العجينة السحرية لكل معجناتي

ام اماني77 · 2013-05-23, 19:50

السلام عليكم اخواتي
سبق وحطيت وصفة العجينة السحرية لي نعمل بها التشاراك وغيره تجي هايلة
اليوم جبتلكم عجينة سحرية اخرى لكل انواع المعجنات ،هذا العجينة راااااائعة بكل معنى الكلمة بنفس العجينة ممكن نعمل منها خبز الباغيت،البيتزا،البينيي،الدونات،كرواسون مالح وحلو،خبز الهمبورغر،البانيني،خبز التوست،البريوش والقائمة طويلة
اليوم باذن الله نحط الجزء الاول من المعجنات لي عملتهم بنفس العجينة بالخطوات وان شاء الله في الايام القادمة نحط انواع اخرى من المعجنات بنفس العجينة السحرية
مقادير العجينة:
2 كاس فرينة(كاس نتاع 250مل)
ملعقة صغيرة مملؤة جيدا خميرة الخبز
م ك سكر
3م ك حليب غبرة
ملح
30غ زبدة
170مل ماء دافيء
الطريقة:
نخلط جميع المقادير السابقة ماعدا الزبدة ونعجنها جيدا ثم نضيف الزبدة ونعجن حتى تتداخل في العجن
هذا شكلها هنا ضاعفت المقادير

https://

نغطيها ونخليها تختمر حتى يتضاعف حجمها

https://

بعد الاختمار نشكل بها كل انواع المعجنات لي ذكرتهم

1ـكرواسون مالح وحلو

نأخذ كمية من العجينة ونبسطها على صينية حتى يكون شكلها دائري نقطعها على ثمانية

https://

نحشيها حسب الرغبة انا كمية حشيتها فرماج وكمية حشيتها شكولة ونشكلها على شكل كرواسون

https://

نغطيها ونخليها تختمر
بعدها ندهنها بالبيض مع شوية خل يعطيها لمعة
الكرواسون المحشي فرماج دهنته بالبيض ورشيت عليه جلجلان اما المحشي شكولة دهنته بالبيض فقط

https://

ندخلهم يطيبو في فرن يكون مسخن مسبقا وهذا شكلهم
هذا الكرواسون المالح

https://

وهذا الكرواسون الحلو بعد مايبرد نرش عليه السكر الرطب

https://

https://

هذا شكلهم من الداخل

https://

2ـخبز الباغيت

https://

لتحضير خبز الباغيت سواء بهذا العجينة او غيرها نتبع مايلي
نأخذ كويرة من العجينة نبسطها كما في الصورة

https://

نبسطها على اثنان ونضغط على الاطراف

https://

نعاود نبثنيها في الاتجاه المعاكس ونضغط على الاطراف

https://

نرفع العجين الموجود على الطرفين الى الوسط

https://

نمدد العجين حتى نتحصل على حربوش طويل

https://

انا حطيت في صينية الخاصة بخبز الباغيت ممكن نعمل الصينية العادية

https://

نغطيه ونخليه يختمر بعدها نشكل فوقه خطوط باستعمال سكين حاد وندهنه بالبيض ونرش عليه الجلجلانية

https://

ندخله للفرن يكون مسخن مسبق حتى يطيب وياخذ لون ذهبي

https://
وهذا شكله من الداخل

https://

3ـالدونات
نبسط العجينة ونقطع دوائر كبيرة وفي كل دائرة نقطع دائرة صغيرة نحطهم على ورق الزبدة مرشوش بشوية فرينة ونخليهم يختمرو جيدا هذا سر نجاحهم

https://

نسخن الزيت ونقليهم وكل ما نحط حبة نرمي عليها الزيت حتى تنتفخ
بعد ما تطيب نحطها فوق الورق المطبخ حتى نتخلص من الزيت الزائد
بعد مايبردو نغطسهم في الشكولة واستمتعو ا باحلى دونات اممممم

https://

https://

4ـ لبينيي
نفس طريقة عمل الدونات فقط وهما سخونين نرمدهم في السكر

https://

5ـ البيتزا
يمكن نشكلها دائرة كيما العادة انا هنا شكلتها وردة باستخدام صحن صغير كنوع من التغيير هنا استعملت صينية البيتزا لي قلتلكم عليها تجي مثقوبة من الاسفل

