وصفات حراير الكوزينة الجزء الثاني

[idron0]

طاجين المحاشي ام سهام 02

في كوكوت زيت و رابي بصلة وانقليها امليح ونرمي الجلبانة تزيد تتقلي مع 2سنينات ثوم وحبة طماطم مرابية وشوي ملح وراس الحانوت ومكعب مرق الدجاج وانخليه يتقلي مليح مع التقليب و نمرق حتى تتغطي كتبدا تغلي نغلق وانخاليها اطيب ومن جهة اخري نخوو البطاطا والكورجات والقرنون واي خضرة اتحبيها وعمريها بحشو ال دولمة لهو عبارة عن لحم مفروم قليل من فلفل اكحل وقرفة وملح ومعدنوس مقطع رقيق وبصلة مرابية ومك روز ونعجن بالبيض ولما يحبش الروز ايعوضو بالشابلير او السميد الرطب

بعد 20قيقة او اقل نفتح الكوكوت ونستف الخضر المحشية انعود نغلق الكوكوت ونغلق مرة اخرى وانخليهم ايطيبو وحد15 دقيقة وانشوف اذا طابت الخضر انطفي ونرابي الجبن وهذي اختياري.

[idron0]

الغريبية ام سهام 02

250غ ماغرين طرية +كاس شاي زيت خبطيهم مايح بالباتور وضيفي كاس شاي سكر ناعم و1مك كبيرة كاكاو محمص ومطحون رقيق فانيلا ورشة ملح ونلم

بالفرينة امنبعد نشكل كويرها ونديرها في المول تع المعمول ونزين بالقرفة وانحطها في السنيوة حتي انكمل انحط السنيوة في الثلاجة مدة ساعة ثم انطيبها في الفرن على درجة 150.

إضغط هنا لرؤية الصورة بحجمها الطبيعي.

[idron0]

صابلي بالبان ديبيس oum islem

250غ مرغرين لابال كاس زيت رشة ملح كاس ناقص اصبع سكر ناعم 2صفاربيض 2م ك كاكاو اسود فاني
نصف كاس نشاء نصف كاس زبيب مقطع صغير نصف كاس خبز التوابل نصف كاس كوكاو محمص ومرحي رقيق
نصف كيس خميرة ونجمع بالفرينة ونشكل حسب الرغبة وندخلو للفور 180 يطيب من تحت ونشفو قليلا من فوق
ونخليه يبرد

نحك خبز التوابل في غربال عيونو كبيرة ثم نغمس وجه الحلوى في معجون المشمش ثم في بان دي بيس
ونزين بالوراق بعجينة اللوز واذناب الكرز او نمرر خطوط تاع الكرمال تمد ذوق وعطر رائع للحلوى

ممكن تعملي حشوة للحلوى بالحلقوم او نصف حبة شكولا
تخرج كمية لاباس بيها.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[ام سهام 02]

[size="6"]بارك الله فيك حبيبتي ادرينو ربي يحفظ لك وليداتك و اتشوفهم في اعلى المراتب راني انشوف ماكاش الطبق تع المحاشي اذا ما لقيتهش انعاود انحطو حبيبتي وشكراااااا مرة اخرى [/size]

[idron0]

المشاركة الأصلية كتبت بواسطة ام سهام 02

[size="6"]بارك الله فيك حبيبتي ادرينو ربي يحفظ لك وليداتك و اتشوفهم في اعلى المراتب راني انشوف ماكh
اش الطبق تع المحاشي اذا ما لقيتهش انعاود انحطو حبيبتي وشكراااااا مرة اخرى [/size]

h
اسفة حبيبتي حوست على الصورة و لم اجدها

[idron0]

