اغار من صديقتي المخطوبة

[مشكلتي]

سلام عليكم ورحمة الله
اليوم راح نحطلكم مشلكتي وهي انو عندي صديقة ماشاءالله خلق وادب وكل شي واعتمد عليها في حياتي الدراسية واليومية وحتى الخاصة
علاقتنا جد طيبة ورائعة وتدهورت منذ خطوبتها لان انا بديت نغار لان انا اكبر منها سننا اي شي بسيط يخليني نتخاصم معاها اي سبب تافهه ولكن مزلنا اصدقاء للابد
انقذوووني ماذا افعل وانا اغاااااااااااااااااااار في صمت واتألم
شاركوني مشكلتي وادعولي بزوج الصالح في اقرب وقت

[blanche rose]

يا حبيبتي واش نقلك؟

نقولك الغيرة ماشي مليحة؟
أكيد علابالك..

المشكلة أنو ربي يعطيك على قد قلبك
وأنت راكي بغيرتك تخلي قلبك اسود وهذا يخلي دعواتك قليلة القبول..

أنا ياما تزوجو قبلي وأقل مني بسنواااات
ولم أتأثر أبدا

ومنهن المسكينة التي لم تنجب
وأخرى غير سعيدة مع زوجها..الخ

يوم الفاتحة..عندما دخل ليلبسني الخاتم
ظلوا يتفرجوا وكي خرج..قالولي قعدتي قعدتي وتزوجتي براجل خير من رجالنا كامل..

لازم تكون عندك قناعة وسعادة داخلية
علابالك بلي صديقتك فاقتلك؟؟

لأن الغيرة تظهر على الوجه وتبااان

والغيرة يعني عدم ثقة بالله
كأنك تقوليلو..هي اعطيتها كل شيء وانا لا..!!

اقتنعي بما لديك
افرحي لها ليرزقك الله أفضل منها..

فأي شعور سلبي سيؤذيك أنت في صحتك من جهة ويقلل من حسناتك من جهة..

لازم تخلي قلبك محب وأبيض وكبيييير باش ربي يعطيك خير ملي تتمناااي..

لازم قلبك يكون اكبر من قلبها باش راجلك يكون خير من راجلها

ربي يسعدك

[الراغبة فى رضا الرحمن‎]

ربي يرزقك زوج صالح
كل شي بالمكتوب ختي وماكنش خير على شي ليختارهونا الله
شوفي هذا الفديو رايحا ترتاحي أسمعيه بتركيز لعنوان ديالوا: لمن يبحث عن التوبة (كلمات مؤثرة) - الشيخ خالد الراشد

والله لما سمعتوا رتحت أنا
وركزيلي على الكلمة هذي في الدقيقة 2:20

-إذا أنسوا بأحبابهم إجعل أنسك بالله -

[ام عبد الواحد 2016]

السلام عليكم


اختى العزيزة ... الغيرة اذا لم تستطيعى التخلص منها يمكنك على الاقل التخفيف منها و ذلك فى جميع امور الحياة كالتالى

ادعى لها بظهر الغيب بالتوفيق و اخلصى فى الدعاء

اذكري ايجابياتها بينك وبين نفسك

تذكرى اللحضات الرائعة التى كانت بينكم

واهم شيء لا تفقدى الثقة بالله فهو الرزاق و مجيب الدعوات فقد يتاخر زواجك ايام او شهور او سنوات و يكون نصيبك احسن من نصيبها



كل هذه ابتلاءات من الله فال تقنطى من رحمة الله ولا تنسي ان كل ما فى الدنيا وزينتها فان ولا يبقى .



لن انساك بالدعاء يا اختى

[AMINA.Z]

ربي يهديييييك

[نور لاتراه]

هذا رزق منه الله عليها
دعاءك ويقينك سيجلب لك كل الخير
كلما شعرتي بالغيرة استغفري الله
دائما
فمن اسرار هذا الدعاء جذب الرزق
والله اعلم

[رزيقة16]

ربي يرزقك نشا لله بزوج صالح يا اختي

[أم هزيم]

نحي الغل لي في قلبك يا اختي و ادعي ربي يغفرلك كل واحد في الدنيا هاذي ما يدي غير لي كاتبتلو

[عائشة 88]

الله يهديك اختي راكي مكحلة قلبك من جيهت صحبتك والغيرة تاعك تصبح حسد والعياذ بالله راكي قلتي بلي صحبتي واكيد عشتو مع بعض ايام جميلة كيفاش يطاوعك قلبك وتحسديها لو كان كنت صديقة وفية متطعنيهاش في ظهر غيرة وحسد بالعكس ادعيلها ربي يهنيها والله كي تفرحي للناس وتشاركيهم افراحهم ربي يرزقك من حيث لاتحتسبين وعلى نياتكم ترزقون
ربي يرزقك بالزوج الصالح
نصيحة خلي قلبك ابيض

[رَكان]

مجرد اعترافك بذلك يخبر عن معدن طيب لديك وأن غيرتك ومهما كانت عليه فإنه لن يحلق من ورائها أذى لصديقتك ...
طبيعي جدا ما تشعرينه يا صاحبة المشكلة ...حاولي أن تروضي ذلك كي لاينسحب بك ذلك الى مربع افساد طبعك ...كوني شدي على طيبتك وعضي عليها بأسنانك فإنها وحدها الكفيله بأن يفرج الله همك ويرزقك من حيث لاتحتسبين ...
والله ما ربح فهاذ الدنيا الا من سلك طريق النية أوكل أمره الى ربه ..صدقيني ..

[mino 13]

ادا عرفت اكيد سوف تخسريها للابد
ملاحظة : الغيرة سوف تصبح حسد لو لم تعالجي الامر

[first first]

مثلما قال الاخ قبلي .........ماذامك اعترفتي وماشي عاجبك الحال راكي حقا نعم الفتاة ونعم الصديقة.
ثانيا اختي وعلاش تغيري منها...............داتلك قسمك؟؟؟ حبستلك زواجك؟؟؟؟؟؟؟؟؟؟ ربي عطاها قسمها وقسمك مازال شوية ويوصل باذن الله.
غير نحي من قلبك.............اولا الغيرة تاعك رايحة ضرك انت اولا واخيرا وهي اذا ضرتيها بغيرتك ماشي قد مارايحة ضري نفسك.

كيما قالو الاعضاء ربي يبارك فيهم جميعا.............خلي قلبك ابيض وتمني الخير للجميع دون استثناء تعيشي بامان وسلم ذاخلي.............ولااحد احق بالاشياء من احد هته الدنيا تعطى لمن لايستحق ولمن يستحق..........وتمنع عن من يستحق وعن من لايستحق.................لحكمة قد ندرك بعضها ولاندركها كلها....فلنرضى جميعا بمكاتيب الله........هذا لايمنع طبعا ان نطمع دوما في كرم الله وفي عطائه.
وراني نذكر نفسي بهته الحكمة قبل من ذكرك بيها .............والله المستعان.
شكرا.

[oum Haroun]

ماكانش امرأة ماتغيرش حاولي تنقصي وخاصة ماتبينيش باه ماتفسدش العلاقة بنتكم وقولي دائما ماشاء الله و ربي ابارك لها و يرزقك انت بزوج صالح و يعطيك كل خير ان شاء الله

[rose de sable s]

انت قلتي انك تدرسي انتبهي لدراستك اولا ثم خمي في زواج رلكي صغير مغرتيش من لي يدو نقاط اكثر منك و تغيري من صديقتك لي تخطبت

[نوال المتفائلة]

ربي يرزقك الزوج الصالح