معجنات تكفي العائلة بأقل من 100 دج و أولها ب80 دج

[وفاء الياسمين]

السلام عليكم حبيباتي أُسع\دتم مساءا
أحاول إذا طبخت شيئا أظبط دائما سعر تكلفته و المقارنة مع ما نشتريه جاهز و هذه فكرة زوجي حفظه الله و رعاه

ففكرت في اعداد موضوع و نضع فيه جميعنا وصفات بسيطة لا تفوق تكلفتها 100 دج على أقصى تقدير

اليوم بدأت أول تطبيق
عملت بريوش صغير بالشكلاطة يكفي لأمسية قهوة واحدة لا يتعدا عدد أفرادها ستة على أقصى تقدير

أولا المقادير
2 كيلة فرينة و هنا جاتني 350غ تقريبا بما يقابل 15 دج اذا كان سعر الفرينة عندكم مثلنا لا يتعدى 40 دج
2 حبات بيض يعني 20 دج اذا كان السعر 10 دج و اذا كان اقل فلله الحمد الكثير
4 ملاعق سكر انا قدرتهم ب 10 دج تقريبا بعملية حسابية بسيطة 1000غ قسمته على 120 غ يعطينا 8,33 قسمت السعر 80 دج علىه لقيت تقريبا 10 دج
2 ملاعق زيت قدرتهم تقريبا 8 دج و ثلث كاس حليب 2دج يعني كلاهما 10 دج
50 غ شكلاطة العلبة تاع 400غ تساوي 140 دج قسمتهم نتجلي بعملية ثلاثية 17,5 دج مع 7,5 قيمة الخمير الي هي ملعقة غير مملوؤة تولي 25دج
و المجموع 80 دج



التحضير


خمرت الحليب دافي مع ملعقة سكر و الخميرة ملعقة غير مملوؤة
حطيت الفرينة و البيض و السكر و رشة ملح و خلطة بالتخميرة الي درتها
و كي لميتها مليح درتلها الزيت و عجنتها لمدة 7 دقائق
حطيتها تخمر حتى يتضاعف حجمها
بعدها حليتها بيدي على شكل خبزة و قعتها بالسكين



و قطعت الشكلاطة قطع صغيرة



و حطيت داخل كل قطعة عجينة قطعة شكلاطة و لميتها كيما نقرصو خبيزات لعجينة كويرات
و زدت خمرتها مرة اخرى



ومن بعد درت صفار بيضة نحيتها في بداية الخليط و مع مغرف صغيرة حليب و طليتها و رشيتها بالجلجلان اوهنا اختياري و مش راح يتعدى سعره 3 دج



و طيبتها و خرجت خفيفة و بنينة بزاف تحصلت على 24 حبة قد صغيرة جميلة جدا

[وفاء الياسمين]

المشاركة مفتوحة للجميع إذا أعجبتكم الفكرة

[ام ابتهال]

اقل تكلفة والنظافة مضمونة بالصحة و الراحة

[*نآدرة~]

صفحة مميزة جدا وفكرة الموضوع رائعة
أنتظر المزيد،،وان كان لدي ما أقدمه فسأعود لكتابته هناهنا
شكرا لك وجزاك ربي خيرا

[youyou19]

موضوع مميز بارك الله فيك

[صدفات]

بوركت فكرة هايلة على الأقل تعرف ربة البيت تكلفة الوصفة قبل ما ديرها و أنا أقترح عليك ضيفي كل وصفة النجوم اي و صففة سهلة
ب80 دج مثلا حطيلها 4نجوم ،وصفة إقتصادية أكثر و سهلة 5 نجوم وصفة سهلة وغالية نوعا ما 3 نجوم فهمتيني
بتوفيق أختي

[ام ياسو]

روعه يا اختي يعطيك الصحة على الفكرة حتى انا كانت في راسي بصح نقصتني الشجاعه

[وفاء الياسمين]

بارك الله فيكم على مروركم العطر و تشجيعكم الطيب

ام ابتهال

*نآدرة~

youyou19

صدفات

ام ياسو

و الله اليوم جاوني ضياف و عمرت الطبق منو وحطيتو عجبهم بزاف فرحت بزاف
وفرحت كي عجبتكم الفكرة الحمد لله
بارك الله فيكم و بالنسبة لاقتراح النجوم سأحاول تنسيق الموضوع جيدا
و لكم المشاركة بأفكاركم أيضا

[almazalina22]

شكرا على الفكرة ونظن اي حااااجة تخدميها في الدار رايحة تقل تكلفتها وخااااصة من ناحية ضمانة النظافة

[وفاء الياسمين]

المشاركة الأصلية كتبت بواسطة almazalina22

شكرا على الفكرة ونظن اي حااااجة تخدميها في الدار رايحة تقل تكلفتها وخااااصة من ناحية ضمانة النظافة

عفوا حبيبتي ، صح و تبقى دايما حاجة الدار عندها طعم جميل من صنع اليدين

[ام هبة العاصمية]

فكرة ممتازة يعطيك الصحة

[TITA TITA]

شكرا لكي وجزاك الله كل خير.

[وفاء الياسمين]

المشاركة الأصلية كتبت بواسطة ام هبة العاصمية

فكرة ممتازة يعطيك الصحة

المشاركة الأصلية كتبت بواسطة tita tita

شكرا لكي وجزاك الله كل خير.

بارك الله فيكما
الي قدرت تظبط سعر الكيفيات البسيطة تفيدنا بيها

[لجين الحبيبة]

جزاك الله خيرا راكي تستحفظينا على جيوبنا والله غير تكاليف هذا الوقت تخلينا نأيدوك على هذه الفكرة

[وفاء الياسمين]

المشاركة الأصلية كتبت بواسطة لجين الحبيبة

جزاك الله خيرا راكي تستحفظينا على جيوبنا والله غير تكاليف هذا الوقت تخلينا نأيدوك على هذه الفكرة

ربي يحفظكم و يحفظ أمتنا من كي سوء و ربي يبارك في أموالنا
و الله سمعت الناس ولاو يقولو ماكاش البراكة في الدراهم