مفهمتش وش ندير في حياتي

مشكلتي · 2015-08-23, 11:28

سلام عليكم

انا عندي 24 سنة لما مديتش لباك تاعي لول تقبلت حياتي راسا على عقب عدت منحبش نخرج ومتقبلتش اني رسبت عاودت لباك للمرة ثانية مي مديتوش لانو فقدت ثقة في نفسي وبعد المرة الثانية عاودت سجلت في لباك الا اني منروحش نعقب ودك فاتو 4 سنين مدرت فيهم والو مقريت وديت لباك مسجلت في حاجة خلاف ونجحت فيها ودك لقيت روحي روذطار على نتاجاتي

العام هدا قلت نسجل في السونتر اعلام الي وبغيت نعاود الباك بصح منيش مدايرة ثقة في نفسي هل نعاود لباك ونقرالو احسن ونعاود نسجل ليكور من رغم انو ليكور مشكيتش لانو اللي يقراو كامل صغار عليا او اني نقرا في السونتر ونسجل في لباك ونقرالو في الدار دبرو عليا وانصحوني والله راها تالفتنلي وغايضتني روحي ومش قادرة ندير حتى حاجة ونحس روحي فاشلة ومنصلح لحتى شي

زهرة الحديقة · 2015-08-23, 14:05

اختي الاجابة عندك .....اقعدي مع روحك وشوفي الحاجة لتخرج عليك من تم استخيري......موفقة

nihad_htb · 2015-08-23, 14:35

السلام عليكم
اختي تأكدي بلي كاين 100000 منك وماشي غير نتي فالدنيا هادي لصراتلها هكدل وانا وحدة من بين الناس لي سوفرات على قرايتها هذي الحاجة الاولى
الحاجة الثانية هذي حياتك وواحد ماراح يبنيهالك غير نتي ولا واحد راح يرسملك طريقك غير نتي مالا ويدا راكي حاية العلو حاربي على جالو قرري وشوفي حاجة تخرجرعليك وديريها وتقنيها .ونوصيك يابنت الناس اذا حابة تعيشي حياتك لاباس ماتتلهايش بالناس ولا بكلامهم حابة تعاودي الباك عاودي حابة تديري لي كور ديري ماتقولي ني صغار ني كبار كل واحد راه يبني في حياتو اقراي وماتتتلهاي بحتى واحد المهم تكوني قانعة بواش رايحة تديري هذا مكان نتمنالك التوفيق والنجاح

mino 19 · 2015-08-23, 14:40

والله مثلك فى خسارة باك مرتين لكن فى ثالثة كانت لي عزيمة غير عادية وتحصلت عليه وحمد لله -انا نفس سنك-
سجلي فى باك وان شاء الله تربحي
ليسانس 3سنوات وسنتين مستار يعنى تكملي 29 سنة او 27 سنة
لكن احسن من مركز تكوين مهني ايضا بليسانس تستطين ايجاد عمل
انا انصحك بتسجيل فى باك
اي نصيحة انا هنا
الله يوفق

AMINA.Z · 2015-08-23, 15:18

مادام مازلتي تحكي على الباك معناه مازالت عندك رغبة باه تقراي و تنجحي
اتوكلي على الله و قولي هاد العام نجيبو و الدروس الخصوصية يساعدوك و ما يهمكش اللي يقراو معاك الى كانو صغار في السن
انتي تهمك حاجة وحدة تنجحي و تفرحي ان شاء الله

فاطمة الزهراء 29 · 2015-08-23, 16:32

خلي عزيمتك اقوى متقدري تديري واالو بدون الارادة و العزيمة القوية و الثقة بالنفس
و خلي ثقتك بربك اقوى
و متخميش في العمر او انك روطار المهم هو انك تنجحي في حياتك حتى لو عاودتي الباك الف مرة

موفقة ان شاء الله

rana1995 · 2015-08-23, 16:49

ربي يفرج عليك

first first · 2015-08-23, 17:52

لي قريبة ماكثة بالبيت عمرها بعمرك او اكثر ربما 25 قررت اجتياز الباك ونحجت هذا العام وهي الان طالبة جامعية.
لعقوبة ليك......................نتمنى لك النجاح مسبقا.......ولما لا سجلي ايضا في المعهد واش وراك ............جربي..........لاتوجد خسارة.الخسارة الكبرى هي عدم فعل شيء......لان ذلك سوف ياكل الاخضر واليابس من نفسيك........وتديها غير في كون درت .............وكون جربت .....وكون ....وكون.........وفات عام ...وفاتو زوج............مثلما تفعلين الان.
بالتوفيق.

