مشكلة عائلية

مشكلتي · 2012-07-21, 18:58

السلام عليكم

اخواني اخواتي

لدينا مشكل في الدار كبير وهي حكاية طويلة

اولا الدار تع جدي ساكنين فيها حنا و عمومي و جدتي وجدي ميت الله يرحموا

عندنا 4 طبقات

الطبق الاول تع جدتي و عماتي 2
الطبق الثاني تع عمي a
الطبق الثالث تعنا يعني تع بابا
الطبق الثالث تع عمي b
الطبق الرابع تع عمي c وهو طبق مبني نص ديورنا يعني نص الدالة والنص الثاني ساحة
قبل 2003
كنا كامل عايشين في دار واحدة في طبق 1 امعد جدي بدا يبني بشويا حتي وصل للطبق الثاني مات الله يرحموا و كي مات استكلف بابا بالمهمة بما انو هو الكبير في الدار
وكمل البنيان

كامل عمومي كانوا متزوجين الا عمي c
كان عايش معانا في الطبق الثاني لانو بابا الكبير في الدار و جدتي ايضا كانت معانا

ونهار كونا نبنوو لعمانا c هو شرط باش تكون داروا نص برك وتكون فيها ساحة و

امبعد في 2003 تزوج عمي c مع واحدة خدما
ايا جابنا بنت الله يسترنا منها والله لا يبلي احد مثل هذي البنت

وجداتي طلعت سكنت معاه و كانت تربلوا ولادوا و كلش و كانت مشاكل بين زوجتوا و بين جداتي و هبطت سكنت التحت في الطبق الاول و كانت هذي لعروسة كل ما تروح تخدم تخلي لجداتي ولادها

وفي 2011 عمي هذا قال لجداتي بدليلي بين الطبق الاول و 4 قالها مكفانيش صغير بزاف

قاتلو انت شرطت هكذا مع الاول امبعد جداتي بدلتلو و قالها روحي لبلاد و كي تولي انت تطلعي وانا نحبط ايا راحت لبلاد ضربت قريب عام وهي في الميزرية تما و زاد دالها للبلاد وهي كانت عندها اعاقة في رجلها كي زادات ولكن جداتي داوتها وحذرت عليها وكلش مع عمرها قريب 80 سنة

امبعد راح كسر كامل دراها طبق الاول امبعد حبس الخدمة قالها ماعنديش دراهم نكمل نبني الدار امبعد جاز الوقت قالها ارواحي تعشي معايا مابيد نكمل البنيان

الهدف من كل هذا كي تموت جداتي يدي 2 اطباق الطبق الاول و الرابع
ويتمني ليماه الموت !!!!!!!!

راحت عاشت معاه ولكن للاسف المشاكل مع مرتواا مزالت
وكانت تخليها دايما بلا ماكلة عيات جداتي رقدت بلا ماكلة و بلا والووووو
و قالت لعمي علي المشكل و قاتلو كمل النيان ولا اعطني المفتاح انا نحبط لتم

قالها للالا روحي لبلاد علي شهر نكمل

امبعد راحت لبلاد و بعد شهر ما بان والو قاتلو اعطلي المفتاح قالها لالالالا ماحبش وعيطتلو اشحال من خطرة و لكن بدون جدوي

كي ماحبش جات جداتي وعماتي 2 وكسروا الباب و دخلوا للدار بما انو ماحبش يعطيلوهم المفتاح

امبعد ما عجبوش الحال عمي هذا قاتلو جداتي خلاص نبهت شحال من خطرة بصح ما تأأخذش الرأأأي ودوكا جدتي راهي معاانا في مابيد تكمل البنيان ولكن المشكل

.......... مرت عمي راهي ترميلها في الزبل لدار جداتي كلش الماء و مرات تري عليها بلحطب وغيرها وحتي وصلت ترمي النجاسة حشاكوم و الماكلة و الخبز وكلش ....
وراجلها عبالوأي عمي عبالووو وقالها انا خليتها دير واش تحب !!!!

قوليلي انا واش ندير باش نحل المشكل مع العلم سيينا كامل الحلول مكاش مازال ما لقيناهش هدرنا بالسياسة ماحبس بقي حلين
اما جي خارجة من الباب نرمو عليها الماء و لوسخ وغيرها
اما الدرك الوطني

يا أخوان اعطوني واش نديرولهم هذوووا ما يخافوش ربي يامه يديرهالها هكذا !!!

wafa16 · 2012-07-21, 23:34

يا اختي كاين حاجة ما فهمتهاش وين كان باباك و اعمومك و عماتك كي كانت جداك صاري فيها هاد الشيئ
مع لعروسة يعني تخدم الشغل وتبات بلا ماكلة ويبعثها للبلاد و صحتها ما تسمحش و يكسرلها دارها و ما يعاودش يبني
يعني كان لازم ولادها يحموها ولا يدوها تقعد عندهم و ادا ماكانش يزيرو خوهم و يشوفو حل
راهم 3 رجال!!!!و هو وحدو راه داير حالة
لازم يسقم روحو ولا يخرج يسكن وحدو
هدا راهو عاق و العياد بالله كيفاش مرتو دير في يماه واش تحب
يا اختي مشكلكم صعيب بزاف و المشاكل كي يكثرو راهم يهبلو
ربي يكون معاكم و يهدي بالكم
سلام

aissam .3820 · 2012-07-22, 01:32

هذي هي الزوجة اللي ما تخافش ربي......

