هل انت فعلا مريض

aboubaker48 · 2013-10-08, 16:55

صاحبي كذلك خرج من الثكنة هذه الايام بسبب السمنة 116 كلغ

bachir_alg · 2013-10-08, 18:51

مبرووووووووووك عليك

Sofiane.OB · 2013-10-08, 18:56

مبروك أخي ربي يسهلك

islammedia · 2013-10-08, 19:00

اقتباس:

المشاركة الأصلية كتبت بواسطة abdelaziz mcalger

السلام عليكم
الحمد لله رب العالمين تم اخلاء سبيلي من المدرسة العليا للعتاد بالحراش يوم امس
و هذا بسبب طبي ( نقص النظر) و لا يزال هناك حوالي 1000 مترشح مدني اغلبهم مؤهلون طبيا
لمن يريد اي استفسار عن المدرسة انا هنا

مبروك أخي . فقط لو تدكر لنا الملف الدي وضعته بالتفصيل لانـه انا أيضا اريد دفع ملف طبي بسبب ضعف البصر

abdelaziz mcalger · 2013-10-08, 21:42

الله يبارك فيكم خاوتي و ان شاء الله لعقوبة لي مزالو فيكم
اولا المدرسة رائعة و تحفة بصراحة و البلوك الخاص بنا مكان جيد لكن المشكل الوحيد كان في العدد الهائل من المقبلين
تخيلو مكان مخصص ل 300 شخص يقبل عليه اكثر من 1400 شخص يعني البروبلام في العدد الكبير
لي جاو بكري شوية ربحو اماكن جيدة و كيما انا جيت في 22 سبتمبر و لي معايا ولينا نرقدو في البلوك على الارض و لي لحقو روطار داوهم يرقدو في لاكاف و الفوايي بعد ماتعمر البلوك على الاخر و امبعد زادو دارو حوالي 15 خيمة و تعمرو على الاخر و لي بقاو في الاخير ولاو يرقدو برة حتان بدا اخلاء سبيل المعفيين باش لقاو اماكن...
اما في ما يخص الاكل يعني الغداء يفوت مليح لاباس مي العشاء انا شخصيا مانروحش نفضل شوية قاطو و قازوز و خلاص و كاين ناس عندها معريفة يوصو و يجيبولهم من برة
اما في ما يخص الملف الطبي انا شخصيا كانت عندي شهادة طبية برك و ديتها بنيتي و مانيش تاكل عليها خلاص مي بعثو بزاف ناس للبليدة باش يعاودولهم الفحص و ثما يبان كلش يعني الشهادة تاعك مايسحقوهاش اصلا لان الفحص يتعاود من الصفر لكن لازم عليك تدي اي وثيقة طبية ... و حنا خرجو منا تقريبا 300 واحد معفي لاسباب صحية و مزال العدد مرشح للارتفاع ... بعبارة اخرى العدد الكبير تاع المقبلين على الخدمة هو لي خدمنا و سرحونا بزاف ..
اما الفائض الله اعلم لا يوجد شيء رسمي ... و على حسب ما سمعنا يكون الترتيب على حسب الدبلوم اولا و السن و المتزوجين و و و و
و ربي يسهل للجميع ان شاء الله

amine-rooy · 2013-10-08, 21:58

الحمد لله يا خوتي انا خرجت فائض من بجاية خرجنا حوالي 600 كامل كتبونا نفس الملاحضة -هدا الشخص في حالة فائض -
لدي استفسارات
1-هل الفائض كله يدي لاكارت ولا قادر سورسي ب ستة اشهر على حساب الثكنة
2- انا دخلت متاخر يعني في 29 هل ممكن اللخرين مع انك فائض مايمودوهالكش ويعطوك سورسي خاطر تاخرت
3- هل هناك قانون يقول الفائض مؤهل لا يجند ويعطوه لاكارت مضمون
وبارك الله فيكم خوتي لي عودة ان شاء الله لتفصيل الاحداث التي عشتها في المدرسة التطبيقية للهندسة ببجاية

amine-rooy · 2013-10-08, 22:13

هل الي يمدولو سورسي ب 6 اشهر يعطوه امر التوجيه يوجد في حالة فائض كيما حنا ولا كيما تكون سورسي الملاحظة تختلف

amine-rooy · 2013-10-08, 22:17

لوردابال مارجعوهاناش في بجاية مدا يعني هدا شفت هنا لجماعة تاع مارس اللي خرجو فائض قالو مدوهالنا مع امر التوجيه

msalife21 · 2013-10-08, 22:29

خد معك أمر التوجيه + صورتان شمسيتان
وستأخد لكارت جوووون في يومك

amine-rooy · 2013-10-08, 22:34

اخي لوردابال مارجعوهاناش علاه

amin polote · 2013-10-08, 23:35

يا اخي نفس الشئ حصل معي واليوم تحصلت على لاكارط جون والعقوبة ل مازالوا