تتويج افضل 03 عضوات بقسم الكروشي

[أناييس الربيع]

المشاركة الأصلية كتبت بواسطة نهال13

الف مبروك للمتاهلات ا لبنات والله كل اعمالكم روعة انا مفهمتش كفاه كان تصويت مش عادل يخى محطوش الاسماء اختى انايس انا صوت على العمل تاعك مع انى منعرفكش بصح عجبتنى دمية تاعك وحفزتنى نخدم حدة لبنتى انا نظن التصويت ميقدرش قيمة العمل لانو كاين لسخف على روبات الدميات ومقدرتش تخدمها

يعطيك الصحة أختي طلعتيلي المورال

الحمد لله أنو عجبت وحدة بلا معريفة

وأخيرا كائن ليقدر المجهود

ملاحظة رانا من نفس الولاية

[ام حمزة22]

مبروك للفائزات
جيل بوبيتك شابة وريتها الامي البارح قالتلي هاد الروبة شابة عجبتها هي والبوبية نتاع ام عبدو

[ام عبد المعز]

alf mabrouk li koum man faz fi mousabaka 3aroussat el krochi.
in cha lah nkoun wahda min almoucharikin fi marat oukhra

[abir chemss]

مبروك على الفائزات رغم اني ما نعرفش بعض العضوات لكن صوت على الاولي ................اختي ساكورا و جيل تاريخكم العظيم معروف في الكروشي مش هذه المسابقة اللي راح تبين امكانياتكم لكن الظروف ما ساعدتكمش ................الحمد لله ما دخلتش المسابقة لكنت تبهدلت معاكم ههههههههه

[ام مهدي 03]

مبروك للفائزات وحظ اوفر للبقية .لكن كلكن مميزات والله .وكل عمل بلمسته

[ام مهدي 03]

انا ما فهمتش علاه تقولو تبهديلة. المسابقة راهى غير تزيد تقربنا من بعض وتخلينا نقهرو ظروفنا ونتعلمو اكثر
يابنات ما كانش خاسر ورابح الكل جيد وبارك الله فى الجميع

[لمسة من الماضي]

المشاركة الأصلية كتبت بواسطة أناييس الربيع

مبروك للفائزات وهذه أول وآخر مرة نشترك معكم في التصفيات

على الأقل نهار تكون عندي معريفة ع الأقل كيما قالت احدى العضوات

وثانيا كان من المفروض التركيز ع لون الفستان وراني شفت النتيجة

وثالثا أنا لا أطعن في مصداقية المشرفات .

أكيد كل عضوة بذلت مجهود



معليش نهار يكون عندي أصدقاء في هذا المنتدى

سأدخل هذا القسم (ع الأقل مانتبهدلش في التصويت)

القضية ليست صديقات لان نحن لم نعرف من هن اصحاب العمل

فقط صوتنا على المشروع

فلا تزعلي الجايات اكثر و تشاركي معنا فالفشل ليس النهاية و منتدى الجلفة احلى ما فيه اللمة و الكروشية

تحياتي لك اختى

[fifiarch]

مساااءكم خير
وتحياتي للجميع


اسعدتني الردود

هكا تبينو للمشتركات كيف كان تصويتكم

انانيس دميتك اكيد هايلة
وانا نقول كلكم كنتو رائعات

[لمسة من الماضي]

مبروك للفائزات

و حظ موفق

للاخريات في مسابقات اخرى


اما عن التصويت كل واحدة واش عجبها

انا مثلا بصراحة صوت للاخت ساكورة من غير ما اعرف لمن العمل

و لو اني احترت لان الاول كذلك عجبني

[Housna91]

الف مبروك للفائزات مع تمنياتي لكن بالتوفيق في المسابقات الموالية

[محبة الكروشي]

بصراااااااااااااااااااحة مولات المركز الاول تستاهل وانا شخصيا صوتلها والمسابقة تمت بكل نزاهة واللي تقول معنديش المعريفة راهي غلسة بسكو ما كناش نعرفو اسما صاحبة كل عمل

[أوتار*]

ألف مبروووووووووووووووك للفائزات

كل الأعمال رائعة يعطيكم الصحة لبنات

لكن أكثر فستان عجبني كان الأول والأخر كان لساكورا واحترت لمن نصوت وفي الأخير اخترت الأول

حظ أوفر للبقية

[sakura be]

المشاركة الأصلية كتبت بواسطة محبة الكروشي

بصراااااااااااااااااااحة مولات المركز الاول تستاهل وانا شخصيا صوتلها والمسابقة تمت بكل نزاهة واللي تقول معنديش المعريفة راهي غلسة بسكو ما كناش نعرفو اسما صاحبة كل عمل

السلام عليكم
والله حزنت لما الت اليه الامور
بنات ان شاء الله تعتبروها سحابة برك وفاتت وان شاء الله ترجع الامور كيما كانت واحسن
والاخت اناييس وجيل واماني بلاكو تخلولنا القسم بلابيكم رح يسماط
ماتقولوش انو مش زعفانة والله زعفت وبكيت وش ندير حساسة صدمني التصويت
مالقيتش تعليقات على بوبيتي حرت............ لهاد الدرجة ؟؟؟؟؟ بصح بعد ماشفت بنات اختي يتهاوشو عليها تاكدت انها زينة و انا اصلا راضية كل الرضى على خدمتي
مرة اخرى نتمنى للبنات التوفيق ولاخواتي وحبيباتي اللي كي حالتي ماتزعفوش بلييييييييييز

[سوسو95]

السلام عليكم منيش عارفة علاه راه غايضكم الحال انتوما شاركتو


وزيد انا اصلا كنت حايرة بين هادة تلاتة وصوت في الاخير على ام عبدوو

[ام امجد و انفال]

مبارك للفائزات المتألقات على ابداعهن