exellance · 2015-08-23, 18:25

عاادي اختي عاودي الباك وكلك عزيمة وارادة انك تنجحي هذي اهم حاجة الثقة في النفس
اقراي وحدك في المنزل اختي اذا كان عندك مانع من الدروس الخصوصية فيوجد النت بها كل شيء يفيدك صدقيني وفي مختلف المواد
تابعيها في اليوتيوب نعطيلك امثلة اساتذة في اليوتيوب اكتبي اسمائهم فقط
الاستاذ نور الدين في الرياضيات
والاستاذ مولاي عمر في الفيزياء
ايظا يوجد الموقع الاول للدراسة في الجزائر هذا تلقاي فيه كل المواد ومنها شرح العلوم رووعة
ايظا اختي ولكي لاتحسي بالملل تابعي قسم البكالوريا هنا تستفادي بزاف اتمنى اني نكون افدتك وربي يوفقك

قدوتي رسولي · 2015-08-23, 18:51

ربي يفرج عليك استخيري

nasser26 · 2015-08-23, 19:01

الاخت الكريمة السن مراهوش عائق امام مالدراسة ابدااااااااااااااااااا

انا تحصلت على البكالوريا 28 سنة و قريت عادي و لقيت ناس فالجامعة اكبر مني

متعقديش روحك و متوسوسيش روحك عاودي البكالوريا تاعك عادي والسن مستحيل انو عائق امام الدراسة

sarah-7 · 2015-08-23, 19:17

شوفي اختي ديري الحاجة لي تحبيها في حياتك حابة تقراي و تكملي اقراي و انا ننصحك اقراي اعلام و عاودي الباك لانك تقدري ديريهم في زوج و ماتبقايش تخمي في الماضي لانو فات و لكن كملي طريقك مضيعيش وقتك و تبقاي تشوفي للوراء.
لالا حنونتي كملي حياتك و شوفي لمستقبلك انت الوحيدة المسؤولة عن حياتك و عن انجازاتك كوني فتاة قوية متحملة المسؤولية و جامي تقولي الوقت فاتك مالك صغيرة و في عمر الشباب استغلي وقتك و حققي اهدافك وربي يوفقك اختي

Zahra 30 · 2015-09-10, 10:21

القراية مليحة ختي و 2 في هذه الدنيا ما يتعلموش
1 لي يتكبر
2 لي يحشم
انا ولد عمتي عنده 40 عام هدا العام دخل يكمل قرايته و هكذا كامل لافامي ندموا و رجعوا للقراية انا كنت ندير ليكوغ مع نساء متزوجات نورمال
و الله كان يدير معانا ليكوغ أستاذ كبير شايب حاب يطلع النيفو نتاعو عادي يتبع و يكتب pskما يتكبرش لوكان واحد آخر كان يقول أنا يقريني أستاذ صغير علي
و الرسول صل الله عليه وسلم قالنا اطلبوا العلم من المهد إلى اللحد # اطلبوا العلم ولو في الصين

ربي يسهل ختي

naamane3 · 2015-09-10, 12:23

لو انك في اول مرة ماجبتيش الباك
قررتي حفض القرأن لاصبحت من الحاملات لكتاب الله
وتصبح كل نتاجاتك يحسدوك ويغيرو منك
لكن فضلتي الزائل على الدائم
عاودي حساباتك وشوفي اللي يخرج عليك

romina_auxanne · 2015-09-16, 23:26

اختي ما تخافي ماوالو توكلي على ربي
و روحي سجلي شوية عزيمة و شوية مجهودات و اجيبيه ان شاء الله التجارب لي فاتو اعتبريهم مركز قوتك، اذا حبيتي روحي ديري لي كور، و لبنات كي يعرفو عمرك ماراحش يستهزؤا بيك بالعكس راح يحترموك اكتر و اكثر لان مش اي واحد عندو المثابرة ديالك و رح تكبري في عيون عائلتك و تصنعي مستقبلك و يكون عندك هدف خير ما تقعدي فالدار و كل ما تسمعي كلمة باك ولاجامعة تتحسري، كاين بزاف امثلة ناجحة من بينهم استاذي عاود الباك خمس مرات و اليوم راه حامل الدوكتوراه، اختي اياك ان تفقدي الامل ضعي ثقتك في الله ماراحش يخيبك، ربي يوفقك ان شاء الله