اختيار الموضوع في الباك = تدمير مستقبلك او احيائه

[كحالي]

ان تبتلعكم الرمال او تنجوا بحياتكم

آخر نصيحة للجميع

حذاري حذاري حذاري يخدعكم المظاهر تاع السوجيات

عن تجربة درتها في البكالوريا التجريبية

ديما خير الموضوع لي يهرب منه الجميع --------- الشجاعة هي كل شيء والله متندموا

مثلا روحو للعلوم 2013 الشعب كامل هرب للموضوع الثاني لقاو فيه حقل الغام

شوفو الموضوع الأول يبان طويل شافو الرسمة الاولى الشعب اكل هرب للتركيب الضوئي فيه 8 نقاط

سياسة اغرائية رائعة يا احمد بابا نستعرف بيك

نصيحة نصيحة نصيحة نصيحة نصيحة نصيحة نصيحة نصيحة

لحظة اختيار الموضوع تعرف روحك ناجح ولا لالا


فكر ثم فكر ثم فكر

عندكم تلقاو رواحكم امام حطام قنبلة نووية يتنشر فيكم الاشعاع
ولا تلقاو حقل الغام امامكم

الافضل هو ان تمر في الجحيم نفسها

تفكروا مليح وش قلت

حظ سعيد للجميع في البكالوريا

[Ahn Min Young]

والله راني حاصلة و ملي بديت وانا نطيح ف sujet صعيب + راك تقول ديما خير الموضوع لي يهرب منه الجميع... وانا منين رايحه نعرف الناس وش خيرو؟؟؟؟؟؟؟؟؟؟؟

المواضيع الاختيارية بالنسبة ليا نقمة مش نعمه وراني حااااايره كيفاه ندير ف الباك وخايفه لا مانعرفش نخير

شكراااااااا ع الموضوووووع الهام

[manothebest]

السلام عليكم
صحيح قولكـ
أحسنوا اختيار الموضوع فهو الذي يضمن صعودكم أوعدمه وتميزكم أوعدمه..
++
بالفعل العام الماضي الأغلبية هبوا وراء الموضوع الثاني خخخ والنتيجة التحصل على علامة كارثية...
بالتوفيق

[klk]

nnnnnnnn kol wa7ed ykhayerr sujet li ye9der yjib fih les points bzzzffff w khlasss m3ando ma ysa9siii wesh khayro ness howa wesh révisa wesh hal les exos rani na7ki par experience kol wa7ed y7all sujet li yel9a ra7to fihh w surtt surtt yjib fih bzzzzzzzzzzzf lé points alors il faut utilisé un crayon w coché les question li mata9adrouch trépondiw 3lihom f les deux sujes aprés comparé w khayro sujet li ykouno les question li mata3arfohomch chuia mais attention iil faut choisir le sujet li ykouno fih bzzzf les quest haka bech terabho les point machi kima ykoun sujet fih ghir chuia les qst teghlat f haja ra7at la note hadiii tsa3adna f shari3a ..... bon courage

[Ahn Min Young]

شكرااا

[Amine new]

شكرا على النصائح

[وردة مـن ذهـب]

كيف لي أن أعرف اختيار الآخرين ؟؟؟؟؟؟؟؟؟؟؟؟؟؟؟؟؟؟

[●• نسمةة النجآح •●]

السلآمم عليكمم ...
أنا أظن أنني وفقت في اختيار أغلب المواضيع في البكالوريا التجريبي حتى الآن ماعدا الفرنسيةة ...

هي القضيةة فقط كيفية اختيار الموضوع والمنهجيةة المتبعةة في ذلك ...
أظن أن الأغلبيةة عندما يعطى لها الموضوعين ترى الشكل الخارجي للموضوع والرسومات وطول الموضوعع وهذا خطأ...
قدر تكون الرسومات صعبة الفهم والأسئلةة في متناول الجميع ..
قد يكون الموضوع طويلآ لكن أسئلتهه تقليديةة وربما الموضوع القصير يحتوي على حقل ألغام كما قلت ..

فبالنسبةة للعلوم استغرقت 30 دقيقةة في اختيار الموضوعع والحمدلله بعد اطلاعي على الأسئلةة كلها وجدت أنني أستطيع الإجابةة على أسئلةة أحد المواضيع دون الآخر ونفس الشيء بالنسبةة للعربيةة ...

المهمم باختصار يجب قراءة جميع الأسئلةة ولا تقل أنني أستطيع حلها بمجرد النظر عليها بل حاول الإجابةة ولو سطحيا وشفويا ...
ولا تحاولو تقليد الجماعةة فكل واحد وطريقةة تحضيره وكل واحد واش راهو فاهم ...
والله أعلمم ...

ان شاء الله نتوفقو كامل في اختيار الموضوعع في البكالوريا ...

[sara milano]

انا خيرت الموضوع الاول
كل واحد يخير على حساب واش راه فاهم و شحال زعما يدي

[طالبة علم شرعي]

السلام عليكم
صحيح اختيار الموضوع يلعب دور
على الطالب ان يقرا بتاني كلا الموضوعين ولكن ليس قراءة شاملة ويضع علامة × امام الاسئلة التي يراها بديهية او قادر على حلها دون خداع نفسه طبعا فهو الاول والاخير المضرور ... ويختار الموضوع الذي فيه علامات ×اكثر ولا يكترث لاي شيئ عليه ان يجعل نفسه يشعر انه وحده في القاعة ...وطبعا يقرا الدعاء لكي يوفق بتوفيق من الله عزوجل ...والله اعلم
كنت ايضا خائفة كثيرا من الاختيار لكن عندما اعطونا المواضيع استطعت الاختيار بسهولةودون صعوبة فالطالب اذا حضر نفسه جيدا لن يجد صعوبة في اي شيئ وبالتوفيق للجميع

[Basma Bed]

كاينة منها انا اليوم حليت موضوع العلوم 2013 و كيف كيف هربت للموضوع الثاني خاطر الاول ما عرفتش كيماه نعلل البيان
مي كيما جين نقيم النقاط كانت العلامة كآآآآآآآآآآآآآرثة

[بحرعلم]

حنا غاديك نديروا موضوع واحد
ماكان لا تخيار لاهم يحزنون
.. واحد كسر فيه راسك ..

[belle foufa]

والله عندك الحق انا العام اللي فات في العلوم بالمضوع الثاني بصح الحمد لله بدلتو على العشرة غير الربع بلاك كون كملت فيه بلاك كون ديت 5 المهم اقراو مليح المواضيع وخيروا اللي راكم محضرين فيه مليح و الله المستعان

[اريج الاخلاق]

سلااااااااااااااام للجميع
اود ان اقول لكم شيئا عن الاختيارات
في الاول لا يهتم احدا لما اختاره الاخر بل كل واحد وقدراته
يجب اختيار الموضوع الطويل لماذا؟؟؟؟؟؟؟؟لانو النقاط تكون موزعة اكثر
والابتعاد عن المواضيع التي فيها التفاسير ياسر
ماىزمش نغييروا الموضوع على جال حبسنا في نقطة نكملوا الباقي ومباعد نرجعوله هاذاك السؤال
وفي الاخير اقول لكم انو كلتا الموضوعين فيهم توازن كيما نقول انا **الزوج صعاب والزوج صحاب ههههه**
هههههه اتمنى للجميع النجاح في الباك وفي حياتهم كلها

[الوجہ البَشوش]

والله اختي
اختيار الموضوع اصعب من الباك في حد ذاته


الله يجيب الخير