المرقة الحلوة من مطبخي الطريقة المضمونة

fifiarch · 2012-07-25, 13:20

السلام عليكم
ان شاء الله لاباس لبنات
نتمنى تكونو بخير
ربي يتقبل منا ومنكم
وصح فطوركم
راني جبتلكم وصفة الطاجين الحلو للاخوات لي طلبوها مني
نتمنى ليكم التوفيق فيها

نجيبو لحم غنم مقطع قطع صغيرة
وكمية قليلة برك ماشي الكثير
زوج اعواد قرفة
زوج حبات نجمة الارض
ملعقة كبيرة زبدة
رشة ملح
رشة قرفة مانكثروش
نجيبو قطعة قماش نظيفة ونعملو فيها قليل من القرنفل والقرفة المطحونة ونغلقوها بخيط ونضيفوها للمجموعة السابقة
نضعها على النار
ونحرك حتى تذوب الزبدة
وراح تعطينا رائحة ممتازة نتاع قرفة وقرنفل
مبعدين نمرق بالماء
نخلوها تغلي شوي وبعدين نضيفو بول bolنتاع سكر
ونخلوها تغلي حتى تنشف شوي ماشي ياسر
مبعد نضيف الزبيب والمشمش المجفف وانا نزيد التفاح مقطع شرائح رقيقة
ونخليوها تطيب على نار متوسطة
وكل ماتنشف شوي نزيدوها الماء السخون
وهكذا تقريب ساعتين ونص
اخر مرة نمرقو فيها نضيفولها العوينة المغسولة
ونخليوها تنشف راح نلقاوها عقدت مليح
نزيدو ليها مقدا ر ثلاث ملاعق ماء زهر ومبعد نطفو عليها
وبالصحة ليكم

inasso R · 2012-07-25, 13:57

يعطيك الصحة جا يشهي

it's me · 2012-07-25, 14:04

انا مانديرش اللحم و الدجاج و نلوحهم كامل يغليو و من بعد السكر بش يتعسلو مع بعض و اللوز في الاخير

fifiarch · 2012-07-25, 14:08

مافهمتكش اختي كيفاش
تخدميها بلحم الدجاج
وكيفاه تحطي السكر من بعد
انا قلت بعد لانقلو
نزيدو الماء ونخلوه يغلى شوي هاو فيه اللحم
ومبعد السكر باه يبدا يطيب

it's me · 2012-07-25, 14:15

اقتباس:

المشاركة الأصلية كتبت بواسطة fifiarch

مافهمتكش اختي كيفاش
تخدميها بلحم الدجاج
وكيفاه تحطي السكر من بعد
انا قلت بعد لانقلو
نزيدو الماء ونخلوه يغلى شوي هاو فيه اللحم
ومبعد السكر باه يبدا يطيب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وضحي