...

الحل نتاعو يروح يشوف وين يسكن...

..

يوسف الحق · 2012-07-22, 04:43

بسم الله الرحمان الرحيم

أولا نطلب من الله يحفظكم من شر هده البلية التي أصابتكم وكيما يقولوا ناس بكري الخير مرا و الشر مرا و هده من اللواتي تقضي على المحبة بين افراد العائلة و هي و الله أعلم و على حسب روايتك من أولئك. ادن اول شيئ هي ان تبتعدوا عنها و أن تضعوا لها النقاط على الحروف بان لا تتدخل مثلا في امور العائلة و ان تلتزم حدودها.
المشكل على حسب ما اظن في فكرة البناء في منزل واحد و التي أظنها خاطئة ...كان ن الأفضل ان يكون لكل واحد سكنا فتكبر العائلة و ننتهي من فكرة الورثة الدين قد يطمع كل واحد منهم في الطابق الفلاني او غيره. لأن الارث و للأسف أصبح في العائلات طبعا ليس كل العائلات كالقنبلة الموقوتة فادا تفاهم الكبار اختلف الابناء وادا اتفق الأبناء اختلفت النسا ء و و الله المشكل ليس بهين. يا اختي يوجد و العياد بالله من هو مستعد لفعل كل شئ. ادن من الأحسن تصفية الامور الأن قبل الغد.
أدا كانت امكانية لتقييم حصص كل واحد من البيت لكان احسن و دلك باقتسامه شرعا بعقود بيع مثلا لاثنين من اعمامك و طابق للعمات والجدة و أن يتم اعطاء نصيب العم صاحب المشاكل مالا, أي تعويضه ويروح يشري دار بعيد عليكم يعني كل واحد يدي حقوا. و راني حاير في رجالة أخر زمان..
قضية الأرض , لا أضن أنه يستطيع أن ياخد الارض له وحده لا القانون يسمح بدلك ولا الشرع.
بالنسبة للجدة أقول لكم اتهلاو فيها راها البراكة نتاع الدار و أتمنى أن يتحرك الاخوة الكبار اي الأعمام ....
و الله أكره ما أكره هدا النوع من النساء التي تقضي على العائلات ... الله يهديها

arc en ciel · 2012-07-22, 12:55

ربي معاكم بزاف

الحل تبانلي تعطوه حقو من البيت و يخرج يسكن وحدو

تعرف احنا فالدار باني بابا غير طابق واحد و قالنا والله ماتنزاد فيها دالة ههههههه الي باغي يزوج يسكن وحدو

بزاف ناس طايحة في هاد المشكل الوالد يبني و يبني و هو يتخيل انو ولادو لما يكبرو راح يبقاو عايشين مع بعض في مودة و رحمة نساو بلي مع الكناين و الاولاد يكبرو المشاكل

ربي يهديه و يهدي هاد العروس

عذراء الجبل18 · 2012-07-22, 21:07

حرام عليه هاذي يماه نورمالمون يسلم على جبينها وحاجة ماتخصها ومرتو وكيلها ربي , بصح وين راح باباك وعمك لاخر وعماتك يشوفو يماهم يصرالها هكا وميديرو والو
الحل انكم تديرو اجتماع عائلي وتوضحو الامور وكل واحد يدي حقو
ربي يوفقك

Crazy lazy Girl · 2012-07-23, 17:27

اعطيوه حقو من الورثة و تمنوا الاطاج نتاعو وخليوه يخرج.........

مزالنا واقفين · 2012-07-23, 19:31

شاباغي نقولك ربي بهدله كيما بهدل بأمه حركتي فينا مشاعر .................

شهرزاد · 2012-07-24, 18:37

........................الوقت وين كنتو باباك و عماتك و عمومك

~~أم البشائر~~ · 2012-07-25, 05:26

جدك مات

الدار تاع ورثة

تتباع وثمنها يتقسم

وكل واحد يسكن وين يوالمو

والجده تروح مع من حبت في ولادها

ربي يعينكم على هموم الدنيا الفانية

ويبعد عليكم الاشرار

وسام المؤمنة · 2012-07-25, 12:48

كل شي من النساء...المشاكل هادي جامي تصرا بين الخاوا من يكونوا عزابيا...ان كيدهن لعظيم