مقتنياتنا الكهرومنزلية بالصور

[أمينة مريم]

ألف شكر الأخت hafidha20010 على تجاوبك معي وعلى قلبك الطيّب سأعمل بالنصيحة بورك فيك

[نقاء سريرة]

المشاركة الأصلية كتبت بواسطة zahra ayoub

السلام عليكم اخواتي
حبيت نشارككم بقتنياتي الكهرومنزلية و مزاياها انا نم النوع اللي يسقسي مليح باش نشري والحقيقة لحد الان كلش عاجبني
اولا الثلاجة lg شريت تاع 7 ملاين تبرد هايلة نستعمل المستوى الثاني و في رمضان لانها معمرة نزيدلها حتى 5 من ناحية الحجم مليحة برك لازم تنظميها مليح باش ترفدلك بزاف
اما الكونجيلاتور رائع كبير و ما يديرشش الجليد خلاص

ثانيا التلفاز lg بلازما رائع فيه ديمو يعني تيليكوموند وحدة و نقصان خيوط ههههه و ثاني ما تخميش وين تحطي الديمو و ما نحكيلكمش على qualité d image روعة اشريتو ب 4 ملاين

ثالثا الغسالة lg
5 كغ رائعة

من فضلك اختي شحال من بوس فيه تلفاز كم .عندنا واحد صغير شريناه من عامين ب4ملاين و9مية وما فيهش الديمو

[نقاء سريرة]

جيت متاخرة .عندنا طباخة *كويزنيار انبام *عمرها 23 عام ماشاء الله عليها طيابها هايل كبيرة مانفكرش نبدلها تماما .وفرن كهربائي لوتيس شريناه من عامين ب900الف ممتاز وثلاجة بيكو الله يباركعندها حوالي 4-5سنين وقتها كانت ب3ملاين و600الف و مكواة كلور عندها عام وزيادة هايلة شريناها ب450الف ومكيف الهواء 18000سامسونغ عندو 4سنين جيد و برا ساب 450واط عندو اكثر من عام باقل من 400الف ورووبو فرنسي مستر شاف من مولينكس عندو ازيد من 10سنين وقتها شريتو ب370الف على ما ادكر .

ومؤخرا شريت ميكرووند ب1400الف يطيب ويسخن و عجانة معها رحاية لحم ولصنع العصير ب1500الف ماركة براندت بقوة 800واط لم اجربهما بعد *لان البعض خوفوني من مخاطر المكرووند على الصحة * ممكن تفيدني الاخوات مشكورات بمعلومات عنهما .

بالمختصر المفيد عندنا كوتيل من الماركات .ونسيت نخبركم بماشينة غسيل الملابس ارتير مارتن مقبولةجدا 5كغ من 2001 لكني افكر في شراء اخرى بلاستيكيةكبيرة 14-15كغ لربح الوقت وتغسل كلشيء الملابس بالوانها الداكنة والملونة على دفعات واقتصد في الماء ايضا

[benlameur sabah]

بارك الله فيكن. معلومات قيِّمة

[ريحانة24]

موضوع قمة احسنت اختي

[أم الحبايب 26]

بصاحتكم كامل واش شريتو

[وردة برية]

مساء الخير : أنا حابة نشري كويزينيار ‏comdor‏ متوسطة الحجم و حابة نعرف إذا تشعل من تحت و فوق في نفس الوقت ، أرجو الإجابة

[hassina83]

انا مشكلتي الظهر يوجعني بزاف وعندي الطابيات الصاالو ثقال بزاف وكبار ندمت لي شريتهم يا ريت تقولولي هل كاين اسبيراتور تنظفهم بلاما نتعب لي عندها وحدا تقولي ربي يجازيكم

[ommo khawla]

اختي انا عندي مكنسة كهربائية كوبرا تخدم باماء او جافة نفعتني براف

[hassina83]

المشاركة الأصلية كتبت بواسطة ommo khawla

اختي انا عندي مكنسة كهربائية كوبرا تخدم باماء او جافة نفعتني براف

من فضلك حطيلي الصورة ديالها باش نشري كيفها ما عرفتش كيفاش

[Hinda_dz]

بارك الله فيكم على الموضوع الجميل

[جنة نور الايمان]

موضوع رائع

[أم أيمن الحبيب]

السلام عليكم انشاء الله ما نكونش متأخرة
الثلاجة والكويزينارعندي geant ماشي عاجبيني الثلاجة حجم صغير غير كافية وتدير الثلج من الأسفل إذا زدتلها أما الكويزينيار كانت نارها قليلة حتى صنعناها وزيد الفرن خاسر ويشعل من الأسفل فقط اشتراهم زوجي قبل الزواج.
منذ مدة اشتريت غسالة ألجي 7 كلغ هايلة حتى الساعة بحوالي 51000 دج
والبرا ميكسور موليناكس مليح لكن يدير الحس ب3800 دج
حابة نبدل الثلاجة والكويزينيار فكرت في ثلاجة سامسونغ أو كوندور كبيرة وكويزينيار بروند لكن شوية غالية اللي عندها خبرة تفيدني جزاها الله خيرا خاصة الثلاجة حابة نشريها الشهر القادم

[أم محمد و عبد الله]

السلام عليكم
بنااات حابة نشري الة نزع الشعر braun silk epil لكن معرفتش شكون فيهم خير ان شاء الله رح نروح عروسة بعد رمضان و حابة نجربها من دك لي عندها راي ترايي عليا و شكرا

[noor hassenl]

المشاركة الأصلية كتبت بواسطة ام نور78

الحمد لله شريت فرن غاز **السعادة** كان عندي فرن أخر وجاني كبير وفرن كهربائي مايطيبش الخبز مليح...جربت فيه الخبز والمسكوتشة وجاوني تحفة وهذي الصور تاعه وأي استفسار راني هنا

بصحتك اختي درتيلو غاز المدينة او غاز القارورة