تجربتي مع عجينة السيراميك

ام رحوقة · 2012-03-19, 16:06

جربت اولا عجينة مكونة من غراء ونشاء وملعقة كبيرة سيليكون وخدمت بيها لكن المشكلة انها تشققت بعد الجفاف وتكسرت
هذا كاس

وهذا بالابيض

وهذي قارورة

وهذي تعليقة

فبحثت في النت ولقيت طريقة اخرى ماتتشققش بزاف كما الاولى وهي كوب غراء وكوب نشاء نخلطهم مليح ونزيد زوج مغارف زيت وزوج مغارف خل ابيض وخلطي مبعد حطيهم في مقلة تيفال وخلطي على نار قليلة حتى تبدا كرة واحدة وتتلم خليها وروحي حطي كريم نيفيا بزاااف في يدك وامسحي السطح الي راح تعملي عليه وابداي تعجنيها مليييييح حتى تبدا بيضاااا وطرية
غلفيها بكيس واخدمي وهذو تجارب بالعجينة الثانية تشققو شويية مش كما الاولى
هذا دبدوب لبنتي

وهذي ورود

وهدا نوع اخر منالورود

نبوغ · 2012-03-19, 19:11

يعطيك الصحة ربي يبارك فيك

salima14 · 2012-03-19, 19:18

الله يبارك أختي راكي فنانة لكيسان هايلين يعطيك الصحة

faizarbh · 2012-03-19, 19:41

الله يبارك روعة

ام رحوقة · 2012-03-25, 07:13

وقيلة ماعجبوكمش اعمالي
كنت رايحة نزيد نوريلكم واش زدت خدمت مي جابلي ربي ماراحش يلقاو ترحييييييييب

arenouba · 2012-03-28, 14:02

من فضلك أختي قوليلي كيفاش خليتيها تبرق هكذا
وش نوع من الغرااء درتيه ؟

ام مرية · 2012-03-28, 17:49

ما شاء الله شابين انا ما نعرفش بزاف في هادا الفن مي الشي الي عملتيه عجبني بزاف يعطيك الصحة

وبصحتها بنتك الدبدوب انا بنتي تقولو دودو

ام رحوقة · 2012-04-01, 16:58

اللمعان يجي من الvernis
تاع الحطب بعدما تنشف العجينة كليا ديريلها الفارني

-رودينا- · 2012-04-02, 10:14

يعطيك الصحة حبيبتي اعمال جميلة
عندي سوؤال باش لصقتى في الكاس كاين غراء خاص
التلميع هل فارني مارن هو نفسو فارني الحطب
والسؤوال الاخير انا بحثت على الخل الابيض مالقيتش صبت لي فية قو ديال زيت الزيتون او الثوم وفي راي مايناسبش وين صبتي الخل الابيض
مشكورة مقدما

asmahane123 · 2012-04-03, 00:57

يعطيك الصحة عجبوني بزاف و عندك الله يبارك في يدك ... و انا عندي خبرة في السيراميك و هادي اعمالي حبيت برك ننصحك في بعض الامور

اولا الفارني يا اختي كيديره قللي منه فقط مسح بسيط بالفرشاة حتى تعطي اللمعة نتاع الزجاج
تانيا في المواد الي تستعملي فيهم يكفيكي الغراء و النشاء و القليل من زيت اللوز القليل جدا ... بل و هي سخونة غير تنشف من التيفال اعجينيها او ادلكيها بشوي كريم و ليس زيت متلا نيفيا او فازلين و حطيها و هي شوي حامية في كيس بلاستيكي في الثلاجة .. ممكن تستعمليها لمدة تزيد عن شهرين او ثلاث و لكن في البلاستيك ......... حادري الفرن لانها راح الاعمال نتاعك تتنفخ
تالتا انصحك بعد استخدام القوالب في الزهر حبدا تشكلي بيدك راح تجيك صعبة و لكن تعودي و تخليش العجينة تكون صظية جدا او يابسة جدا ///// كاين حكمة ادا كانت العجينة طرية بزاف مشيها في يدك بالمايزينة و ادا كانت يابسة بزاف حليها بشوي ماء وشكلي بكرام مش بالزيت نتمنالك التوفيق

ام رحوقة · 2012-04-03, 13:45

اقتباس:

المشاركة الأصلية كتبت بواسطة حراوية وافتخر

يعطيك الصحة حبيبتي اعمال جميلة
عندي سوؤال باش لصقتى في الكاس كاين غراء خاص
التلميع هل فارني مارن هو نفسو فارني الحطب
والسؤوال الاخير انا بحثت على الخل الابيض مالقيتش صبت لي فية قو ديال زيت الزيتون او الثوم وفي راي مايناسبش وين صبتي الخل الابيض
مشكورة مقدما

