اقتباس:
المشاركة الأصلية كتبت بواسطة تذكار
السلام عليكم
عندي فكرة مشروع أود تجسيدها لكن ليست لدي الخبرة في هذا المجال
أردت أن أقوم بفتح محل أوفر فيه كل ما تحتاجه العروس في جهازها من أبسط شيئ ممكن تحتاجه
لكن كيف ابدا
سأوضح أنا اسكن في منطقة ليس فيها الكثير من محلات أجهزة العروس وحتى لو وجدت الباس الثقيل ليس متوفر وحتى النوعية تكون رديئة
حبيت أني نجيب دي مودال من الجزائر وقسنطينة وباتنة ونعرضهم في محلي
لكن هل الأفضل أني أقوم بالكراء أم بالبيع ماذا ترون
وأي مساعدة ممكن تساعدني أنا أنتظرها وبسرور منكم
ووجهوني لمحلات ممكن توفر لي ما أحتاجه وشكرا لكم مسبقا
|
عجبتني الفكرة بصح كاين ملاحظة صغيرة، جابلي ربي في أم البواقي كاين عين الفكرون معناها هي بلاد اللبسة، ولا لالا؟ المهم نعطيك رايي: أنا نقترح عليك ديري نص كراء و نص للبيع، مثلا حوايج الحنة: الطبق و المرايا و الشمع و ديكور التصديرة و سلات توزيع الحلوى و بعض حوايج التصديرة، مثلا انتوما في الشرق تلبسو القنادر الثقال كالفرقاني و غالبا ما يكونو غاليين خصوصا في وقتنا هذا، علاه ما تكريهومش و بأسعار معقولة انتي تربحي و هما يستفادو علاخاطر أغلبية العرايس اليوم ولاو مايقدروش يديرو كلش وامبعد تاكلهم الخزانة، كري ساكات و تاجات و حتى سبابط التصديرة، صدقيني أغلبيتهم يلبسوهم الوقت الأول و امبع الرجلين يعراضو يبقاو هكداك،أما حوايج البيع ديري مثلا و خاصة راكي أنثى تعرفي واش تحتاج العروسة في اجهازها : حوايج الحمام شريهم من الغرب الجزائري مختصين فيهم و لازم يكونو كاملين (من طاس، طابوري، دخولة، بينوار....)، بيعي مثلا لبسة الدار، الخرجة، الاستقبال، حويجات تصديرة اللي تلبسهم و تستغلهم، المكياج، الفاليزات، دراوات.
بصح نصيحة لازم يكون عند راس مال لاباس بيه باه تبداي مليح و تكون السمعة نتاع الحانوت مليحة أي حاجة تحوس عليها العروسة تلقاها عندك ما تبقاش تحوس و قادرة حتى انتي تقترحي عليها و تفكريها في الحوايج الناقصة، و ديري البيبليسيتي في الفاسبوك و واد كنيس.
إذا عجبوك أفكاري و حبيتي المزيد راني هنا الأخت الكريمة و بالتوفيق انشاالله.
( تقرير عن مشاركة سيئة )، و الموجودة أسفل كل مشاركة .
2015-04-17, 13:58
محل لبيع مستلزمات جهاز العروسة و التصديرة
العرض العادي
