من من مواليد 1982 وصله استدعاء مارس 2014

ken50 · 2014-02-03, 14:07

من من مواليد 1982 وصله استدعاء مارس 2014 ارجو التواصل وان وصل احدكم يضع المعلومة وشكرا

sinopointic4 · 2014-02-03, 17:32

بالتوفيق....

nacerbba · 2014-02-03, 23:53

84 وصلني استدعاء

moh_boulk18 · 2014-02-04, 12:54

هل 83 و 82 من وصله الاستدعاء

djozef_19 · 2014-02-04, 21:31

hhhhhhhhhhhhhhhhhhhhhhhhhhhhh

souhiel · 2014-02-04, 21:42

عيب عليهم والله ما يحشمو

hakimdima · 2014-02-04, 22:42

بالتوفيق....

moimem · 2014-02-04, 22:53

هل الاستدعاءات التي وصلت للاخوة دفعة مارس من الجامعيين؟

mohamedi1986 · 2014-02-05, 15:29

السلام عليكم انا وصلني ليوم و رسلوني لمدرسة التطبيقية للنقل و المرور بتلمسان ضابط احتياطي الي تاني راه رايح لهاد المدرسة يقولنا

serza · 2014-02-05, 19:24

والله العظيم هده الخدمة الوطنية مشكل كل الشباب خاصة خريجي الجامعات ،لكن هدا شر لا بد منه
ك ربي يعينكم ، كل شئ يفوت + انا كنت نعاني من هده الخدمة ولكن الحمد لله ديت لكارت الجون ، لعقوبة ليكم ان شاء الله انا في سبتمبر لي فات روحت وخرجت فائض والحمد لله
واش نقولكم ننصحكم لي بعتولي يروح خير لانه راه يكون في مارس هدا فائض لان الناس كامل بعتوهم
حظوظكم في الخروج كبيرة خاصة لعندوا :دوسي ميدكال والا كفالة عائلية

serza · 2014-02-05, 19:45

ياجماعة لي عندوا دوسي ميدكال ولا كفالة عائلية غير يديه معاه ، راه يعاونوا بزاف
لانه رايح يكون فائض في مارس هدا، لانه ماكان حتى قانون اعفاء لحد الساعة بالنسبة لخريجي 2010 و2011
وزيد راهم يبعتوا في الاستدعاءات درك وادا خرج القانون رايح يخرج في جوان ولا جويلية ، وهدا القانون يمس جماعة المنسيين برك ، لانه لعندوا من قبل استدعاء ماعندوش الحق في الاغفاء.
واش نقولك ربي يوفقكم ويعفيكم من هدا الخدمة الوطنية .

mohamedi1986 · 2014-02-06, 10:23

جماعة انا وصلني الاستدعاء باش نروح في 15 مارس نقدر ندير روطار حتى 5 ولا 6 افريل عندي سوتنوس تاع تقني سامي ومانيش حاب نراطيها

amineb64 · 2014-02-06, 22:22

mohamed1986
واه تقدر و نورمال ماشي شرط تروح في لادات نتاع 16 ولا 15 الكازيرنا تبلع من على شهر عاد تغلق يعني تغلق حتى 15 من الشهر الجاي
انا مجرب لقد اديتها و الحمد لله

serza · 2014-02-08, 09:52

لا يااخي انا مانوافقش الراي، هي الكازيرنة تغلق بعد شهر كالعادة ، ولكن اخي في حالة يكون فائض في الكازيرنة راح تغلق 01 افريل
انا روحت في سبتمبر لي فات 2013 كان فائض في جميع الكازيرنات في الجزائر ، تم غلق عملية التجنيد 01 اكتوبر
ولهدا ملتقدرش تقول الكازيرنة تغلق 15 ولا 01 هما حساب العدد. جماعة لي جاو بعد 01 اكتوبر كشاولهم في امر الاستدعاء التحق بعد اقفال عملية التجنيد ، يعني يوخروك 06 شهر خلاف.
لازمك انت تسقسي كاش واحد صاحبك رايح يفوت يعطيك معلومات تروح روتار ولا تروح فالوقت.
المهم بالتوفيق

serza · 2014-02-08, 09:54

ونزيد ننصحك الا عندك كاش دوسي ميدكال ولا كفالة عائلية اديه معاك راح يفيدك بزاف
انا في سبتمبر لي فات خرجت فائض ، والحمد لله