(¯`·.(¯`انطلاق ورشة الصالون.·`¯).·`¯) تم وضع الاعمال

[*ام عبد الكريم*]

واش هذا يا بنات تسجلو و مبعد تهربو علاش راهي فالفائدة للجميع و احنا الكسبنين ....ان شاء الله برك الاخ عمر ما يلغيش الورشة و يحط الاحتياطين ....

[ام ورود]

[COLOR="Red"]انا ام ورود مشتركة فالورشة وحابة نخيط des coussin,des jeté,couvre banquett[/COLOR
عاى كل نسنا موديلات الاخت سطايفية باش نسرق شوية ونقرر واش ندير
اخ عمر النت راهو كان مقطوع عندي اسفة على التاخير .سلام

[polyma]

صباح الخير كنت غير نستنا حت كي دخلت القيت اسمي بين احتياطية راني جيت النت كان مقطوع عندي
انا polyma قائمة احتياطية مشتركة فالورشة وحابة نخيط couvre banquette ومخايد des jeté, وممكن حتى ريدو

انا polymaمشتركة في مسابقة ورشة فراش صالون

[amel...]

مادا بيك اخ عمر تقولنا درك وش نديرو حنا لي رانا في قائمة الاحتياط

[ام ورود]

المشاركة الأصلية كتبت بواسطة amel...

مادا بيك اخ عمر تقولنا درك وش نديرو حنا لي رانا في قائمة الاحتياط

يا اختي علاش راكي مقلقة الاخ عمر راه شايف .وكل واحد وضروفوا

[amel...]

المشاركة الأصلية كتبت بواسطة ام ورود

يا اختي علاش راكي مقلقة الاخ عمر راه شايف .وكل واحد وضروفوا

حنونة علابالي كل واحد و ضروفو ... بصح من النهار الاول القوانين باينة وواضحة

[صاحب الامل]

القائمة النهائية للمشاركات معنا
هن:












************

[صاحب الامل]

بعد ان تعرفنا على كل وحدة ووش حابة تخيط

السؤال التالي :

**هل عندك فكرة معينة حابة تنفذيها؟
**هل عندك قماش معين حابة تخدمي بيه؟
**هل تريدين المزج بين الاقمشة والالوان ؟

****

اخر اجل للاجابة سيكون
الثلاثاء قبل 22.00

[تقوى اماني]

الانترنيت راهي مهبلتنى
حابة نخيط مخايد وكوفر بونكات

[تقوى اماني]

اريد المزج بين لون سادة ولون مشجر
في الكوفر الوسط مشجر والحواف سادة والمخاد كذلك

[تقوى اماني]

خسارة ما صبتش روحي في الورشة الانترنيت راهي مهبلتنا هدا وين جات
يا ريت تكون هذه الورشات مفتوحة وان لا تستطيعو بعد انتهاء المسابقة يتبت الموضوع وهكا نقدرو نتعلمو منو ارجو ان يلاقي استفساري هدا الرد
والله رانا حابين نتعلمو خصوصا احنا الي في البيت وما نقدروشنخرجو للتعلم خارج المنزل
ارجو من المشرف ان ينشر الموضوع او الدروس ليستفاد الجميع ومن معي ارجو منه ان يتوسل للمشرفين ان ياخذوا طلبن بعن الاعتبار

[kika85]

اخ عمر بصراحة ما زال ما عنديش فكرة معينة بصح حابة حاجة سامبل و ساهلة باسكو انا مبتدئة في الخياطة وزيد خدامة يعني لازملي حاجة ساهلة...اللون يا ريت لو نجمع بين لونين علاش لالا....اما عن القماش?فمازال ما شريت يعني نستنى حتى نخير المودال ونعرف القماش الي يوالم وتان الخبيرات يدبرو عليا...

[جلفااوية]

السلام عليكم ورحمة الله وبركاته

القماش مازال ما شريتش

الفكرة ما عندي حتى فكرة راني معولة عليكم

المزج بين الالوان ما ذابيا باش تكون حاجة مليحة وعصرية

والبساطة لانني مبتدئة ما نقدرش ندخل في المعقد ماذابيا حاجة سامبل وعامل الوقت كذلك والله المعين للجميع انشاء الله

[imi122009]

السلام عليكم ربي يجازيك بالخير اخي عمر وكل من ساهم في تطوير هذا المنتدي .أنا حابة نخيطو سامبل و بالكوردون. ويكون لون واحد البيج وفية شوية ارجونتي. و الريدو حابة ندير ليبانو. واذا اكاين كاش موال شباب اقترحوا عليا. الله يعطيكم كامل ما تتمنوا. في أمان الله

[*ام عبد الكريم*]

صباح الخير للجميع .انا يا اخي عمر رايحة نخيطو سامبل خلاص و بالكوردون انا عندي لقماش هو ابريمي و رايحة نخليه كيما هو ...باركك الله فيك