الحشوات لحشو التورت السوفلي الفطائر لي كخاب الديول oum islem

الحشوة 1
2حبة بذنجان متوسطة...150غ لحم مفروم...قطع من الجبن...ملح...فلفل اسود...كمون...فص ثوم...1م ك زبدة
غلفي البذنجان بورق الطهي ثم بورق الالمنيوم
واطهيه في الفرن حوالي 45د او اقل حسب حجم الحبة
يبرد قليلااقسميه وانزعي اللب بملعقة
قلي اللحم مع الزبدة والثوم والتوابل ثم اضيفيالبذنجان المقطع والكسبر اخضر او معدنوس
وقطع من الجبن الخاص بالطبخ
واستعمليه كحشو لذيذ جدا بالاضافة الى فوائد البذنجان التي لا تعد ولا تحصى.
الحشوة 2
400غ من الكروفات الجمبري...300ملل حليب...قطع من الجبن ...كمية من المعدنوس المقطع ملح وفلفل اسود
غلي الكروفات في الماء و الملح ثم قطريها وقطعيهاواضيفي باقي المقادير
انا نستعملها لحشو لي كراب المقليين بلا با نير رائعة عن تجربة.

[idron0]

الكيك المالح oum islem

معقودة درتها في كاسرولة ما نحبهاش في الفوغ نحسها ناشفة وثقيلة

حبات بطاطا مقشرين ومقطعين نطيبوهم على البخار نهرسوهم بفرشاة مع الجبن وملح وفلفل اسود وشابلير 2م ك وعلبة بتي سويس صغيرة
و2 م ك حليب سائل ومعدنوس مقطع وحبتين بيض
للحشو استعملت صلصة بيتزا ودجاج طايب ومفتت ممكن تعملي حشو اخر المهم يكون فيه صوص
ادهنت كاسرولة ما تلصقش بالزبدة والشابلير مليح
حطيت طبقة بطاطا وطبقة حشو بدون ما نوصل الحشو للحواف ثم طبقة اخيرة بطاطا
خليها فوق نار هادئة الى متوسطة مع الغطاء ادهني الوجه بالحليب والشابلير واقلبيها فوق مقلاة اخرى اسهل تكون ساخنة ومدهونة بالزيت اوزبدة
حتى تاخذ لون من الوجه الثاني .


إضغط هنا لرؤية الصورة بحجمها الطبيعي.

[idron0]

طريقة تحضير الفريك oum islem

اولا نشرو الفريك تاع الحب نغسلوه جيدا من الغبار ومن السواد تاع الشواء تاعو
لانو يخلي المرق لونو وطعمو مش مقبول
نزيدولو شوية ملح ونحطوه يجف في مكان نظيف ومعرض لاشعة الشمس
لما يجف نقوه مليح من الحصى الصغيرة وكامل الشوائب لي فيه و نبعثوه للطاحونة وكاين لي يحب يرحيه في الرحاية تاع القهوة
ثم نغربلوه في الغربال لي عينيه كبار يعني سلاك الواحلين
ثم نعاودوه في سيار اخر ما يكونش مغلوق ياسر لي يغربلو بيه المسفوف
نتحصلو على فريك نظيف وحبيباتو قد بعضهم يطيبو كامل في نفس الوقت
بالغربلة نتخلصو من الدقيق الناعم لي يخلي المرق يلصق في قاع الطنجرة
كاين لي يحب يخلط معاه المرمز لي هو عبارة عن شعير محمص يزيد في البنة والريحة امممممم تهبل.


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

اوملات سهلة oum islem


هدي اوملات سهلة نديرها للعشاء لما نتكاسل على الكسرة لانها تتاكل بلا خبز
بطاطا مربعات مقلية...قرعة او جريوات مربعات مقلية ....روز مغلي في الماء والملح طياب كامل
مرقاز او لحم مفروم او دجاج مرحي او طايب من قبل و مفتت
نقلي البصل والفلفل حار حسب الذوق في زبدة وزيت ونضيف اللحم
نخلط جميع المكونات مع بعض
نضرب البيض مع التوابل والثوم مرحي وكمية مليحة من المعدنوسونخلط الكل مع بعض
نسخن الزيت في مقلاة ونطيب الخليط كما الاوملات
ثم نقلبو على الوجه الثاني ونقص للنار حتى يطيب من داخل البيض
وبالصحة والعافية.



إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[أم ماجد]

ام ماجد احنا ديما نجمدو الفول ويقعد كيما راه نديرو بيه شخشوخة وبربوشة
فركيه واغسليه بالماء وحطيه يفور مليح حتى يطيب ومنبعد كي يفور ملحية كيما يجيك مليح وخليه يبرد مليح وحطيه فالساشيات وحطيه المجمد يقعدلك حتى 6اشهر

وصفة وردة الشمس

[idron0]

وصفة ضد الحساسية فرح العمر

زنجبيل+الحبة السودا+ مستكة+عرق السوس كميات متساوية تهرسيهم مليح و لاترحيهم و تخلطيهم في عسل حر او عسل الشفاء. و هو اقرب للعسل الحر و تاكلي منو كل يوم و مهم جدا المداومة لان كيما تعرفو دوا عرب بالطول باش يمد المفعول
هذي الوصفة مجربتها امي و اختي و جابتلهم نتيجة و طبعا قبل الوصفة الله هو الشافي المعافي.

[سهيلة2013]

شكراااااااااااااااااااااااااااااا

[idron0]

الدهان oum islem

طريقة تحضيرو في الولاية تختلف عن طريقة الغالية ام سهام
لذا حبيت نحطها ممكن يستفيد منها البعض
زبدة بقر نغسلها جيدا بالماء البارد يعني نضعها في الماء وونضغط عليها باطراف الاصابع
وكاننا نعصر ونغير الماء حتى نتخلص من كمية الحليب لي فيها
نقطرها جيدا من الماء ونذوبها في كاسرولة على نار هادئة
نخليها تبات ليلة في الثلاجة مش في المجمد
وفي الغد نحدث ثقب في الزبدة ونتخلص من الماء والحليب الراسب في قعر الكاسرولة
نعيد تذويبها مع اضافة الملح ونحرك جيدا نفرغها في بلارة زجاجية ولما تبرد نغلقها باحكام
ونتركها في الخزانة لمدة شهر او اكثر حسب حرارة الفصل اذا كان الصيف يجهز بسرعة
وضروري نخبيه في الثلاجة اما اذاكان الجو بارد خبيه في خزانة المطبخ عادي
يبقى اكثر من سنة ولا يتعفن طعمه لذيذ جدا مع الكسكس والشخشوخة.

[ام احمدي]

كريمة الموكا للفنانة عازفةالناي

كريمة الموكا كاين 2 انواع
1 - كريمة الموكا اللي عملتها سهلة
* ذوبت كمية من النسكافيه في الحليب و خليته يبرد ملييييييييييييييييييييح في الثلاجة و طلعت بيه الكريم شانتيي ... اللون جاني فاتح ماكثرتش النسكافيه ... انت ممكن تكثري حسب رغبتك والذوق جات تحفة اممممممممممممم
2 - كريم باتيسيار عادي و تزيديلها نيسكافيه تجييييييييييييييك قمة و روووووووووووووعة خاصة مع الاكلير و الميلفاي مانحكيلكش امممممممممممممممممممم

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[chez biba]

** تارت التفاح بالكراميل ام ابراهيم **







تخدمي كراميل بكمية من السكر و قليييل من الماء فوق النار حتى يتحول الى كراميل لونو اصفر
نقطع التفاح بعد ما نقشرو الى شرائح شوية خشينة ماشي رقيقة
نجهز خليط الكيكة اي وصفة معتمدتها انا درتها بكيكة الياؤورت امممممم رهيبة
ندهن البلاتو بالزبدة و نرشو بالفرينة و نفرغ الكراميل و هو ساخن فيه و نمشيه على كامل سطح الصينية و نرص التفاح شرائح و نفرغ من فوق خليط الكيكة و الى الفرن 200 د مدة 5 دقائق ثم ننقص 180 د مدة 25 دقيقة
لما نخرجها من الفرن نقلبها في صحن حذاري لانو الكراميل يكون ساخن يغلي و ما نقولكمش على البنة رهيييييييبة كراميل مع تفاح اممممممممممم
و الي ما تحبش الكيكة ناشفة تقدر تطيب سيرو خفيف و تشربها قبل ما تتقلبها
وصفة كيكة الياؤورت
3 بيض
نكيل بعلبة الياؤورت 2كيلات سكر
كيلة زيت
علبة ياؤورت اي ذوق تحبيه انا نحب الفراولة
3كيلات فرينة
باكي خميرة