اختي بالنسبة للصق استعملت عادي الغراء الي خدمت بيه العجينة
والفارني والله ماعلابالي المهم الي يلمعو بيه الحطب راني في السودان على ذاك ماعلاباليش واش من ماركة في الجزائر
والخل الابيض هو الي نديروه في السلطة عادي تاعنا

ام رحوقة · 2012-04-03, 13:48

اقتباس:

المشاركة الأصلية كتبت بواسطة asmahane123

يعطيك الصحة عجبوني بزاف و عندك الله يبارك في يدك ... و انا عندي خبرة في السيراميك و هادي اعمالي حبيت برك ننصحك في بعض الامور

اولا الفارني يا اختي كيديره قللي منه فقط مسح بسيط بالفرشاة حتى تعطي اللمعة نتاع الزجاج
تانيا في المواد الي تستعملي فيهم يكفيكي الغراء و النشاء و القليل من زيت اللوز القليل جدا ... بل و هي سخونة غير تنشف من التيفال اعجينيها او ادلكيها بشوي كريم و ليس زيت متلا نيفيا او فازلين و حطيها و هي شوي حامية في كيس بلاستيكي في الثلاجة .. ممكن تستعمليها لمدة تزيد عن شهرين او ثلاث و لكن في البلاستيك ......... حادري الفرن لانها راح الاعمال نتاعك تتنفخ
تالتا انصحك بعد استخدام القوالب في الزهر حبدا تشكلي بيدك راح تجيك صعبة و لكن تعودي و تخليش العجينة تكون صظية جدا او يابسة جدا ///// كاين حكمة ادا كانت العجينة طرية بزاف مشيها في يدك بالمايزينة و ادا كانت يابسة بزاف حليها بشوي ماء وشكلي بكرام مش بالزيت نتمنالك التوفيق

شكرا جزيلا اختي اسمهان على المساعدة والنصائح القيمة
والفارني راني نكصر منو خاصة في الاكواب والصحون لانه يعمل لي طبقة عازلة عن الماء لما نغسلهم
لما جربت قللت من الفارني تشمخو الوردات ونصلو من الكاس هل تعرفي غراء معين مايطيرش بالماء؟
والوصفة تاعي لقيتها في النت ولقيت ثان وصفات اخرين كما الي راكي ذكرتيها لكن هاذي احسن وحدة نجحتلي وتخرج روعة

asmahane123 · 2012-04-03, 14:30

انا بالنسبة ليا منغسلش الاوالني بالماء و الصابون فقط للديكور يكون احسن اما حكاية الخل الابيض تخليلي العجينة ملساء بزاف متساعدكش باش تخدمي راح تجف راح تجف سواء بالخل او بغيرو استعملي ملعقة ملح ناعم اما للصق انا نستعمل السيليكون نتاع البيستولي ولكن كاين نوعين اختي العزيزة كاين سيليكون شفاف هداك منحبوش تمتم ينصل وميلقش تمتم انا نستعمل السيليكون الشفاف الي مايل للحليبي اي نوعا ما احرش هكدا ميطيروش الوردات مهما يكن انا نسعمل السيراميك في الكادرات و الخشب و كل الانواع كما انني ارمم التحف الفنية و القديمة عندي بزاف اعمال ان شاء الله نوريهملكم ..... اما بالنسبة للخل تنجمي تستعملي حتى الخل الي فيه الراحة نتاع الليمون او زيت الزيتون لان السيراميك يجف ولا يترك رائحة ................................... على فكرة اختي العزيزة جففي الوردات مليح في الشمس او قرب المدفأة و ليس في الفرن عندما يجف تماما يتحمل الغسل الخفيف بالماء انا جربته .......................

asmahane123 · 2012-04-03, 14:52

اختي العزيزة الشكل الاول يبين بواش راني نلصق بالبيستولي و اختاري السيليكون الي يكون شفاف مائل للحليبي اي القاسي و ليس اللين باش تكون متينة
تاني صورة الفارني هو فارني الخشب العادي طبعا بالبانسو راح تستعمليه و لا تنقعي الوردات او الاشكال مرري بالبانسو او ممكن تخليها بيضاء و تلونيها بطلاء الاضافر تاني صورة هي ااالوان لي تستعمليهم في تلوين العجينةو كدا تستعملي ملونات الغدائية نتاع القاطو

ام رحوقة · 2012-04-07, 11:21

شكرا جزيلا اخواتي على الردود والنصائح القيمة
هل ممكن تحطولنا جميع اعمالكم بهاذ العجينة الله يخليكم