امر الالتحاق واريد دفع كفالة عائلية

ptcman007 · 2013-03-20, 18:23

السلام عليكم
وصلني اليوم امر استدعاء + امر التحاق .
مع العلم اني الكفيل الوحيد للعائلة بسبب وفاة الاب رحمه الله.
يا خبراء الخدمة الوطنية ..قولولي واش ندير يرحم والديكم .
الملف تع الكفالة من المحكمة
الملف نع الكفالة من البلدية
الملف النهائي الي ندفعو في مركز الخدمة الوطنية.
راتي خدام في الدولة و مسوري الحمد للله.

وهل حقا يرفض ملفي في مركز الخدمة الوطنية في قسنطينة .
وهل حقا نفوت على المجكمة العسكرية .
وفي حالة نصبح عاصي ..واش لازم ندير باش ندفع ملف الكفالة .
عاونوني يرحم والديكم.

المرسم · 2013-03-20, 19:06

احي الكريم ماتقدرش تدفع الملف في المركز لانو لوردابال خرجت انا صراتلي مابغاوش يشدو عليا يمكنك دفع الملف في الثكنة رايحين يدرسو ملفك بصح الحالة طول قادر يشدوك قادر يخلوك انت وزهرك +بماانو خرجلك امر بالالتحاق بعد 6 اشهر وما فوق راك رايح تصبح عاصي تقدر تدفع الملف في المحكمة العسكرية تاعكم في قسنطينة

mouhamed.bac2013 · 2013-03-20, 19:19

واحد يكون يقرا ويوصلوه استدعاءات و يولي عاصي
مادا سيحدث ان امسكه الدرك ؟

ptcman007 · 2013-03-20, 19:52

اقتباس:

المشاركة الأصلية كتبت بواسطة المرسم

احي الكريم ماتقدرش تدفع الملف في المركز لانو لوردابال خرجت انا صراتلي مابغاوش يشدو عليا يمكنك دفع الملف في الثكنة رايحين يدرسو ملفك بصح الحالة طول قادر يشدوك قادر يخلوك انت وزهرك +بماانو خرجلك امر بالالتحاق بعد 6 اشهر وما فوق راك رايح تصبح عاصي تقدر تدفع الملف في المحكمة العسكرية تاعكم في قسنطينة

بارك الله فيك اخي الكريم .
لكن حاب تفهم لمادا لا يمسكون الملفات عندما تخرج اوردبال
+ وين جات المحكمة العسكرية قسنطينة بالضبط .
+ نفدر نروح درك للمحكمة العسكرية فبل ما نكون عاصي
افيدوني يا الاحوة يرحم والديكم

بقعة ضوء · 2013-03-20, 20:04

اقتباس:

المشاركة الأصلية كتبت بواسطة ptcman007

بارك الله فيك اخي الكريم .
لكن حاب تفهم لمادا لا يمسكون الملفات عندما تخرج اوردبال
+ وين جات المحكمة العسكرية قسنطينة بالضبط .
+ نفدر نروح درك للمحكمة العسكرية فبل ما نكون عاصي
افيدوني يا الاحوة يرحم والديكم

السؤال الاول لم اجد له حل الى يومنا هذا
المحكمة العسكرية في القصبة
لا لا يمكنك الذهاب لانك لست عاصي. سيتم احالتك على المحكمة في ظرف 6 اشهر

المرسم · 2013-03-20, 20:42

اقتباس:

المشاركة الأصلية كتبت بواسطة ptcman007

بارك الله فيك اخي الكريم .
لكن حاب تفهم لمادا لا يمسكون الملفات عندما تخرج اوردبال
+ وين جات المحكمة العسكرية قسنطينة بالضبط .
+ نفدر نروح درك للمحكمة العسكرية فبل ما نكون عاصي
افيدوني يا الاحوة يرحم والديكم

اخي الكريم لازملك تكون عاصي باش تدفع الملف في المحكمة اهل الشرق يدفعو في قسنطينة سقسي وين جاية اخي وفقك الله

