مملحات بعجينة 10 دقائق جاوني كباااااااااااااااار

white-heart · 2013-07-14, 09:41

السلام عليكم
عجينة 10 دقائق عجبتني حبيت نجربها اولا في المرحلة 2 اضافة 3 كؤوس فرينة جاتني قليلة بزااااف لانو العجينة بقات سائلة اضفت أكتر من 3 كؤوس
بالنسبة للخبز خرجتلي هاااايلة لكن للملحات جاتني كارثة لانو 2 مغارف كبار خمارة بزاف في هاد السخانة
شكل المملحات تغير ورجع حجمه 3 مرات الحجم المرغوب فيه بالرغم من انني عملت عجينة رقيقة
كيفاش اتحاشى هاد المشكل المرة الجاية شكرااا

white-heart · 2013-07-14, 11:52

يا الله يا الفحلااااااات اللي مجربينها جاوبوني الله يسجيكم

يا الله احبك · 2013-07-14, 12:41

يعطيك العافية .اعجبتني

احلى حياة · 2013-07-14, 12:47

اختى ديرى نصف الكمية فقط لانو عاديك الكمية تخرجلك بزاف وثانيا نفصى فى كمية الخميرة وثالث شئء لازم ترقى شوية العجينة واخيرا لازم متخليهاش تخمر ابداى مياشرة تشكليها وطيبيها طول بلا متسناى انا نحط نصفها فى الثلاجة باه متتخمرش بزاف

احلى حياة · 2013-07-14, 12:48

انتى حاولى تدير نصف الكمية فقط \يرى معاها نصف ملعقة كبيرة خميرة

om kheiyrour · 2013-07-14, 15:32

momkin min fadllek tmadili rabet wasfa ta3 hed ajina

صابرة2013 · 2013-07-14, 15:32

يعطيك الصحة

narimane16 · 2013-07-14, 16:12

ختي ديري النصف تاع الكمية هاذيك راهي بزاف كاس ونصف غرينة مع 1 مغرفة خميرة

white-heart · 2013-07-16, 11:33

اقتباس:

المشاركة الأصلية كتبت بواسطة احلى حياة

اختى ديرى نصف الكمية فقط لانو عاديك الكمية تخرجلك بزاف وثانيا نفصى فى كمية الخميرة وثالث شئء لازم ترقى شوية العجينة واخيرا لازم متخليهاش تخمر ابداى مياشرة تشكليها وطيبيها طول بلا متسناى انا نحط نصفها فى الثلاجة باه متتخمرش بزاف

رققت العجينة وما خليتهاش تخمر لكن استعملت الكمية كاملة
مين نصنع حبة ونحطها في السنيوة ونبدا نصنع في التالية الحبة الاولى تكبر هههه يعني مع السخانة ما نجي نكمل السنيوة كل المملحات يكبرو

امونة الشاوية · 2013-07-18, 02:25

ريمه · 2013-07-18, 12:25

حبيبتي شوفي
حطي ملعقه وحده خميره
ضيفي بالاول كاسين فرينه و خميره وملعقه سكر و كاس حليب فقط
وبعد 10 دقايق ضيفي نصف كاس زيت و ضيفي الفرينه حتى تلتم مي ماتكونش قاصحه خليها تلصق في يديك
وخليها تخمر او استعمليها مباشره

نسيم الإيمان · 2013-07-18, 12:57

حنونة انا ندير عجينة عشر دقايق كيما هك
المرحلة الأولى: كاس فرينة + مغرف كبيرة سكر+ مغرف كبيرة خميرة + كاس ماء دافي
نخلط مليح يوليلك الخليط سائل تخليه يخمر حتى يخرجو فقاقيع
المرحلة الثانية: نص كاس زيت + ملح خلطي مليح +حوالي 3 كيسان فرينة حتى تولي طرية مش قاسحة
و تعجني شوي خلاص تولي واجدة تحشي بواش حبيتي ولا ديريها بيتزا
تخليها تخمر شوي و طيبيها على نار شووووي قاوية باه ماتيبسش
الكاس لي نستعملو كاس الماء العادي

mojab · 2013-11-23, 14:40

شكرا

aya la belle · 2013-11-25, 11:31

يا اختى انا جربتها كيفك فى الخبز هايلة همه فى المملحات ندير مغرف صغيرة خميرة وتجينى سوا سوا

ام سراج وملاك · 2013-12-27, 14:51

اهلا اختي انا جربتها لكني درت كاس صغير ودرت مغرف صغيرة خميرة وتبعت الخطوات اكل جاتني روعة خطراه انا من طبعي نشتي ندير بيتزا او فطائر يكون لعجين رقيق وطري في نفس الوقت الكمية لي درتها بالكاس الصغير جاتني 2 قرصات