انقذوني ارجوكم ساعدوني

[مرام 2001]

مساء الخير

ساعدوني ارجوكم انا مرام 17 سنة عام جاي ويذا كتب ربي الباك عندو سيمانة واب تاعي من لي حكالي على ناس جايين يشوفوني هو يعرفهم امي محبتش ممبعد ولات تقولي نخلوهم يجو ونرفضوهم باين ابي عمرلها راسها
يا ويلي منيش حابة والله مني حابة علاش هكا علاش منيش نخمم في زواج مش موالفة نحكي ضاقت بيا وزادت امي تقولي بارح نخرجو نشريلك كسوة للناس باش يشوفوك مع العلم اني انا البكر في العائلة تحتي اخ 10 سنوات واخت 6 سنوات : ارجوكم عاونوي قلبي راه يخبط ربي يحفظكم كيفاش نديرsdf:

[* قمر*]

يا ختي مزالك صغيرة
كفاش حتى وجا باباك وقلك سبحان الله راكي صغيرة و ماكيش قادرة على شقاك حقا و يمااك واش رايها ونتي مصرحتيهاش و قتيلها و عطاتك رايها
شخصيا انا منايدش فكرة الزواج هدا راكي صغيرة بزاف
شحال عمره هدا ؟؟

[مرام 2001]

المشاركة الأصلية كتبت بواسطة * قمر*

يا ختي مزالك صغيرة
كفاش حتى وجا باباك وقلك سبحان الله راكي صغيرة و ماكيش قادرة على شقاك حقا و يمااك واش رايها ونتي مصرحتيهاش و قتيلها و عطاتك رايها
شخصيا انا منايدش فكرة الزواج هدا راكي صغيرة بزاف
شحال عمره هدا ؟؟

وش ندير وش الحل اني خايفة يا ختي خايفة بزاف ماما قتلها قاتلي خليهم يجو منحازوش ناس

[مرام 2001]

ختي هو في عمرو 32 سنة

[مرام 2001]

ساعدوني اني ختكم ربي يستركم تعيشو

[محارب الحمق]

امن المؤسف أن المجتمع والغزو الفكري الغربي غير تفكير البنات حتى أصبحت امراة بالغة في 17 من العمر فتاة صغيرة تلعب بالألعاب. المضحك في الأمر أن أغلبهن (لا أقصدك أنت) صغيرات على الزواج لكنهن كبيرات كفاية لإقامة علاقات غرامية مع الشباب. على كل لا يمكن محو تأثير المجتمع وعلى ما يبدوا أنت لست مستعدة للزواج. عادي صارحيهم ففي الأخير القبول والرفض حق شرعي لك

[مرام 2001]

المشاركة الأصلية كتبت بواسطة محارب الحمق

امن المؤسف أن المجتمع والغزو الفكري الغربي غير تفكير البنات حتى أصبحت امراة بالغة في 17 من العمر فتاة صغيرة تلعب بالألعاب. المضحك في الأمر أن أغلبهن (لا أقصدك أنت) صغيرات على الزواج لكنهن كبيرات كفاية لإقامة علاقات غرامية مع الشباب. على كل لا يمكن محو تأثير المجتمع وعلى ما يبدوا أنت لست مستعدة للزواج. عادي صارحيهم ففي الأخير القبول والرفض حق شرعي لك

مافهمتش هدرتك يسما ابي عندو الحق؟ لالا خويا منيش حابة وقلت لامي امي قاتلي خلي يجو منحازوش ناس وابي كي قتلو منيش حابة قالي متحبيش يشوفك ابيك عروسة مبصح انا راني نبكي وقلبي راه يخبط ملخوف وبابا أستاذ لغة عربية في ليسي نتاع البنات يسما راه يشوف قع لبنات يقراو وانا حايب يزوجني وش ندير خويا تعيش

[مرام 2001]

عاونوني في وجه ربي

[* قمر*]

يمالا خلييهم يجو ومن بعد ارفضي هذا اىحل الوحيد كولات يماك ماشي حابة تحوزهم مي حقك اولى

[*آية*]

أجبتك على الخاص
تحياتي ...

[مرام 2001]

شكرا اية ربي يخليك

تعيشوعاونوني

[مرام 2001]

صباح الخير خياتي بجاه ربي عاونوني

[nihal159]

صباح الخير أختي؛ توكلي على ربي و صلي إستخارة ولي فيه الخير يديرو ربي سبحانو؛ ممكن كي تشوفي هذا الشاب يعجبك و رأيك يتغيّر 180 درجة؛ و ملي تكوني رافضة فكرة الزواج ترجعي فرحانة و متمسكة بخطيبك؛ و ممكن ماتعجبيهمش و الرفض يجي من عند الخاطب؛ هذي كلها إحتمالات؛ علابيها قلتلك صلي إستخارة و فوّضي أمرك لربي سبحانو هو أعلم بواش ينفعنا.

[مرام 2001]

المشاركة الأصلية كتبت بواسطة nihal159

صباح الخير أختي؛ توكلي على ربي و صلي إستخارة ولي فيه الخير يديرو ربي سبحانو؛ ممكن كي تشوفي هذا الشاب يعجبك و رأيك يتغيّر 180 درجة؛ و ملي تكوني رافضة فكرة الزواج ترجعي فرحانة و متمسكة بخطيبك؛ و ممكن ماتعجبيهمش و الرفض يجي من عند الخاطب؛ هذي كلها إحتمالات؛ علابيها قلتلك صلي إستخارة و فوّضي أمرك لربي سبحانو هو أعلم بواش ينفعنا.

ختي الله يخليك يعني نقدر منتعجيوش هكا؟ كيفاه زعما فهميني مافهمتش وكيفاش نصلي استخارة

[nihal159]

المشاركة الأصلية كتبت بواسطة مرام 2001

ختي الله يخليك يعني نقدر منتعجيوش هكا؟ كيفاه زعما فهميني مافهمتش وكيفاش نصلي استخارة

أختي كلشي ممكن؛ ممكن الخاطب يقول الطفلة صغيرة عليا؛ ممكن يشرط عليك تحبسي قرايتك و أنتي ماتوافقيش على شرطو و تتفركش الخطوبة؛يعني الرؤية الشرعية هي جلسة للتحاور و عرض أفكار الطرفين؛ إذا طرف من الطرفين تمسّك برأيو و رفض شروط الطرف التاني ؛ لا تتم الخطبة.
يعني ياختي مش بالضرورة كي يجو يشوفوك معناها خلاص راكي أمام أمر واقع؛ لا؛ مازال عندك الوقت باش تقولي رأيك.
بالنسبة للإستخارة؛ إبحتي في غوغل راح تلقاي طريقة الصلاة و دعاء الإستخارة.