شرح لطريقة عمل الوردة

[ابتهال 4]

السلام عليكم ورحمة الله تعالى وبركاته


للاخوات اللواتي سالن عن طريقة عمل الوردة هذا شرح انا تلقيتو من الاخت ام سفيان من فترة نشكرلها فضلها الله يجازيها كل خير ونقدمو بدوري للاخوات

اول حاجة نشرحلك كيفاش تبداي

ديري سلسلة فيها 10 غرز اغلقيها و ديري فوقها سطر ماي سيري 12 غرزة

و من بعد في السطر الثالث ديري 1 ماي بريد و 1 عرزة سلسلة و 1 ماي بريد و 1 سلسلة حتى تخلصي

كيتحسبي الفراغات بين لي ماي بريد تلقايهم 12

في السطر الرابع ديري في الفراغ غرزة ماي بريد و من بعد سلسلة فيها 20 غرزة و زيدي ماي بريد في الفراغ التالي و 20 غرزة سلسلة حتى تكملي

في السطر الخامس ابداي تعمري هادوك السلاسل ب لي ماي سيري
في كل سلسلة ديري 20 ماي سيري و دوري حتى ديري 8 اسطر ماي سيري

في السطر التالي
اخدمي 10 مي سيري و من بعد ديري سلسلة فيها 9 غرز واحكميها في منتصف ال 20 لماي سيري التالية بغرزة و زيدي ديري 9 غرز سلسلة و احكمي في منتصف 20 التاليين

الوردة راح ادور و حده

هذه الصور التوضيحية

[المسلمة21]

جزاك الله كل خير اختي
يا ريت التطبيق بالصور انا مبتدئة اسمحيلي ادا قلقتك

[زهرة الهضاب 19]

أنا ثاني مبتدئة ...لكن نجرب بالشرح تاعك و لا عندي اشكال معليش نسقسيك ياخي ؟؟؟ تحياتي

بارك الله فيك و ربي يكثر من أمثالك

[ابتهال 4]

شكرا اخواتي عالمرور وان شاء الله نكون افتدتكم وطبعا احنا اخوات واطلباتكم على راسي وعيني نحاول نرفعلكم صور توضح اكثر الكيفية ان شاء الله نقدر نفيدكم

[fafi05]

شكرا اختي و ربي يجازيك كل خير

[bilel9044]

شكرا على الشرح

[أم ياسين الزهراء]

يعطيك الصحة انا كنت شفت الشرح بالصور بصح نسيت وين اذا تفكرت راح نقلكم

[ابتهال 4]

انا اضفت الصور التوضيحية في اول الموضوع ياريت تشوفوها وتكون واضحة

[LILI K]

merci merci merci