https://

نثقبها ونحط صلصة الطماطم ونزين بالزيتون الاسود والاخضر وندخلها تطيب في فرن سخوووون

https://

بعدما طابت حطيت عليها التون والفرماج رابي طبعا كل اخت تحط واش تحب

https://

https://

6ـ خبز دائري

نشكل كويرات من العجين بالحجم المرغوب ونبسطها نغطيها ونخليها تختمر بعدها نشكل عليها خطوط وندهنها بصفار البيض مع شوية فقط من الحليب والخل ونرش فوقها السنوج

https://

ندخل الخبز يطيب في فرن يكون مسخن مسبقا حتى ياخذ لون ذهبي جميل وهذا شكله النهائي

https://

عن قرب

https://

تم بعون الله الجزء الاول من معجناتي بالعجينة السحرية نتمنى تجربوها لانها فعلا تستحق التجربة وتوفر الوقت لان بنفس العجينة ممكن نعمل انواع من المعجنات
نتمنى يعجبكم الموضوع ولاتنسوني من صالح الدعاء لي ولاولادي خاصة انهم في فترة الاختبارات ولكن بالمثل
في امان الله
</B></I>

الوهرانية 1 · 2013-05-23, 19:56

يعطيك الصحة اختي

أم ياسين الزهراء · 2013-05-23, 19:59

ربي يخليك حنونة الله يعطيك على قد نيتك

صابرة2013 · 2013-05-23, 20:07

مواضيعك وايد شيقه وممتعه وانا احب أن امر عليها
رب يحفظ أولادك

ام احمد وصال · 2013-05-23, 20:08

الله يبارك عليك ام اماني فحلة ونص ربي يعطيك الصحة ويجازيك وينجحلك اولادك
نسقسيك الزبدة دايبة كيما الماء ولا مقطعة طراف ولا كيفاه

ميمنة الجزائر · 2013-05-23, 20:15

روووعة يا ام امني عن جد شاف

rose white · 2013-05-23, 20:20

بارك الله فيك والله يعطيك صحة و العافية اختااه

أم ريمة* · 2013-05-23, 20:24

اللهم اجعل هذا المجهود فى ميزان حسناتك ويصخرلك زوجك ويصلحلك اولادك امييييييييين

طهراوي ياسين · 2013-05-23, 20:26

الله يعطيك على قد نيتك

HADIL2044 · 2013-05-23, 20:29

يعطيك الصحة خالتي
ربي يجازيك كل خير ويجعل اولادك دائما من المتفوقين

om anous · 2013-05-23, 20:32

الله عليك يا أم اماني مبدعة الله يرضى عليك
الدونات تقولي مشرية من محل مختص بصناعتها .....حبيت نسقسيك على حليب غبرة نقدر ما نديروش او نعوضو بالحليب السائل علابالي عندو دور في الخفة لكن ما لقيتوش ينباع هنا قوليلي واش ندير تعيشي .
ربي ينجحلك اولادك ويجعلهم من الاوائل

ام احمد وصال · 2013-05-23, 20:34

اقتباس:

المشاركة الأصلية كتبت بواسطة om anous

الله عليك يا أم اماني مبدعة الله يرضى عليك
الدونات تقولي مشرية من محل مختص بصناعتها .....حبيت نسقسيك على حليب غبرة نقدر ما نديروش او نعوضو بالحليب السائل علابالي عندو دور في الخفة لكن ما لقيتوش ينباع هنا قوليلي واش ندير تعيشي .
ربي ينجحلك اولادك ويجعلهم من الاوائل

على السلامة ام انوس وصلاتك رسالتي

ام راضية · 2013-05-23, 20:37

يعطيك الصحة وربي يحفظك ويباركلك في زوجك واولادك

oum ibrahim · 2013-05-23, 20:47

واااااااااو يا لروعة فعلا سحرية كسحرك يا الغالية ماشاء الله ابداع ربي يخليك ذخر للمنتدى و تنوريه بوصفاتك و طلتك البهية جعلها الله في ميزان حسناتك يا رب ووفق اولادك في مشوارهم الدراسي و كل اولاد المسلمين

monsefdj19 · 2013-05-23, 20:48

يعطيك الصحة وربي يحفظك و يزيدك من فضله و يكتبهالك في ميزان الحسنات