مجتمع .....

[مشكلتي]

السلام عليكم انا امراة متزوجة عندي 29سنة اليوم صباح رحت لسبيطار تع القرية كنا قاعدين في غرفة الانتظار خزرت فيا عجوزة قاتلي"انتي واش من عايلة؟" انا ضربت النح .نطقت مرا وحد اخرى قاتلي"سقساتك العجوزة"قلتلها سمعتها .ونبعد كي خرجت سمعت وحدة فيهن قالت "مهيش مربية "مخي حبس هل واجب عليا الرد على اسئلة الناس المحرجة والا فانا منيش مربية!

[ع.عيسى]

ناس بكري يحيو يسقسو و يتكلموا مع الناس في قاعات الانتظار مثلا ، عادي كي سقساتك ، كانت حابة تجيب معاك الحديث ، كاين خصوصيات لا اعتقد انها تسقسيك عليها ومن حقك انك ما تجاوبيش عليها ، اما العموميات عادي

[yassefe]

كي قلتي تاع القرية باينة دوار ... وناس دوار ليس الكل فارغين شغل لازم يعرفو كل شئء وتافهين

يبقاو يخزرو فيك الي عدت براني ووووو الحل معاهم كي يسقسيوك متعطيهمش الصح

[بشرئ عاشقة العلم]

مع الاسف اغلبية تاع ناس القرية عندهم نفس العقلية تاع يسقسو بزاف في اشياء متعنيهمش اطلاقا الا من رحم ربك انا نعرفهم مليح مليح لازم الواحد يخلي دايمن حدود بينه و بينهم في نطاق الاحترام و الاداب طبعا غير ذلك متخليهمش يدخلو اطلاقا اطلاقا في تفاصيل حياتك لانو القرية كاملة تسمع بيك في نهار اما عدم اجابتك فهي ليست قلة ادب عادي سبحان الله لانو كون زدت تسقسيك على حياتك كاملة مع انو كون جاوبتيها بدبلوماسية كثر باش متزعفش و تحس بلي مكاش تجاوبي احتراما طبعاا����