صباحو

[zaho207]

صباح النور صيامكم في الجنة ايا اليوم راني حابة ندير فطور لصايمين قلت ندير حريرة و جلبانة مي ماما تبغيها ڨغاة و قاتلي مرة كي تتزوج لازم تعرف تسلك روحها ايا انتوما ساعدوني كي فاه ندير هذي جلبانة في الفور طريقة مجربة و بنينة شكرا

[crono]

مساء الخيررررررررر انا هاد وين قدرات ندخول صيامكم في الجنة
عندي وصفات كثيرة تع غراتان نعطيلك هادي سهلة
غلي الجلبانة قشري البطاطا وتقطعيها مكعبات وتقليها في الزيت
في وعاء ضربي 4 بيضات مع الملح والفلفل، ثم يضاف الجبن المبشور.
إضافة الحليب والخضراوات واللحوم المفروم ليس ضروري اللحم.
وفي المقلات او في الفرن كما تحبي شهي طيبة

[crono]

وهاد غراتان خفيف يتقدم كمقبلة اذا كان ناشف او طبق رئيسي او جانبي اذا رافقتيه بالمرق
نحضرو مرق ابيض بالجلبانة وصدر دجاج او اي اطراف تفضليها في الدجاجة:زيت+بصل+ثوم+صدر نقلو مليح نفوحو :ملح +فلفل اكحل +كسبر كركم نضيفو الجلبانة ونمرقو حتى يطيب الدجاج وينقص المرق
نصفيو الجلبانة والدجاج ونبداو نحو اللحم من العظم نضيفولو زيتون اخضر وشوية معنوس او دبشة+بطاطا مكعبات مقلية+الجلبانة الطايبة

في مول مدهون زبدة نحطو على التوالى :جلبانة ،خليط اللحم والزيتون والمعدنوس(وممكن تزيدو فرماج مثلثات او مربعات يجي هايل) واخيرا البطاطا
ناخذو louche من المرق اللي طابت فيه الجلبانة نزيدولو5 بيضات ،ملح وفلفل اكحل ونضربو بالفرشيطة ونصبوه في المول
بعدما ينشف الغراتان نخرجوه ونزيدولو فورماج رابي ونرجعوه للفرن ونطفيو راح يذوب مباشرة
بعدما يبرد قطعي الغراتان بالشكل اللي تحبيه وقدميه ناشف كمقبلة رفقة مخللات مثلا

او مرفق بالمرق الابيض مع جزء من الدجاج يكون محمر وشرائح الليمون

بصحتكم

[zaho207]

شكرا حبيبتي كورنو تسلم الايادي