مشكلة في حاسوبي

[* شمس*]

السلام عليكم
اعاني من مشكلة في جهاز الحاسوب واحد النهار كنت نراجع ونحل تمارين من الحاسوب ونزعت له سابقا البطارية حتى لا تفسد ولكي ادرس في راحة تامة مع العلم ان الحاسوب جديد لا يوجد به اي خلل مسبق بينما انا ادرس انقطع التيار وبطبيعة الحال انطفئ الحاسوب عندما اردت اشعاله كي اكمل دراستي لم يشتعل واصبح شكل المفتاح او الزر المرسوم عليه شكل القفل يسينيالي والضوء الذي يدل على وجود الانترنيت )كي تعود كاين الانترنيت يشعل الرمز او الرز بالابيض كي تعود مكاش يشعل بالاحمر ( بصح دوك راهو شاعل بالاحمر رغم وجود الانترنيت وليكرون كحلة والصوت تيعو عادي كيما مالفا نخدم بيه والمصلح قالي ميتعدلش شوفو كيفاه داير

[* شمس*]

والمشكل راهو مش فالشاشة لان المصلح اصلحه وبعد اصلاحه استخدمته اول مرة وظهرت الشاشةوكل الملفات عادي وخدمت بيه بصح كي تشعلو ميشعلش
مرة اخرى

[* شمس*]

اخواني المشكل تيغي هكا https://www.dztu.be/watch?v=RMWGSPaf42Q

[مُحمد رازي]

و عليكم السلام و رحمة الله
مشكلة حاسوبك صارت واضحة الآن و للأسف نتي ما تقدريش تحلّيها بنفسك
كيما قلتي المشكل ما يكونش في الشاشة بصح بنسبة كبيرة راهو في الرام
و الرام هادي قطعة تجي داخل الميكرو بهاد الشكل


و ممكن يكون جهازك فيه وحدة أو زوج
المفروض المصلح كنتي تحدّيله أكثر و تقوليله يشوفلك الرام تاع حاسبوبك
و إدا فيه زوج يجرّب بالوحدة يعني ينزع وحدة و يشوف الميكرو إدا يمشي بلا لخرى
فإذا مشا الميكرو في حالة نزع وحدة إذن البروبلام يكون في الأخرى المنزوعة
و إذا كان الحاسوب تاعك فيه غير رام وحدة فممكن راح تضطري أنكِ تشريله وحدة جديدة و تبدليها
لاخاطرش احتمال أنها تكون فسدت أو قبل ذلك من المستحسن المصلح يجرّب يمسحها و يركبها بطريقة سليمة
المختصر أختي مشكلة الحاسوب تاعك تكون غير في الرام
و أغلب الشروحات لي في النت و اليوتوب لي يتكلمو على هاد المشكلة حلّوها بتغيير الرام
الرام في حالة ما فسدتلك تقدري تشري وحدة جديدة نورمالمون ينباعو
إن شاء الله يصلحلك الحاسوب

[* شمس*]

جزاك الله الف الف خير

[* شمس*]

هل هناك علاقة بين انقطاع التيار وفساد لارام اي عندما ينقطع التيار هل يؤثر على لارام

[مُحمد رازي]

المفروض الحاسب المحمول و كونه يشتغل بالبطارية فلن يؤثر عليه انقطاع الكهرباء
فقط في حالة ما كنتِ تقومين بتشغيله مع نزع البطارية و الإبقاء على كابل الشحن
ففي هذه الحالة من الممكن أن تتأثر بعض الأجزاء الداخلية للحاسوب نتيجة انقطاع التيار المفاجئ
و بما أنكِ تقولين أنه قد صادف في ذلك اليوم الذي نزعتِ فيه البطارية أن التيار قد انقطع
فاحتمال كبير أن يكون انقطاع التيار هو ما أدى إلى حدوث هذه المشكلة
ثم هل جرّبتِ الآن تشغيل الحاسوب بدون بطارية ؟ أم أن المشكل يحدث سواء بالبطارية أو بدونها ؟

[* شمس*]

يحدث سواء بالبطارية او بدونها

[مُحمد رازي]

إذن المشكل بشكل كبير قد أصاب الرام لهذا وجب معاينتها أو استبدالها إن استلزم الأمر
بالتوفيق أختي و ربي يسهّل

[* شمس*]

جزاك الله الف الف الف خير

[aliloabir]

الشك الكبير في الرامم

[zohir20]

شكرا شكرا شكرا

[Arctic Mind]

كيما قال الا محمد المشكل في الرام و الله اعلم

[bibab51]

اكبر خطا عملتيه هو نزع البطارية

[bibab51]

اديه عند المصلح