الشاوي الحر · 2013-03-20, 20:57

سقسيني نقولك
اذا تم استدعاءك كطالب ضابط احتياطي فهذا يعني انه من المستحيل ان يقبل ملفك على مستوى مركز الخدمة الوطنية لأن المؤسسة العسكرية في حاجة ماسة الى ضباط احتياطيين خاصة في المجالات العلمية
وبما انك تابع للناحية العسكرية الخامسة فهذا سيزيد الامر تعقيدا لأن الجيش كله من الشرق وملفات الكفالة باعداد هائلة وقد يتم دراسة ملفك بعد ان تنهي العامين كما حصل مع احد اصدقائي
قبل ما يكمل العامين بشهر تم قبول ملفه لأن الملفات لم تعد تدرس على مستوى المركز بل يتم دراستها على مستوى الوحدة والتي يتم تجاهلها في اغلب الاحيان

ptcman007 · 2013-03-20, 21:03

اقتباس:

المشاركة الأصلية كتبت بواسطة بقعة ضوء

السؤال الاول لم اجد له حل الى يومنا هذا
المحكمة العسكرية في القصبة
لا لا يمكنك الذهاب لانك لست عاصي. سيتم احالتك على المحكمة في ظرف 6 اشهر

شكرا اخي بارك الله فيك .
ادن يجب ان انتظر 6 اشهر ..
كون نروح لمركز الخدمة الوطنية تقولو راني حاب نروح للمحكمة العسكرية ..
نقدر ?

بقعة ضوء · 2013-03-21, 06:41

اقتباس:

المشاركة الأصلية كتبت بواسطة ptcman007

شكرا اخي بارك الله فيك .
ادن يجب ان انتظر 6 اشهر ..
كون نروح لمركز الخدمة الوطنية تقولو راني حاب نروح للمحكمة العسكرية ..
نقدر ?

لا تستطيع اخي الكريم عليك فقط الانتظار. في الفترة القادمة ان شاء الله لازم تهز معاك الملف دائما لانه يمكن توقيفك في اي لحظة
ربي يوفقك

mouhamed.bac2013 · 2013-03-21, 07:03

اخي بقعة ضوء
واحد يكون يقرا ويوصلوه استدعاءات و يولي عاصي
مادا سيحدث ان امسكه الدرك ؟
وهل استطيع ان اعمل سورسي وانا عاصي او سيقبضون علي هناك ؟

ptcman007 · 2013-03-21, 20:36

اقتباس:

المشاركة الأصلية كتبت بواسطة بقعة ضوء

لا تستطيع اخي الكريم عليك فقط الانتظار. في الفترة القادمة ان شاء الله لازم تهز معاك الملف دائما لانه يمكن توقيفك في اي لحظة
ربي يوفقك

شكرا اخي الكريم .
لكن كيفاه نعرف روحي بلي وليت روشارشي ..وهل دائما نهز معابا ملف الكفالة العائلية في السيارة باش لوكان يحكموني يجو يدوني ..نقدم الملف يطلقوني ..
جاوبوني خاوتي يرحم والديكم .
شكرا.

libanarim · 2013-03-21, 23:07

اقتباس:

المشاركة الأصلية كتبت بواسطة ptcman007

شكرا اخي الكريم .
لكن كيفاه نعرف روحي بلي وليت روشارشي ..وهل دائما نهز معابا ملف الكفالة العائلية في السيارة باش لوكان يحكموني يجو يدوني ..نقدم الملف يطلقوني ..
جاوبوني خاوتي يرحم والديكم .
شكرا.

روح لمكتب التجنيد وسقسي هل راك عاصي ولا لا
ملف الكفالة ديرو كيما الضل نتاعك، وين تروح يروح معاك
جماعة بزاف حكموهم وكي لقاو عندهم الكفالة طلقوهم
أعــــــرف كيفــــاش تبلـــــعــــــط بـــرك

،
ما نخافوش عليك راك من والديــن جزائريــين حتــــى لا نقــــول جزائــــــــــري